Kapuso Bloggers

Kahapon, may feature story tungkol sa mga Kapusong blogger sa programang 24 Oras ang GMA-7 reporter na si Sherryl Yao.

Itinampok sa istorya ang mga blogger na nagsusulat tungkol sa mga palabas ng GMA-7 gaya ng Mulawin at Jewel in the Palace. Sina http://www.dennislazo.com” target=”_blank”>Dennis Lazo at Ka Webspy ang mga kinapanayam, at ipinaliwanag nila kung bakit sila nagba-blog tungkol sa mga nabanggit na GMA-7 shows.

Ikinatuwa naman ng GMA-7 ang pagkakaroon ng mga ganitong blogs. Pero ang “pakiusap” ni Carmencita Arce, Corporate Communications head ng GMA-7, sana raw ay ipagpaalam sa Network ang paggamit ng mga larawan mula sa mga palabas. Dapat daw ay malinaw ding isaad na ang himpilan ay walang kinalaman sa unofficial blogs.

Maaari ninyong mapanood ang Kapuso bloggers story sa post na ito ni Dennis. Naroon din ang links patungo sa iba’t ibang Kapuso blogs.

Tumulong ako sa pagbuo ng feature na ito. Maraming salamat kina Dennis at Ka Webspy sa pagpapaunlak, at kina South Rock at Splasher, at sa Nokiahost sa kanilang mahalagang tulong.