Talanding panahon

Sa amin sa Marinduque, naririnig ko ang mga salitang “talanding panahon”. Ang “talandi” ay ginagamit upang ilarawan ang isang taong–kadalasa’y babae– maharot. Kung sa Tagalog dito sa lungsod, ang kasingkahulugan nito ay malandi.

Kaya ang “Yano ka, ee. Napakatalandi mo baya!” sa amin ay maisasalin bilang “Grabe ka! Ang landi-landi mo talaga!”

Ang nakakaaliw, ang salitang talandi ay maaari ring ikabit sa panahon. Ang pabagu-bagong panahon–gaya ng bigla at magkasunod na pag-araw at pag-ulan ay “talanding panahon.”

Ngayong nasa Kamaynilaan na ako, naaalala ko ang “talanding panahon.” Tuwing gabi at umaga kasi, napapansin ko ito. Dapat ay malapit na ang tag-init, ngunit ang gumigising sa akin ay ang malamig na simoy na di ko masyadong naramdaman noong Disyembre.

Pero ‘di ako nagrereklamo, ha? Para sa tulad kong lumakad lang ng ilang hakbang ay pinagpapawisan na, ayos lang sa akin ang ganitong paglalandi ng panahon.

0 thoughts on “Talanding panahon”

  1. hey!! tulungan nyo naman ako.., may project ako about sa pagtatalumpati.., ang tema ay ” Matatag na Bansa sa giTna na Maraming wika”. tulungan nyo naman ako, d ako marunong gumawa nang talumpati… salamat

  2. 2lungan n’yo rin aq guyz plz.. nd aq marunong gumawa ng talumpati, i2 ang tema ”matatag na bansa sa gitna ng maraming wika” ahak woi… help me plz..

  3. hi! tulungan mo namn po ako. hindi talga ako marunong gumawa ng talumpati 2ngkol sa “matatag na bansa sa gitna ng maraming wika… mga 2 mins lng po ok na yun.. salamat. hh

  4. tulong pwde poh bang gawan nyo aku ng talumpati??
    “wika mo wika ntin mahalaga”
    mga 3min lng poh ukie na!!
    salamat

Leave a Reply