Image hosted by Photobucket.comBalot ng kalungkutan ang buong mundo ngayon dahil sa pagpanaw ni Pope John Paul II.

Ang Santo Papa, si Karol Józef Wojtyla ng Wadowice, Poland, ay naging pinuno ng Simbahang Katoliko sa loob ng 26 na taon. Tinawag siya ng Lumikha sa sa edad na 84.

Kilala at hinahangaan sa buong daigdig ang Santo Papa dahil sa kanyang pagsusulong ng kapayapaan at kalayaan at sa kanyang pagmamahal sa sangkatauhan. Isinusulong niya ang pagkakaunawaan sa pagitan ng iba’t ibang pananampalataya. Gusto rin niyang magkaisa ang mga Kristiyano. Nilibot niya ang buong mundo upang personal na dalhin ang magandang balita ng ating Panginoong Hesukristo.

Pero konserbatibo siya sa ilang mga usapin. Mahigpit niyang tinuligsa ang family planning at abortion, gay marriage, at iba pang bagay na salungat sa turo ng Simbahan. Sinasabing instrumental din siya sa pagbagsak ng komunismo sa Europa.

Sa gitna ng dalamhati dahil sa kanyang pagpanaw, dapat din magdulot ng kasiyahan ang katotohanang siya ngayo’y kapiling na ng Lumikha.


Ederic Eder

Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.

He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.

He was with Yahoo! Philippines for more than three years before returning to GMA Network, where he was also previously part of the News Research section.

Author posts
Related Posts