Marky Cielo, 20

Marky Cielo bilang Zaido Green

Marky Cielo bilang Zaido Green

Pumanaw kanina ang artistang si Marky Cielo, ayon sa ulat ng Philippine Entertainment Portal.

Si Marky Cielo, 20, artista ng Kapuso Network, ay sole survivor ng Starstruck season 3 noong 2006. Bukod sa paglabas sa TV shows, magaling din siyang dancer.

Gumanap si Marky na Alexis del Mundo o Zaido Green sa palabas na Zaido: Pulis Pangkalawakan. Based ang Zaido sa istorya ng paborito kong Shaider, na sikat na sikat sa Pilipinas noong 1980s.

Nagluksa ang maraming Pinoy fans ng Shaider nang pumutok sa Pilipinas ang balitang namatay na si Hiroshi Tsuburaya, ang aktor na gumanap bilang Alexis o Shaider, noon pang 2001. Biyernes Santo noong 2002 naman nang gulatin ang bansa ng pagkamatay ng aktor na si Rico Yan habang natutulog.

Narito ang statement ng GMA Network, galing pa rin sa PEP:

Continue reading

Hindi raw pala na-hack ang government sites

Hindi raw pala na-hack ang websites ng Department of Justice, PNP Criminal Investigation and Detection Group, at Information Technology and E-Commerce Council, na na-redirect sa Enchanted Kingdom website.

Ito ang paliwanag ng Philippine Long Distance Telephone Co. na may-ari ng Infocom, ang Internet Service Provider na nagho-host ng websites ng DOJ, CIDG, at ITECC, ayon sa ulat ng Inquirer.net.

Nagkaroon lang daw ng aberya sa configuration ng hosting ng mga nasabing government website kaya napunta sa EK ang mga ito.

Sinang-ayunan naman ito ng Internet Hacking and Warfare, isang grupo ng mga Pilipinong hacker, at ni Abe Olandres, may-ari ng PlogHost, nag nagho-host ng maraming Pinoy blogs. Sa kanyang Yugatech blog, may si Abe.

Kung ganoon man ang nangyari, nakakatawa pa rin ang coincidence na sa EK sila napunta.

Continue reading

Marky Cielo, gaganap bilang Shaider

Si Marky Cielo raw ang gaganap na Shaider sa Filipino version ng paborito nating pulis pangkalawakan na ipapalabas sa GMA-7, ayon sa report ng Philippine Entertainment Portal/ GMANews.tv.

“Ang StarStruck 3 Ultimate Sole Survivor na si Marky Cielo ang nakatakdang gumanap sa papel na Shaider. Ang StarStruck 4 Ultimate Female Survivor namang si Kris Bernal ang napipisil na gumanap na Annie,” ayon sa ulat.

Si Dominic Zapata ang magiging direktor, at kasama rin sa case sina Jay Manalo, Bianca King, Isabel Oli, Arci Muñoz, at Iwa Moto.