Motorcycle Diaries

May post sa Alaeh.net si Jun tungkol sa Motorcycle Diaries, isang pelikula tungkol kay Ernesto “Che” Guevara na pinagbibidahan ng mahusay na Mehikanong artistang si Gael Garcia Bernal. Ayon kay Jun, ang Motorcycle Diaries ay “istorya ng isang paglalayag” na makapagbibigay-linaw “kung ano ang tunay na intensyon ng tao at ng mundo para sa’yo.”

Ilang beses na rin naming napanood ang Motorcyle Diaries. At sumasang-ayon ako kay Jun na ito ay tungkol sa paglalakbay at pagtuklas, tungkol sa pagtupad ng pangarap at paghahahap ng direksyon sa buhay. Sa kaso ng magkaibigang Ernesto Guevara at Alberto Granado, kapwa nila natagpuan ang kanilang nais gawin sa buhay na ito: ang maglingkod sa sangkatauhan sa magkaibang paraan. Si Che sa pagsusulong ng pagbabago sa Timog Amerika at si Alberto sa landas ng medisina.

Naisip ko nga noon, dapat itong ipalabas nang libre para mapanood ng marami. Bukod sa magaling na pagkakagawa ng pelikula at makatotohanang pagganap ng mga artista, matindi ang impresyong iiwan ng malakas na karakter ni Che na inilarawan sa pelikula: ang kanyang lubos na katapatan at walang pag-aanlinlangang pagyakap sa katuwiran.

Bago ko mapanood ang Motorcycle Diaries, ginagamit ko nang signature sa mga forums ang quotation na galing kay Che: “If you tremble with indignation at every injustice, then you’re a comrade of mine.” Sa pelikula, mas naramdaman kong sa kanya nga nanggaling ang mga katagang iyan.

Naalala ko tuloy, kailangan ko na nga palang ipagpatuloy ang pagbabasa ng biography niya. Tumigil kasi ako dahil nalilito ako sa dami ng bagong mga karakter. At kung gusto pa ninyong pag-usapan ang pelikulang ito, may post tungkol sa Motorcycle Diaries sa UPAlumni.tk forums na hanggang ngayo’y ‘di pa rn nasasagot ng kahit sino.

0 thoughts on “Motorcycle Diaries”

  1. Gusto ko ring mabasa ang book. Sayang lang dahil sobrang mahal. Sana makabili tayo sa book sale.

    Ang ganda talaga ng pelikulang ito. Actually, magaling talaga si Walter Salles. Magaling siya maglabas ng karakter sa artista.

  2. sana makita natin yang trembling with indignation with every injustice sa bansa natin… pero mali rin ako sa pagnanais kong mangyari, dapat talaga magsimula tayong mga bloggers and maybe yung mga readers natin sumunod sa pagiging mga “opinion leaders” sa blogosphere.

  3. trembling with indignation with every injustice? hmm. tama ka dun.

    pero naisip ko lang, kaya ako nag-blog para mahinto kahit ilang minuto lang ang panginginig ko. hehe. hindi din nag-work. nanginginig pa din ako. for so many reasons, not the least of which is coffee.

  4. It’s beautiful. I like the scene when they were in the middle of a lake, and Alberto proposed the they put up a clinic beside the lake when they retire.

  5. Mhay: Hanap lang tayo.

    Joachim: ‘Yun nga lang, hindi pa ganoon kalaganap sa buong bansa ang Internet.

    Vince: Hmmm, mahirap ‘yang nginig nang nginig. nakaka-okatokats yan. Hehe.

    Angela: Wow, sa ‘yo ‘yung libro?

    Prem: Oo nga. Mga pangarap ng magkakaibigan…

Leave a Reply