Sa ika-144 na kaarawan ni Gat Andres Bonifacio, watak-watak pa rin ang kanyang mga tagasunod.
Kahapon, ang mga rebeldeng sundalong tagahanga niya’y nagprotesta. Kinubkob nila ang Peninsula Manila at nanawagan ng panibagong pag-aalsa. Ngunit iilang dosena ang sumama. Sinundo sila ng mga tangke ng sundalong tapat sa rehimen at nakaposas na binitbit ng mga pulis.
Ang mga elitistang galit kay Gloria, naglalaro ng golf nang pumutok ang balita.
Kanina, inalala ng mga aktibista ang kaarawan ng Supremo. Wala sila sa mga kalsada kahapon sa kabila ng panawagan. Kanina ang araw nila.
Kanina, naglabas ng pahayag ng suporta at pakikiisa sa mga rebeldeng sundalo ang mga rebeldeng komunista. Atrasado nang isang araw ang reaksyon nila.
Ang malaya at makatarungang lipunan na pangarap ng Supremo ng Katipunan at Pangulo ng Haring Bayang Katagalugan, tila di pa rin kayang kamtin ng mga makabayang tagasunod niya. Naipamana nga ata ng Katipunan ang pagkakahati-hati nito sa mga makabagong kilusan.
Samantala, masaya pa rin sa kanyang tronong umano’y nakaw ang Senorita Hello Garci — reyna ng Enchanted Kingdom — na ngayo’y unti-unti na ring nakikilala bilang Pinoy Big Briber.
Nakakulong pa rin ang Pilipinas sa pag-ulit-ulit ng trahedya ng rebolusyon.

Ederic Eder
Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.
He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.
He was with Yahoo! Philippines for more than three years before returning to GMA Network, where he was also previously part of the News Research section.
Related Posts
July 16, 2024
Greenpeace PH: no need for nuclear energy
Greenpeace comments on the PH-US nuclear pact and advocates for renewable…
June 23, 2024
Liza Soberano’s ‘summer beyond compare’ with Deoproce
Deoproce introduces its UV Defence Line.
June 16, 2024
A hero’s sacrifice
Toil and trials mark the journey of Charly Rivera, a remarkable father of four.
144 din ang hinihingi ng mga magbubukid ng Sumilao na hanggang ngayon ay pinagkakait sa kanila ng tadhana na itinakda ng maimpluensya.
O Panginoon, nawa’y basbasan niyo kami ng mga lider na tunay na magbubuklod sa buong bansa. Mga lider na uunahin ang kapakanan ng nakararami at magtataguyod ng kapayapaan at kasaganaan para sa lahat ng mamamayan ng mahal naming Inang Bayan. Amen
makakaya ko kayang kwentahin ang mga naipamudmod ni pinoy big briber?
medyo “nahihiwagaan” din ako kung bakit di sila nakarating nung huwebes…samantalang kalimitan ay mabilis naman sila mag mobilize…
Baka dahil “Magdalo” ang piniling pangalan ng grupo nina Trillanes kaya ayaw silang i-support ng Bonifacio Day protesters. Ahehehe.
Ang nakakalungkot na mga pangyayari nitong mga nakaraang araw at ang mga kapos na paggunita sa kaarawa, kagitingan at aral ng Supremo ay senyales na malubhang-malubha na talaga ang kabulukan ng ating lipunan.
Konting tiis na lang at malapit na rin itong magunaw.