May ipinamigay na dokumento sa mga mamamahayag kahapon ang kontrobersyal na abogadong si Homobono Adaza. May letterhead ng tanggapan ng Presidential adviser on Peace Process, ang dalawang pahinang dokumento ay naglalatag ng policy umano ng gobyerno hinggil sa Moro Islamic Liberation Front (MILF).
Iniuugnay ng dokumento ang Armed Forces of the Philippines (AFP) sa mga bombahan at iba pang karahasan sa Mindanao. Nakasaad dito ang planong pag-atake sa Buliok Complex at panggigipit sa MILF hanggang sa ang mga puno ito’y sumuko, ang paghuli–patay man o buhay–kay Salamat Hashim, ang paninisi sa MILF sa mga “AFP-backed bombings” sa malawakang psywar operation sa media, at ang pinakahuli’y ang pagdedeklara sa MILF bilang foreign terrorist organization na magbibigay daan sa pananatili ng puwersang Amerikano sa Mindanao.
Pinabulaanan na kanina ni Sec. Eduardo Ermita na galing ang ganoong dokumento sa kanyang opisina. Ito raw ay peke at gawa-gawa lamang.
Madaling paniwalaan ang pagiging peke ng dokumento. Hindi naman ganoon katanga ang mga taga-gobyerno upang i-implicate ang kanilang sarili sa matitinding kaso gaya ng pambobomba.
Ngunit mas nakaliligalig ang tila pagiging totoo ng nakasaad sa umano’y pekeng dokumento. Nakita na natin ang atake sa Buliok na nagdulot ng evacuation ng maraming mga sibilyan. Nang magkaroon ng mga pambobomba sa Davao, kahit anong ako ng Abu Sayyaf ay sa MILF itinuturo ang krimen. Di ba’t pati nga isang inosenteng Muslim ay itinurong rebeldeng nambomba? At sa MILF din itinuturo ang kasalukuyang kaguluhan sa Siocon, Zamboanga del Norte.
At di nga ba’t kalulutang lang ng isyung pinag-iisipan ng palasyo na ideklara nang terorista ng MILF na tinututulan naman ng mga senador?
Pero ang isang rebolusyunaryong grupo nga ba ay maaaring ituring na terorista?
Related Posts
DOH, groups sign smoke and vape-free pledge
They want public policies for smoke-free and vape-free environments.
Viral video ng disbarred lawyer na si Larry Gadon
Para ito sa mga naghahanap sa viral video ng nadisbar na DDS at Marcos…
ang MILF ang nagbibigay ng problem sa bansa, sila ang nagpapahirap sa ating ekonomiya.sila ang mga taong walang magawa sa buhay… kung may pakialam sila sa bansa dapat hindi sila gumagawa ng mga mrarahas na hakbang dahil mraming mga inosente ang nadadamay.
hindi ko maintindihan kung ano ba talaga ang ipinaglalaban nila o kung meron nga ba talaga dahil kahit kapwa nila Muslim ang pinapatay nila o ginagawang bihag. SANA NAMAN GUMISING NA SILA!!! HINDI UUNLAD ANG ATING BANSA KUNG TAYU-TAYO ANG NAGPAPATAYAN.HUWAG SANA SA GANITONG PARAN NILA IPAGLABAN ANG GUSTO NILANG IPAGLABAN. MARAMI NAMANG PARAN AT SANA NAMAN AY PAKINGGAN SILA NG gOBYERNO.AT SANA AY YUNG TAMA LANG ANG IPAGLABAN NILA AT YUNG NARARAPAT LAMANG.
Siguro nga’y walang gobyerno ang may gustong magpatayan na lang nang magpatayan ang mga tao.
Pero bakit ba lagi na lang nating itatanong kung ano ang puwede nating gawin para sa ating gobyerno? Sa inihaba-haba ng panahon, karamihan sa mga mamamayan ng Pilipinas ay maayos na nagsisikap para mabuhay nang maayos, pero hindi naman ibalik ng gobyerno ang malasakit sa pamamagitan ng pagtitiyak na magiging malaya ang mga tao at sila’y mabubuhay sa isang makatarungang lipunan.
Ang lipunang may gobyerno ay maiiba lamang sa lipunang walang gobyerno kung titiyakin ng gobyernong mapangangalagaan ang mga karapatan ng buong sambayanan. Ang gobyerno, samakatwid, ay may katungkulang magsilbi sa mga mamamayan; kundi ito gagawin ng gobyerno, hindi ito kailangan ng sambayanan.
Masisisi ba natin ang iba kung sila’y makaisip na humawak ng armas, gayong wala namang silbi ang gobyerno sa kanila at pahirap nang pahirap sa mga mamamayan?
Bukod pa rito, hindi lang ang MILF ang may armas sa Mindanao. Santambak ang militar doon–at ang militar, gaya ng ipinakikita ng kasaysayan ng pagbomba sa Plaza Miranda at ng pananambang kay Enrile, ay may kasaysayan ng pagsasagawa ng mga bombahan, na iba ang ituturong may kagagawan pagkatapos.
At tama, sino ba ang makikinabang sa kaguluhan sa Mindanao na hindi matapus-tapos?
Sino ang matagal nang may gustong lumikha ng isang kalagayang katulad ng batas militar?
Sino ang kating-kating papasukin ang mga bata ni Tiyo Samuel sa Pilipinas? Abu Sayyaf lang naman ang problemang napakalaki sa Mindanao nang magsimula at hanggang sa matapos ang Balikatan 02-1. Pero nang marami-rami na ang tutol sa muling pagpasok ng mga GI Joe, biglang sasalakay ang gobyerno sa Pikit kahit na may negosasyong pangkapayapaan.
Maliwanag na siguro kung sino ang terorista.
di ko talaga maintindihan. terorista ba talaga MILF o hindi? Sabi ng teacher ko nung 2nd year HS di daw. Sabi naman ng iba, oo. argh!
Sigurado nga ba tayong MILF ang may gawa ng mga kaguluhan sa Mindanao? Gaya ng sinasabi ng mga political analyst, dapat nating tingnan kung sino ang may pulitikal na pakinabang sa lahat ng ito.
The MILF has been with us for many years. Too much have been said about Peace Agreements between the government and MILF. Both parties sucks. Everytime the latter don’t like what the former is doing they resort to coward acts; they rebel and kill people.
I don’t want to blame everything to the government. It takes two to tango, you know. Wala na lang ginawa ang mga MILF kundi pumatay at pumatay ng mga inosenteng sibilyan. Sino ba namang gobyerno ang may gusto nito? Ang hirap naman kasi sa kanila (o kaya most of us) ay palagi na lang sinisisi ang lahat sa gobyerno. We don’t even bother ask kung may ginawa ba tayo para sa ating gobyerno.
I would really support the government if they would declare an all-out war sa mga pes–ng MILF na ‘yan!
Want peace? Prepare for war! 🙂
hindi na nga natin alam kung sino ba talaga ang terorista–kung ang tinutugis o ang tumutugis. naisip ko tuloy tama si gracia burnham sa paggamit ng titulong “in the presence of my enemies” para sa kanyang libro. alam na siguro natin kung sino bukod sa mga abu sayyaf ang tinukoy niyang “enemies” rito.