in Pelikula at Telebisyon, People

Kahit hindi na active ang AlDub — o ang tambalan nina Alden Richards at Maine Mendoza a.k.a. YayaDub — nagpost pa rin ang dalawa sa Twitter kahapon ng kani-kaniyang mensahe para sa AlDub Nation.

Kinilala nina Alden at Maine ang pagmamahal at suporta ng kanilang mga tagahanga mula nang mabuo ang AlDub noong Hulyo 16, 2015 sa “Juan for All, All for Juan” segment ng “Eat Bulaga.”

Si Maine, nagpasalamat sa mga naging bahagi ng AlDub Nation sa nakalipas na apat na taon.

Si Alden naman, tila may pag-asa na marami pang anibersaryo ang ipagdiriwang ng AlDub kasama ang AlDub Nation.

Thankful si Maine sa lahat ng “tunay na nagmamahal at sumusuporta hanggang ngayon.” Si Alden naman, ginamit ang anniversary hashtag ng AlDub Nation at may riin ang banggit sa “INYO,” na tumutukoy sa kanilang mga tagahanga.

Ipalalabas na sa Hulyo 31 ang “Hello, Love, Goodbye,” kung saan katambal ni Alden si Kathryn Bernardo.

Inianunsiyo na rin ang “Isa Pa With Feelings” nina Maine at Carlo Aquino.

Write a Comment

Comment