Malungkot na balita na naman. Noong isang araw, kakatanggap ko lang ng text message na humihingi ng mga panalangin para sa batikang peryodistang si Teodoro “Teddy” Benigno na noo’y nasa malubhang kalagayan daw. Kaninang umaga, pumanaw na siya.

Kilala siya ng marami bilang kolumnista ng Philippine Star. Isang beteranong peryodista, matagal siyang naging Manila Bureau Chief ng Agence France-Presse, at naging press secretary at spokesperson ni Pangulong Aquino.

Isa rin siya sa mga pinuno ng Bangon! kasama si dating Pangalawang Pangulong Teofisto Guingona. Nang umalis itong huli upang sumama sa kampanya ni Fernando Poe Jr., sa pagkadismaya ay tinawag ni Benigno na “trapo” si Guingona.

Noong 1950s, bilang isa sa mga peryodista at lider ng unyon sa Philippines Herald, isa siya sa mga inaresto ng Military Intelligence Service dahil sa pagiging “subersibo.”

Noong 2002, isinangkot din siya sa Freedom Force na umano’y balak na patalsikin si Gloria at palitan ng isang junta.

Kasabay ng pagpanaw ni Teddyman, ginapi naman ng sakit na malaria si Reyster Langit. Nagluluksa ang mga mamamahayag sa Pilipinas.

Pipol Teodoro Benigno