Laging exciting ang first time. Pero kadalasan, nakakalito rin ito, at kapag may kaunting palpak, nakakahiya.

Ang unang biyahe sa eroplano, halimbawa, ay kapanapanabik, pero medyo nakakakaba. Bukod sa lilipad ka, may serye ng mga procedure na kailangan mong pagdaanan sa paliparan bago ka makasakay.

Kung unang beses ka pa lang bibiyahe palabas sa Pilipinas sakay ng eroplano, narito ang ilang bagay na dapat tandaan.

  • Alamin ang tiyak na petsa at oras ng iyong flight at sa kung saang terminal ng paliparan ka dapat pumunta.
  • Ihanda ang pasaporte at tiket. Kung bumili ka ng tiket online, i-print ang itinerary receipt, pati na rin ang booking confirmation sa hotel, at iba pang kailangang dokumento.
  • Alamin kung ano-ano ang mga bagay na puwede at hindi puwedeng ilagay sa maletang iche-check in at iha-handcarry (o ‘yung bag na bitbit mo pagsakay sa eroplano).
  • Magdala ng ballpen at pantimbang ng mga maleta.
  • Maghanda ng sapat na cash para sa travel tax.
  • Pag-aralan kung paano mag-web check in para hindi mo kailanganing pumunta nang napakaaga at maghintay nang matagal sa airport.

Ang proseso at mga larawang ginamit sa post na ito ay para sa pag-alis mula sa Ninoy Aquino International Airport o NAIA ng mga pasaherong magbabakasyon sa ibang bansa.

Pagdating sa tamang terminal, narito ang mga dapat gawin:

Pumila sa gate na nakalaan sa iyong airline para sa unang security inspection. Ihanda ang iyong tiket dahil titingnan ito ng guard. Dadaan ka sa metal detector, kaya’t mabuting tanggalin at ilagay sa bag ang mga nasa bulsa gaya ng cellphone, susi, at barya. Ii-x-ray naman ang iyong mga maleta at bag.

Kapag nasa loob ka na ng terminal, hanapin kung saan nagbabayad ng travel tax. Sa NAIA Terminal 3,  pagpasok mo ay nasa gawing dulong kaliwa ito. Pumila at kapag ikaw na ang nasa counter, ipakita ang tiket at passport at bayaran ang P1,620 na travel tax. Huwag kalimutan ang resibo.

Hanapin ang check in counter ng iyong airlines. Ganito ang sa Cebu Pacific sa NAIA Terminal 3:

Pumila sa counter para sa iyong flight. Ihanda ang passport at tiket–at kung medyo naparami ang dala mo, ang pantimbang ng maleta.

Ipakita sa airline personnel ang passport, tiket, at resibo ng travel tax. Titimbangin ang maletang iche-checkin mo at bibigyan ka ng boarding pass. Nasa boarding pass ang boarding gate number, oras ng boarding o pagsakay sa eroplano, at ang iyong seat number.

Pagkatapos mong i-check in ang mga bagahe mo, at kung nasa loob pa rin ng terminal ang mga naghatid sa ‘yo, puwede mo pa silang puntahan at makipag-bonding ka muna sa kanila bago ka lumipad.

Pero kung medyo nagmamadali ka na at nakaalis na sila, puwede kang pumasok na sa immigration area. Sa NAIA Terminal 3, bago pumasok sa immigration ay madaraanan mo ang counter para sa terminal fee. Dapat ay alam mo kung kasama na sa ibinayad sa tiket mo ang terminal fee. Kung hindi pa, kailangan mong bayaran ang P550 para dito.

Bago pumila sa immigration, kumuha muna ng departure card at punan ito.

Pumila sa immigration counter, at tiyaking nasa tamang linya ka. May pila para sa mga OFW, para sa iba pang pasaherong may Philippine passport, para sa mga may foreign passport, at para sa mga senior citizen at persons with disabilities.

Ibigay sa immigration officer ang iyong passport, boarding pass, at departure card. Kung mayroon siyang mga tanong, sumagot nang tama. Karaniwang itinatanong nila kung saan pupunta, ano ang gagawin sa ibang bansa, at kailan babalik. Tatatakan niya ng departure date ang iyong passport at ibabalik ito kasama ang iyong boarding pass.

Pagkalampas mo sa immigration, muli kang daraan sa security check. Magkahiwalay ang pila para sa mga babae at lalaki. Muling alisin ang anumang metal sa iyong katawan. Ilagay sa bag o sa mga tray ang mga cellphone at iba pang gadget. Ilagay na rin sa tray na idaraan sa x-ray ang sapatos at ang sinturon, na maaaring ipatanggal sa iyo. Maaari ka ring kapkapan ng security officer.

Kunin ang mga gamit, ayusin ang sarili, at hanapin ang iyong boarding gate. Kung maaga pa, puwede ka ring kumain muna o bumili ng mga pasalubong. Maging alisto sa mga posibleng announcement tungkol sa iyong flight. Seguruhin ding nasa boarding gate ka na bago ang boarding time.

Umupo at maghintay sa announcement para sa pagsakay sa eroplano. Kadalasan, unang pinapatayo ang mga matatanda at may kapansanan, kasunod ang may matataas na seat number. Kapag natawag na ang batch mo, tumayo, pumila, at ibigay ang boarding pass sa airline personel. Pagkatapos, sakay na!

Have a safe trip!

Join the Conversation

43 Comments

Post a reply

  1. Hello sir, good afternoon. Ask ko lang po. Pag may boarding pass na po nakapagcheck in online. Need pa po ba pumila sa check in center at need pa po ba timbangin ang handcarry bag lang po? 1st time po magbook online. At tsaka need po ba iprint ang ticket at boarding pass or pwede po screenshot lang?. Maraming salamat po sa sagot.

  2. Sir paano po yong resibo lang binigay sa amin tas Dipolog to Manila kami..
    Din First time ko pong magbeyahe ehh
    Sana po matulungan ninyo ako..

    1. Dapat po yata, kasama ang mismong ticket. Pero try n’yo rin sa counter ng airlines kung tatanggapin nila. O kaya naman, tumawag muna kayo sa customer service nila para makasigurado.

  3. Sir paanO kO pO ba makukuha yOng maleta kO ..?kasi kailangan kO pO daw magbayad ..Sorry pO wala na pO kasi akOng ibang malapitan.,kasi ung staff ng cebu pacific na nag assist sakin di unavailable pO ung binigay nilang email ..
    Mga damit lang pO ang laman nOn ..
    Sana pO matulungan nyO akO ..

  4. Hello po sir… Sir pwede poba mag tanong po sir pwede poba 17 years old papunta sa mindanao na hindi kasama parents kahit student pa po…

  5. helow sir pwedi po ba ang postal ID or POLICE ID sa pagsakay ko 1st time kopo kase kaya di kopo alam mga requirements

  6. Hi po,pwedi na po ba isakay ng eroplano ngaun ang 1 years old mahigit? Anu ano po ba ang req.sa Bata?

    1. Hi Jenelyn,

      Para sa updated na info kaugnay ng tanong mo, mas makabubuting mag-inquire ng diretso sa mga airline. Narito ang contact details ng dalawa sa mga airline sa Pilipinas:

      PAL – (02) 8855-8888

      Cebu Pacific – (02) 8702-0888 – Manila
      (032) 230-8888 – Cebu

  7. Good afternoon, pede po bang marefund yong ticket or maadjust ang date ?ngayong araw po sana uuwe ang brother ko manila to mindanao Dapitan nahuli po sya dahil na trafic sa daan ,
    Ano pong magandang solusyon ?
    Pa help naman po kailangan na nyang makauwe dahil ma expire na ang swabtest

    1. Hi Gerly, ang pinakamainam ay makipag-ugnayan kayo sa airline. Kung Cebu Pacific, narito ang hotlines nila na puwede ninyong tawagan:

      Manila – 02-8702-0888
      Cebu – 032-230-8888

      Baka sakaling payagan kayong i-rebook ang flight, pero maaaring may karagdagang bayad.

  8. Hello po pahelp po ano po pupunta po ako thailand next month.first time ko po travel.hindi ko po alam gagawin ko pagdting ko po sa airport.please po paguide po.hindi ko po alam kong san po ako pupunta para makaskay airplane papuntang thailand.hindi ko po alam pasikot sikot sa airport.slamat po sa sasagot

    1. Hi Joverlyn. Pakibasa na lang ang buong article. Five years ago ko pa isinulat ‘yan, pero sa pagkakaalam ko, ganiyan pa rin naman ang proseso. Siguro may mga karagdagang requirement lang ngayon, gaya ng pagsusuot ng face mask.

  9. Pwede na po ba ang Birth Certificate substitute ng Valid ID for domestic flight po?

    please send email for valid IDs po. salamat.

    -Bisita-

  10. Hello po pwede po ba ako bimili ng ticket kahit wala along valid I’d. Birth long po na meron ako. Need an answer.. Going to zamboanga

    1. Makakabili po kayo ng tiket kahit walang ID, pero para makalipad, hihingan pa rin kayo sa airport ng valid ID na may picture at signature n’yo.

      Base po sa mga sagot ng Cebu Pacific sa mga taong sa kanila sa Twitter, ang tinatanggap nila ay driver’s license, passport, school o company ID, SSS card, Postal ID, NBI o police clearance, senior citizen ID, o anumang government-issued ID na may retrato at pirma n’yo.

      https://twitter.com/cebupacificair/status/306637278900523008?lang=en

  11. sir ask ko lng po sana ano po requirements pag kukuha ng passport.. blak ko po ksi magwork abroad.. pero wla po akong agency.. kinukuha lng po kasi ako ng tito ko na nsa taiwan.. thanks po sir sa reply

  12. Pwede po ba magtanong ? Andito po ako ngayon sa spain. Kasama ko ang mama ko nung pumunta ako dito. Uuwe na kasi ako sa pilipinas eh mag isa lang ako. Hindi ko alam kung anong gagawin ko pag asa airport na ako. Wala ako ka idea kung ano gagawin ko.

    1. Kapag sa loob lamang ng Pilipinas, Gaya ng Palawan pa-Maynila, hindi na po kailangan ang passport. Pero magdala pa rin kayo ng anumang valid ID.

  13. sir paano naman po sa domestic flight.
    first time solo flyer ako.

    Now ko lang ma experience mag check in mag isa.
    trip to davao po

    1. Sir pano po kong wala sa akin yung ticket picture lng po ang senend sa akin.. sa messanger. Pwde po ba yon!?