Cashless, cardless payments

Paano ‘pag nakalimutan mo ang wallet mo, at wala kang dalang cash o card pero may kailangan kang bayaran?

Nangyari ‘yan sa akin kanina. Pumunta ako sa mall para bumili ng gamot at ilang grocery items. Sa kakaayos ko ng phone at earphones para makapakinig ako ng audiobook habang naglalakad, naiwan ko sa bahay ang wallet ko.

Malapit na ako sa mall nang ma-realize ko na naiwan ko nga ang wallet ko. Mabuti na lang, may BPI VYBE at BDO Pay ako. In-scan ko lang ang QR code na nasa POS terminal ng Watsons at SM Hypermart, nakapagbayad na ako. Pero medyo matagal ang transaction dahil wala pang free Wi-Fi at mahina ang mobile data connection sa grocery.

Lagi kong sinasabi dati na “Hindi pa talaga ready ang Pilipinas sa cashless transactions.” Ngayon, kahit paano, may progress naman.

Salamat sa QR Ph ng Bangko Sentral ng Pilipinas, mag-i-scan lang tayo, makakapagbayad na tayo. Pero siyempre, kailangang may available balance VYBE wallet o bank account at credit card na linked sa BDO Pay para siguradong successful ang transaction.

Panalo talaga ang cashless, cardless payments. Excited na tuloy ako sa Apple Pay. Balita ko, malapit na rin ‘to.