Generation X

Nabasa ko ‘yung post ni Jaemark tungkol sa mga bagong bili niyang libro at naalala ko ‘yung Tinig ng Generation Txt article ko na nagsasabing itinatatwa natin ang label na “Generation X” sa kabataan label dahil ito’y nangangahulugan ng pagiging lito at walang direksyon.

Pero ‘yung librong pinagmulan ng label na ‘yun, ang Generation X ni Douglas Coupland, ay nagustuhan ko. Kahit maraming konseptong dayuhan sa akin, gaya ni Jaemark ay naka-relate rin ako sa mga karakter at sa kanilang mga pananaw sa kawalang katiyakan na dala ng panahong ito, sa pagnanais na maglakbay, sa mga usapan tungkol sa buhay, sa mga kuwento ng pagkakaibigan at pag-iibigan.

Pinakatumimo sa isipan ko ‘yung bahagi tungkol sa earth memory–one moment, which for you, defines what it’s like to be alive on this planet.

Minsan, sa isang inuman, itinanong ko ito sa mga kaibigan ko sa kolehiyo. Naging masaya ‘yung kuwentuhan.

Maaari ko bang itanong kung ano ang sa ‘yo?