social media

There are 4 posts tagged social media (this is page 1 of 1).

Think before you click (2)

“The dream behind the Web is of a common information space in which we communicate by sharing information,” ayon kay Tim Berners-Lee, ang imbentor ng World Wide Web. Samakatuwid, nabuo ang Web upang maging daan para makakonek tayo sa isa’t isa saan man tayo naroon, at upang makapagbahagi tayo ng ating nalalaman.

Ang World Wide Web ay isang bahagi lamang ng Internet na isa namang napakalawak na network ng mga computer. Mismong ang Internet ay tungkol din sa koneksiyon at pag-uugnayan. Dahil dito, naniniwala akong sa pakikitungo natin sa mga kapwa natin netizen online, mahalagang maging mabuti at matulungin sa iba.

Continue reading →

Think before you click

Think Before You Click (GMA News)

Ang internet at social media, para ding tabak na may dalawang talim. Depende sa paggamit, maaari itong magdala ng ikabubuti mo at ng ibang tao, pero puwede rin itong maging mitsa ng kapahamakan.

Sa isang banda, nagbukas ito ng maraming oportunidad. Ang mga nauna sa Internet, gaya nina Jerry Yang at David Filo na mga nagtatag ng Yahoo! — isang iconic brand sa internet — ay nagkaroon ng pagkakataong makatulong sa mga netizen, makalikha ng maraming trabaho sa iba’t ibang bansa, at mapabuti ang sarili nilang kalagayan sa buhay.

Continue reading →

Buhay digital

Pagkagising, cellphone agad ang hawak mo. Habang nag-aalmusal, sa tablet ka nagbabasa ng balita. ‘Di ka pa nakakaalis, may Viber message na ang tropa — ipinaaalalang may lakad kayo mamaya.

Sa estasyon ng MRT, nakaligtas ka nga sa pila sa tiket dahil sa Beep card mo, mahaba naman ang pila papasok. Ano pa nga ba ang bago? Mabuti na lang, may libreng Wi-Fi na. Browse ka muna sa Facebook. ‘Pag nagsawa, Everwing naman.

Continue reading →

Ang mga dapat maipabatid sa social media users

Pananalita sa Social Media for Social Change Forum ng Kabataan Partylist para sa pagdiriwang ng World Social Media Day
Infinitea Maginhawa, June 30, 2013

Magandang hapon po at happy social media weekend sa inyong lahat. Kahapon ay nagkita-kita na ang ilan sa atin. Dumalo ako sa #fwdPH ng TweetUp Manila, at ikinagagalak kong maging bahagi ng social media forum ng Kabataan Party, na matagal nang nakakapartner sa iba’t ibang gawain ng ngayo’y lulubog-lilitaw kong Tinig.com, at ng inactive na ring Bloggers Kapihan — na sana’y maibalik natin ngayong taon.

Ngayong araw, nagsasalita po ako hindi bilang empleyado ng kompanyang aking pinagtatrabahuhan kundi bilang isang matagal-tagal na ring blogger at isa sa mga naunang sawsawero sa mundo ng social media.

May sampung taon na mula nang maadik tayo sa Friendster. Naaliw tayo sa pagba-browse ng latest pictures ng mga kaibigan natin. Para sa mga kaedaran ko rito, hinanap natin at inalam kung ano na ang hitsura ng mga kaibigan at mga crush natin noong elementary. Excited tayong naghintay, at minsa’y nangulit pa — na bigyan ng testimonial ng Friendster friends natin. Hanggang sa nailang na tayo sa kakaibang themes sa Friendster at nakilala natin ang Facebook. Kalaunan, dumating na rin ang Twitter. Sinundan pa yan ng Google Plus, Instagram, Pinterest, Vine, at iba pa.

Unti-unti na ring nag-evolve ang paggamit natin sa social networking services na ito, na ang nilalaman ay tinatawag natin ngayon collectively bilang social media. Mula sa pagiging personal journal na venue para makapagpahayag ng mga angas natin sa buhay — na siya pa rin namang pangunahing gamit nito para sa marami sa atin — nadagdagan na ito ng iba’t iba pa. Ginagamit na rin ng businesses at brands ang social media para mai-promote ang kanilang produkto; ng celebrities para maka-connect sa kanilang fans; ng mga politiko para sa pangangampanya. Pero alam kong bago pa man mauso itong huli, mayroon nang Kabataan Cyber-Fever noong 2007 ang Kabataan Party. Hindi pa sikat sa atin ang Twitter noon.

Continue reading →