Palm Centro GSM version, nagpakita na naman

Napabalita sa Treo Central at iba pang sites nitong mga nakalipas na araw ang pagkakakita sa GSM version ng Palm Centro sa Consumer Electronics Show.

Ngayon naman, iniulat ng Palm Info Center ang pagkakakita sa high quality AT&T GSM Centro picture sa Treo Central forums.

Palm Centro ang pinakabago, pinakamagaan at pinakamaliit na mobile phone ng Palm. Palm OS ang operating system nito, so okay. Ang catch lang, CDMA ang ginagamit nitong network, kaya hindi puwedeng gamitin sa Smart, Globe at Sun, sa Pilipinas, na GSM ang ginagamit.

Dahil sa mga recent sightings na yan, mukhang nalalapit na nga ang paglulunsad sa noo’y natsitsismis pa lamang na Palm Centro GSM version, na baka raw tawaging Treo 500p or Treo 690. Kapag nagkataon, may 1.3 ( o baka 2.0 megapixels) na camera na yan at micro-SD ang gamit. Higit na mas maliit at magaan din yan kaysa sa Treo 650 ko. Yun nga lang, wala pa ring wi-fi.