Asteeg ang Internet

Kakatapos ko lang makipag-chat gamit ang pinakabagong feature ng Facebook kay Ate Dory, pinsang buo ng Mama ko na sa United Kingdom na naninirahan.

Hindi pa kami nagkita kahit kailan. Kahit sila ng Mama ko, di rin nagkakilala masyado dahil ang isa’y sa Marinduque lumaki, at ang isa ay sa Mindoro. Pero sabi ko nga sa kanya, lagi siyang nababanggit sa mga kuwento sa bahay, lalo na kapag tungkol sa mga nasa kamag-anak na nasa abroad ang usapan. So kahit di kami magkakilala talaga, parang kilala ko siya.

Nasa Facebook friend ko ang anak niya, at noong isang araw ay nakatanggap ako ng message mula sa kanya. Kung ako raw ba ang anak ni Ate Belen. Malamang ay nakita niya ako sa page ng anak niya. Agad naman akong sumagot. At kanina, nang makita ko siyang online, sinampolan ko nga ang chat feature ng Facebook sa kanya. Tumagal din nang halos isang oras ang kumustahan at kuwentuhan namin. At ini-add ko na siya sa Friendster.

Samantala, ang mga anak ng pinsan ng Mama ko na sa Germany na ipinanganak at lumaki, mga na-recruit ko na rin sa Friendster. Nang huli ko silang makita, maliliit na mga bata pa sila. Ngayon, kahit paano, nakapagpapalitan kami ng mga mensahe, gaano man kadalang at kaikli.

Asteeg ang Internet.

Dahil nga rin sa Internet, nakilala ko sina aajao, Ka Martin, Markku, Handyfemme, Ricky, Merwin, Noel, Jol, Vlad, Ronald & Eris, Karl & Mimi, Marcin, Neil, Rommel, Jim, Raspberry, Jun, Aileen, Janette, Connie, Abe, Benj, Jeff, Arbet, Bikoy, Shari, JM, iba pang mga kasama at kaibigan sa Tinig.com at Bloggers Kapihan, at marami pang ibang mga katoto at kaututang dila sa cyberspace. Karamihan sa kanila ay makakasama ko sa Sabado sa iBlog 4.

Asteeg talaga ang Internet.

8 thoughts on “Asteeg ang Internet

  1. panahon na yata para gumawa ako ng account sa facebook. ๐Ÿ™‚

    ay, totoo yang sinabi mo. asteeg talaga internet. ang dami ko ring nakilala at naging kaibigan dahil dito. Meron pa nga kaming regular monthly breakfast meeting ng mga kaibigan sa blogkadahan.com. ๐Ÿ™‚

    sayang, di ako makakapunta sa Sabado.

    Apol’s last blog post..Enrollment na naman ni Pia

  2. with www’s we are connected, pero sa panahon ngayon masama ang masyadong koneksyon baka ma-scandal… heheheh

    facebook = yan ang bagong item’s for sale ni ederic hahahha… maswerte ang mga company’s na may ari ng mga naiipost nya dito dahil sumisikat talaga , i remember yung friendster dito ko din nakuha ang tip, ang dami pa niyang nailabas na products dito… dapat may award ang blog na to pinakamatandang blogger este pinakamatandang blog hahahah…. at marketing tool pa ng mga dot com business…

    kung astig ang internet, ang blog na to` ang pinaka-asteeg….

  3. Sikat na sikat ang Facebook dto, e pati nga police officers nag i-invite sa mga high school students na gawin silang friends para daw ma-protectahan ang accounts ng mga teenagers dito.

    Anyway, wala na naman sa topic, pero dahil sa internet, napanood ko rin sa YouTube yung performance ni Madonna Decena sa Britain’s Got talent. Kung di mo pa napapanood, panoorin mo at sobrang nakakaiyak. Feel na feel ko, kasi naman yun din ang reason ko sa pagpapahirap dito sa iabng bansa. Ang masasabi ko lang, bilb na bilib ang mga foreigners sa mga Pinay (maski na dito) kasi sa trabaho, puso ang pinaiiral at hindi dahil sa pera lang. Makikita mo rin ang kaibahan ng Pilipino pag nagtrabaho ka sa abroad. Sobrang talented at hardworking. Kaya dahil sa INTERNET, nakikisalamuha ako sa mga Pinay na tulad ko na sabik na rin umuwi sa bansa. ๐Ÿ™‚

  4. Dahil sa tinatawag nilang Web 2.0 applications, kaya naging mas malapit sa mga tao ngayon ang internet – di na kelangan magaling sa programming – kaya mo na gumawa ng magagarang websites at webpages tulad nang sa Facebook. Pati na yata pagdadasal, pwede na idaan sa internet. May iba click nalang youtube video ng dasal at nakikinuod at nakikinig nalang. Wehehe.

    bloggista’s last blog post..Win an Acer laptop and a projector

Post a reply