Sa likod ng kamera noong unang #PiliPinasDebates2016

Isa ako sa mga Kapuso na lumipad papuntang Cagayan de Oro noong Pebrero para sa una sa serye ng Pilipinas Debates 2016, na inihatid ng GMA Network, Philippine Daily Inquirer, at Commission on Elections (Comelec), kasama ang Kapisanan ng mga Brodkaster ng Pilipinas. Kung hindi n’yo pa ito napapanood, narito ang full video ng debate:

Kami ng kasamahan ko sa GMA News Social Media na si Justin Joyas ang natoka na mag-report nang live sa Facebook page ng GMA News ng mga nangyayari sa likod ng television cameras. Kasama din namin si Aileen Perez ng GMA Public Affairs Social Media para naman sa 360 videos sa Facebook.

Sinimulan namin ni Justin ang aming Facebook Live coverage sa pamamagitan ng pagpapakilala at pagpapasilip sa kampus ng Capitol University, na pagdarausan ng debate:

Sinundan namin ito ng pagbisita sa silid na nagsisilbing headquarters ng GMA News Public Affairs production team, at nakausap ni Justin ang GMA News pillar and anchor na si Ms. Jessica Soho, isa sa mga host ng debate.

In-interview ko rin si GMA News anchor Mike Enriquez tungkol sa mga paghahanda niya para sa gagawin niyang pagho-host ng PiliPinas Debates.

Posted by GMA News on Saturday, February 20, 2016

Si Ma’am Jess ulit ang sumunod kong kinausap nang live.

Ipinakita naman ni Kapuso reporter Joseph Morong sa mga Facebook follower natin ang auditorium na pagdarausan ng debate.

Kinabukasan, araw ng debate, muli kaming pumunta sa venue para ipakita ang mga preparasyong ginagawa roon. Kasama namin ni Justin si Joseph na nagkuwento ng paghahanda ng production team habang nag-iinspeksiyon sa set ang staff ng presidentiable na si Sec. Mar Roxas.

Pati ang briefing ng mga volunteer na taga-Capitol University, ini-live rin namin:

Nakunan din namin nang live ang pagdating ni Comelec Chair Andy Bautista.

Kailangan ko talagang matutunan kung paano mapapanatiling steady ang cellphone camera kahit naglalakad ako.

Sa video na ito, makikitang ang staff naman ng presidentiable na si Sen. Grace Poe ang nag-i-inspeksiyon sa set:

Na-interview ni Justin si Comelec Chair Andy Bautista bago ang debate:

Mula naman sa gate ng Capitol University, pumasok kami at nilibot ang campus kasama ang isang estudyante roon na involved sa security ng event.

Ito ang part two ng paglilibot:

Binalikan din namin ang HQ ng GMA News and Public Affairs.

Nilakad din namin ang red carpet at pinasok ang holding room sa backstage kasama si Joseph Morong:

Nag-request kami ng short greeting para sa mga Facebook follower ng GMA News mula kay Ma’am Jess bago ang debate.

Ang pagdating sa Capitol University ng mga kandidato sa pagkapangulo ang kasunod ipinakita sa Facebook followers ng GMA News.

Si Vice President Jojo Binay ang unang dumating sa Capitol University.

Kasunod na dumating si dating DILG Sec. Mar Roxas.

Si Sen. Grace Poe naman ang kasunod na dumating.

Sumunod na dumating si Davao City Mayor Rody Duterte.

Huling dumating si Sen. Miriam Defensor-Santiago.

Na-interview ko rin si Inquirer.net editor-in-chief John Nery, na co-host ng debate.

Nagbigay naman ng updates mula sa red carpet ng PiliPinas Debates 2016 ang Kapuso reporter na si JP Soriano.

Inabangan namin ang mga kandidato sa holding room sa backstage. Ito ang pinakamahabang Facebook Live session namin noong unang PiliPinas Debates 2016. Nagkasama-sama sa silid na ito sina VP Binay, Sec. Roxas, at Mayor Duterte. Pumasok din dito sina Sens. Poe at Santiago.

Ilang minuto bago ang simula ng debate, excited na ang lahat. Nag-live kami kasama ulit si Joseph.

Ito naman ‘yong a minute before magsimula ang show.

Siyempre, may update ulit kami after the first commercial break:

Sa ikalawang commercial break, in-interview ulit namin ni Justin si Chairman Bautista.

May maikling interview rin kami kay Inquirer President and CEO Sandy Prieto-Romualdez:

Bago ang round 3, in-interview naman namin ang isang kinatawan ng persons with disabilities, si Mr. Enrique Ampo. Mas maganda na ang internet connection namin nito.

Bago mag-on air sa round 3:

Sumilip kami sa control booth at media center. Sumama ang Internet, at magalaw pa rin ang camera ko.

Nang-ambush interview din kami ng supporters ng mga kandidato na nasa gymnasium ng Capitol University:

Ini-livestream din namin sa Facebook ang pagtatapos ng debate:

Kaso hindi nga maganda ang Internet connection, kaya may part 2 pa:

Siyempre, dapat may closing din ang Facebook Live coverage namin ni Justin:

Kinunan din namin ang masayang picture-taking ng mga Kapuso pagkatapos ng debate:

Ang ang aming final live update sa unang leg ng Pilipinas Debates 2016, isang mensahe mula kay Ms. Jessica Soho:

Bukas, abangan ang online and social media coverage ng GMA News sa ikalawang Pilipinas Debates 2016. Bumisita lamang sa GMA News Online at sa Facebook, Twitter, Viber, Instagram, at FireChat ng GMA News.