Proyektong Malu Fernandez

August 27 update: Malu Fernandez vs OFWs

August 24 update: Pakibasa rin po ang Public apology ni Malu Fernandez

Habang pinag-uusapan pa rin sa iba’t ibang sulok ng Philippine blogosphere ang pagpapatawa ni Malu Fernandez, tuloy ang kampanyang boykot ng Tingog.com. Ang iba, sumusugod na sa Multiply site ng People Asia.

Ang Tinig.com naman, mayProyektong Malu Fernandez. Mula ito sa mungkahi ni Benj Espina at sumusunod sa tradisyon ng mga writing project ng Digital Filipino.

Titipunin sa Tinig.com Blog ang reaksyon ng Pinoy bloggers sa isinulat ni Fernandez. Pagkatapos, pipili ang bloggers mismo ng 10 entry na pinakagusto nila.

Kung may naisulat kayo ukol dito, pakipost ang URL sa comments section ng Proyektong Malu Fernandez.

Kabilang sa mga nag-post ng link si Dr. Tess, na nagsabing “If you want to be mean to this woman, then be intellectually mean.” Si Kuya Batjay naman, naniniwala ring sa halip na personal na atake ang iganti, “pag may nag bad mouth sa ating mga OFW, kailangan tumbasan ito ng mga positive na kwento.”

Samantala, hindi naman sang-ayon kay Fernandez ang kaibigan kong si Jon. Ayon sa isinulat niya sa Tinig.com, ang mga OFW ay “sinag ng pag-asa”.

53 thoughts on “Proyektong Malu Fernandez

  1. I really pity you girl kasi di ka nag-eexist sa elite world kaya kung anu-ano ang naiisip mo para magpapansin…huhuhu..kawawa ka naman girl!Sabagay,good or bad publicity,the mere point is,publicity pa rin iyon even at the expense of others and for you who came from no where,it really matters! Congrats Malu,sikat ka na!Anong feeling?Advice lang Girl…why don’t you try to work as an Domestic Helper abroad?Bukod sa bagay na sa’yo makakatulong ka pa sa bansa nating naghihikahos..

Comments are closed.