Si Robredo at ang kampanya kontra droga

Philippine Vice President Leni Robredo

“Save the user. Jail the user.” Ilang dekada ring ito ang alam kong slogan ng kampanya ng gobyerno laban sa droga. Sa pag-upo ni Pangulong Rodrigo Duterte, tila “Obosen!” at “Kill, kill, kill!” ang pumalit sa slogan na ito.

Sa ilalim ng rehimeng Duterte, naging sunod-sunod ang pagpatay sa mga pinaghihinalaang adik at pusher. Kadalasang dahilan ng mga pulis, “nanlaban” daw ang mga suspek. Suportado naman sila ng pangulo. Pero hindi lang mga pinaghihinalaang sangkot sa droga ang naging biktima ng patayan. Pati mga inosente, nadamay sa madugong giyera kontra droga ni Duterte.

Continue reading

‘Astronomical’

Imee Marcos and Rodrigo Duterte

Pinagdiskitahan kamakailan ni Imee Marcos, bagong senadora at anak ng yumaong diktador na si Ferdinand Marcos, ang mga convenience store dahil sa aniya’y “astronomical” na presyo ng mga paninda sa mga ito.

Dapat daw imonitor ng Department of Trade and Industry ang mga tindahang ito na bukas 24 oras, ayon pa kay Marcos.

Continue reading

Buhay-pasahero

Kapit lang, Kuya!

Habang isinusulat ito, masakit ang kaliwang balikat ko. Gaya nang dati, nakipagsapalaran na naman kasi ako sa MRT kaninang umaga. Mga tatlong tren muna ang dumaan bago ko naipagsiksikan ang sarili ko sa punong-punong bagon. Sumabit sa katawan ng ibang tao ang maliit na bag may lamang payong at powerbank at nahila nito nang todo ang balikat ko.

Continue reading

Pasumpa-sumpa ka pa

Duterte swearing in

Katanghalian noong Hunyo 30, 2016 nang manumpa nang ganito ang kasalukuyang pangulo:

“I, Rodrigo Roa Duterte, do solemnly swear that I will faithfully and conscientiously fulfill my duties as President of the Philippines, preserve and defend its Constitution, execute its laws, do justice to every man, and consecrate myself to the service of the Nation. So help me God.”

Continue reading

Ang nagpanalo sa bagong Senado

Head researcher ako dati ng mga palabas na kumilala at kumilatis sa mga tumatakbong pangulo at pangalawang pangulo ng Pilipinas sa halalan noong 2004. Sinaliksik namin ang personal, educational, at professional background — pati mga kontrobersiyang kinasangkutan — ng mga kandidato. ‘Yan ay para matulungan ang mga botante na piliin ang pinakakarapat-dapat.

Pero kahit ilang candidate profiles at election debate shows ang gawin ng media, tila iilang bagay pa rin ang nagtatakda kung sino-sino ang mga mananalo. Muli itong namalas sa nakalipas na eleksiyon para sa mga senador.

Continue reading

Pagbiyahe sa Japan

Meiji Jingu Shrine Sake Barrels

Kamakailan ay muli akong naimbitahang magsulat ng kolum sa Pinoy Gazette, isang buwanang diyaryo para sa mga kababayan natin sa Japan. Narito ang unang article ko, na dinagdagan ko ng mga retrato.

Maraming salamat kay Len at sa pamunuan ng Pinoy Gazette sa muling pagbubukas ng mga pahina ng diyaryong ito para sa aking “Tinig.” Halos walong buwan matapos malathala ang huling article ko para sa kolum na ito noong Hulyo 2013, sa unang pagkakataon ay nakabiyahe kami sa Japan ni Myla, na nobya ko pa lang noon. Naulit ang pagbisita namin diyan nang sumunod na taon.

Continue reading

Fake news pa more

Mula sa social media, napanood kamakailan ng madla sa telebisyon sina Mocha Uson, RJ Nieto alyas Thinking Pinoy, at ilan pa nilang kakosa. Ipinatawag sila ng Senado bilang resource persons sa pagdinig kaugnay ng fake news.

Si Uson, dating dancer at ngayo’y assistant secretary sa Presidential Communications Operations Office, ay tagasuporta ni Pangulong Rodrigo Duterte. Naikabit sa fake news ang pangalan niya dahil sa Facebook posts niya na may maling impormasyon o larawan. Ini-share ni Uson dati ang post ng campaign spokesperson ni Duterte tungkol sa umano’y panggagahasa’t pagpatay sa isang bata na ‘di raw kinokondena ng human rights advocates, mga obispo, at mga tinatawag nilang “presstitutes.” Pero ang litratong ginamit sa post, sa Brazil pala nangyari ilang taon na ang nakalilipas.

Continue reading

Online martial law resources

Alden Richards on Alaala

“I fear that one of the enduring legacies of martial law is its own repeatability. Authoritarian rule, including the undeclared kind, can happen again because too many Filipinos still don’t know what happened from 1972 to 1986, let alone why it happened. About the martial law period they have nothing to remember, and they won’t know it when they see it.”

Isa ito sa mga paborito kong quotation tungkol sa martial law mula sa guro kong si Prof. Luis Teodoro. Isinulat niya ito halos 20 taon na ang nakararaan, ngunit mas lalo itong makahulugan ngayon.

Continue reading

Chain letters at Marcos memes

Naabutan ko pa ‘yong panahong uso ang chain letter. Dahil wala pang xerox machine sa barangay namin, kailangang isulat ang bawat kopya. Kung may carbon paper, puwede rin naman.

Ang mga chain letter, nangangako ng suwerte o biyaya kapag nakompleto ng taong pinadalhan. Nagbibigay ito ng halimbawa ng mga pinagpala dahil daw sa pagtupad at mga minalas dahil daw sa di pagpansin dito.

Continue reading

Cybercelebrity

Dominic Peñaflor Espinosa

Noong high school ako — ‘yan ay bago pumasok ang kasalukuyang milenyo — ang magagandang mga binibini at makikisig na mga ginoong crush ng bayan, paminsan-minsan lang nasisilayan.

Ang mga pinagpalang nilalang na biniyayaan ng kabigha-bighaning hitsura, pinag-uusapan lang sa mga tambayan at pinanonood sa mga paligsahan ng kagandahan at palakasan. Mas lalo silang makikilala sa manaka-nakang feature sa campus paper, sa ipinapasa-pasang autograph book, o sa kuwento ng mga kaibigan.

Continue reading

Uber asar sa LTFRB

Sa Bonifacio Global City ang opisina namin noong sa Yahoo! Philippines pa ako nagtatrabaho. Lagi ako noong tinatanggihan o kinokontrata ng mga taxi driver ‘pag nalamang sa Quezon City ang uwi ko. Madalas, sa inis, kung ‘di ko ibinabalibag ang pinto‘y iniiwan kong bukas.

Minsang nasa Intramuros ako, tumanggi ‘yong napara ko. Ginawa ko ulit ang isa sa dalawa — ‘di ko na maalala kung ibinalibag o iniwan kong bukas ang pinto. Basta ang kinauwia’y hinabol ako ng driver, at na-realize kong tila may kinabukasan ako sa larangan ng pagtakbo!

Continue reading