Suhol

Habang isinusulat ito, bagamat nagkaroon ng pagsabog sa Glorietta 2 sa Makati na ikinamatay ng 11 katao, hindi pa rin matapus-tapos ang mainit na usapin ng umano’y suhulan sa Palasyo ng Malakanyang na naganap matapos makipagpulong si Pangulong Gloria Macapagal-Arroyo sa mga gobernador at congressman ilang linggo na ang nakakalipas.

Si Father Ed Panlilio, ang matuwid na gobernador ng Pampanga, ang nagsiwalat na nabigyan siya ng pera sa Palasyo pagkatapos ng nasabing pulong. Sinabihan daw siya ng kanyang aide na pagkatapos ng pulong ay mamamahagi ng perang magagamit para sa mga proyekto sa baranggay. Kaya naman nang iniabot ng isa pang gobernador sa kanyang aide ang pera, tinanggap nila ito. Kalaunan, sinabi ng paring gobernador na mukha ngang suhol ang ipinamahagi sa kanila. Sumulat na siya sa Malacañang upang humingi ng paliwanag. Itinanggi naman ng Palasyo ang pamamahagi ng pera.

Read more »

Pinoy Vlogging @CokskiBlue

Pinoy VloggingKakalipat lamang ni Coy–isa sa 11 influential Pinoy bloggers na kinilala ng Digital Filipino–mula sa Blogspot patungong www.thisiscoy.net. Bukod sa bagong domain, may sarili na rin siyang hosting. At ngayong bago ang kanyang site, inaanyayahan niya tayong sumali sa kanyang mini-blogging project: ang “uBlog, iVlog.”

Ayon sa kanya, layunin ng proyekto na maipakalat ang mahika ng lumalawak na “craft of vlogging” o video blogging sa Pilipinas, at upang mahikayat ang Pinoy bloggers na subukan ito. Ang mananalong blogger ay igagawa ni Coy ng promotional video para sa kanyang blog o website.

Continue reading

Pangangaluluwa vs. trick or treat

Ngayong sa Maynila na ako namamalagi, may mga nababasa at naririnig ako tungkol sa mga batang anak-mayaman at middle class na nagti-trick or treat kapag Halloween.

Pero noong nasa Marinduque ako, wala sa bokabularyo ko yang trick or treat na ‘yan. Ang meron sa amin ay ang pangangaluluwa. Parang karoling kung Pasko, pero ginagawa sa gabi kapag Undas (o Undras). Kakanta ang mga nangangaluluwa, at dapat ay bibigyan sila ng pera ng mga nasa bahay na tinapatan at kinantahan nila.

Continue reading