Nitong mga nakalipas na araw, sunud-sunod na batikos ang ipinukol ng ilang bloggers kay Prof. Luis V. Teodoro matapos iulat ng abs-cbnNEWS.com na sinabi niyang dapat mag-blog ang mga peryodista upang maging halimbawa ng iba sa Internet.

Si Dean Teodoro o LVT ay dating dekano ng Kolehiyo ng Pangmadlang Komunikasyon sa Unibersidad ng Pilipinas, at guro’t idolo ng maraming peryodistang sinanay niya sa UP, kabilang na ako.

Unang pumutak si Dean Jorge Bocobo ng Philippine Commentary. Sa isang malinaw na halimbawa ng walang tuos at di-makatotohanang panulat, iniugnay niya sa CPP-NPA at sa publikasyong ng Ang Bayan si Prof. Teodoro at tinawag na “leftist” ang Center for Media Freedom and Responsibility — na dati kong pinagtatrabahuhan.

Inatake rin nang todo ni Bocobo ang mainstream media at ang corruption dito. Pinaliguan din niya ng papuri ang blogosphere samantalang sinabing nagiging extinct na ang media.

(more…

“Hoy, boybastos.com… Musta na?” text sa akin kanina ng isa sa mga kababata at kaibigan ko. Napanood niya kasi ito:

Update: Lumabas na rin ang report sa Saksi.

Bago lumabas ang pahayag ni Senador Loren Legarda tungkol sa boybastos.com noong Setyembre 5, isa lamang ang website na ito sa napakaraming online community ng mga Pinoy. Maaaring hindi ito kasingsikat ng PinoyExchange.com na tambayan ni aajao, pero di hamak na mas matao ito kaysa sa aking Tinig.com.

Pero kakaiba ang boybastos.com na puno ng mga balita tungkol sa mga tsiks at Boy Bastos jokes–para ito sa mga taong malilibog (‘ika nga nila, sino ba ang hindi?)!

(more…

Habang isinusulat ko ang entry na ito, nanonood (o nakikinig) ako ng Eleksyon 2007 special coverage ng GMA-7. Pero hindi naka-on ang TV ko. Sa halip, ang live video streaming ng GMANews.tv ang nakabukas sa computer ko. Kung hindi ka pa nakapanood gamit ito, subukan mo.

Ito naman ang top 12 sa AMA Quick Count ngayon galing sa Inquirer.net:

1. Escudero, Francis Joseph (Chiz) 651,709
2. Legarda, Loren (Loren) 601,393
3. Aquino, Benigno Simeon III (Noynoy) 559,884
4. Lacson, Panfilo (Ping) 558,304
5. Villar, Manuel Jr (Manny) 526,715
6. Pangilinan, Francis (Kiko) 524,322
7. Cayetano, Allan Peter (Companero) 460,885
8. Arroyo, Joker (Joker) 444,328
9. Angara, Edgardo (Ed) 410,541
10. Honasan, Gregorio (Gringo) 404,591
11. Trillanes, Antonio IV (Magdalo) 397,428
12. Pimentel, Aquilino III (Koko) 394,759

May mga nagtatanong sa akin kung maaari bang mapanood sa YouTube ang palabas na “Isang Tanong,” ang senatoriables forum ng GMA News and Public Affairs. Magandang balita. Naka-upload na sa GMA News.tv ang videos at transcript ng Isang Tanong. Upang makapanood o mabasa ang transcript, pumunta lamang sa http://www.gmanews.tv/isangtanong.