Napanood na ba ninyo ‘yung patalastas sa TV na nagtatampok sa awiting “Kanlungan” ng Buklod? Nang una ko itong nakita, sabi ko, “Asteeg naman nung ad. Ang galing. Ano’ng produkto ito?” Muntik na akong malaglag sa upuan nang malaman kong ad ito ng McDonald’s. Hindi naman sa walang karapatan ang McDo na gamitin ang “Kanlungan,” pero nakakalungkot, lalo na’t kilala ang Buklod bilang makabayang banda. Ano ang ginagawa ng kanilang kanta sa ad ng pinakakilalang simbolo ng imperyalismong US na ngayo’y ibinoboykot ng marami bilang protesta sa giyera ni Bush?

Para sa isang Jollibee fan na kagaya ko, isa na naman itong kahinaan sa panig ng ad agency ng paborito kong fastfood chain. Ganito rin ang naramdaman ko nang makita ko ang McDo ad na nagtatampok naman sa Simbang Gabi noong magpa-Pasko.

Curious lang ako. Nag-sell out ba ang Buklod? Bakit kaya nagkaganoon? Talaga bang mahirap na ang buhay? Tuluyan na bang magkakahiwalay sina Dao Ming Shi at Shan Cai? Matatapos pa ba ang Meteor Garden?

Ederic Eder

Filipino blogger

Join the Conversation

71 Comments

Your email address will not be published. Required fields are marked *

  1. kailangang ba hintayin na ang IMPE pa ang gagamit ng kanta? wag na wag.
    sapagkat ang kantang iyan ay para sa bayan. ok nga ang commercial, pero ang produkto, hindi.

    dont let progressive be in mainstream
    wag na wag gawin ng IMPENG PAYASO (McDO) ang kitain ang kanyang BISNES gamit nag kantang iyon!!!

  2. ewan ko ba sa inyo mga iilan, kung bakit hindi nyo maintindihan ang ilan grupo na tulad nila. sa batas ng tao (phil. constitution, phil. law) at batas ng dyos wala silang nilabag kahit kaninuman at sa saloobin ng taong makakapanod at makakarinig (kung kanino at papaano man nila ito naipalabas) ng kanilang awitin. kung meron man ilan dyan sa inyo mga estudyante (na nag komento) ang pakiusap ko lang (at ng mga taong katulad ko) ay asikasuhin nyo na lang ang pag aaral ninyo kesa mamuna at gawin abala ang mga sarili ninyo sa pag lalahd ng inyon opinion sa hindi ninyo nasasakop na kaalaman. isa lang ang pinaka maganda sigurong pwede natin gawin at sabihin kapag may mga ganitong klase ng grupo at pinoy na sikat at may magagandang mensahe ng awitin kundi tangkilikin ang sariling awitin natin. napupuna ko lang dumadami at humuhusay pa ang mga pinoy ngunit nasaan na ang ilan na dati nang mahuhusay? sana magbuo kayo ulit at muling ipakita ang husay sa mga bagong henerasyon ng kabataan. MABUHAY PINOY!

  3. Hindi lang naman kanlungan ang magandang kanta ng bukold marami pa silang kantang masasabi kong pang masa. Tulad ng NASA ATIN ANG PANAHON isa lang ito sa mga kanta ng buklod na tingin ko kailangan marinig ng iba nating mga kababayan kung sawa na kayo sa kanlungan try nyong pakinggan ang kanta na to.

    At pwede paki post ang lyrics and chords nito.

    Salamat Hihintayin ko reply nyo…..

  4. astig talaga tatsulok….ok lang sana ung revive ng bamboo…kaso…mejo magaan…tanx na rin sa buklod…..kita-kita tayong lahat sa feb. 17….mabuhay tayong lahat na maralita!!!!!

  5. sa mga common tao, hinde naman nila alam tunkol sa kanta e. kala nga nila bago lang yun. Ginamit na din siya sa ibang ads di ba? masakit mang isipin, pero sa isang banda nakakatuwa dahil nalaman ng maraming kabataang pinoy na may kanta pinoy pala na ganoon kaganda. Hinde nga nila kilala sino kumanta e.. dahil sa ads, nakilala pa din at hinanap pa nila ganitong uri ng mga kanta.. nakatulong din naman kahit papano. pero sana sa ibang paraan nangyari.

  6. hindi ako sang ayon sa mcdo… ito’y kantang pangkalikasan at sa kulturang pilipino lamang… dahil sa mcdo ang kantang kanlungan ay nagiging kanta na rin sa kalye…
    sayang… saan kaya pwd maka download ng “sa kandungan ng kaliksan” at “tatsulok” mp3?

  7. Karla,

    Naku, ba’t ganyan ang baby mo? Di ba dapat, Jabi (Jollibee)? Hehehe.

    May sinulat nga pala ako sa Peyups.com about this. Bale extended version lang siya. Visit mo to: http://peyups.com/article.khtml?sid=2530

    Nabanggit ko nga sa comments sa Peyups na ginamit din ni Mond sa docu film about Niño itong song, pero iba lang talaga ang dating sa akin ngayong McDo ang gumamit nito. Ironic lang talaga.

    Hindi ka iiwan ng baby mo. Pag malaki na siya at nauunawaan na niya ang lahat, makikita mo.

  8. Nasa-sad talaga ako. Isa pa naman ‘yan sa mga paborito ko. Sabi nga ni Alex, parang nakakailang nang kantahin ngayon ang “Kanlungan”–parang may iba na itong kahulugan.

  9. hello sana my dumating na help sakin. pano mo malalaman ung strum or plack sa pagbasa ng tabs. sensya na ha. konti lng knowledge ko sa tabs eh. sana magsend kau ng messge sa email add ko ty ty!!!!!!