Pacman, panalo na naman!

Napapansin ko lang na lagi akong nagba-blog tuwing kakapanalo lang ni Manny Pacquiao. At gaya nang dati, binabati ko ang sambayanang Pilipinong kinabahan para kay Pacquiao, para makita lamang si Joshua Clottey na ginawang punching bag ng ating Pambansang Kamao.

Congratulations, Team Pilipinas, Team Pacquiao, at siyempre, sa Team Jinkee. Ganundin kay Nanay Dionisia.

Melason

Share ko lang ang article ko tungkol sa love team na kinagigiliwan ng lahat, ang Melason. Minahal ng mga manonood sina Melisa Cantiveros at Jason Francisco sa loob ng Pinoy Big Brother house. Sa kanilang paglabas sa “Bahay ni Kuya,” sinalubong sila ng pagmamahal ng napakaraming fans. Bakit nga ba sila patok, at pati ako’y naadik sa panood?

Basahin ang “Melason” dito, at panoorin ang mensahe nila sa kanilang mga tagahanga.

Mga dilaw na laso para kay Tita Cory

Yellow ribbon

Sa kanyang paglisan, ihinatid natin si Pangulong Corazon Aquino sa pamamagitan ng mga dilaw na laso.

Noong Agosto 1983, yellow ribbons din ang ipinansalubong ng mga Pilipino sa kanyang asawang si Ninoy.

Pinangunahan ni Salvador Laurel — na pagkatapos pagsapit ng 1986 ay magiging vice-president ni Cory — ang pagsalubong kay Ninoy. “Tie a Yellow Ribbon ‘Round the Ole Oak Tree” ang naging theme song ihinandang welcome, ayon kay Angela Stuart-Santiago, may-akda ng EDSA: The Original People Power Revolution.

Nagtali ang mga tagasuporta ni Ninoy ng yellow ribbons sa airport, sa mga poste at puno sa gilid ng kalsada para makita ni Ninoy kung gaano kasaya ang mga Pilipino sa kanyang pagbabalik. “It was sad that Ninoy never saw those ribbons,” ani Stuart-Santiago said. Pinatay si Ninoy pagbaba niya sa eroplano.

Ginamit ni Cory ang dilaw bilang kulay ng pagsalungat. Ito na rin ang naging kulay ng kaniyang presidential campaign at ng unang EDSA Revolution na nagpabagsak sa diktaturang Marcos.

Continue reading

Mga pamana ni Pangulong Cory Aquino

Kagabi, in-overtake ang sinasakyan kong taxi ng mga motorsiklong may wang-wang. Kasunod nila’y ilang magagarang kotseng may wang-wang din. Napilitan pang huminto ang isang bus para bigyan sila ng daan. Malamang ay may sakay na VIP—posibleng opisyal ng gobyerno.

Naalala ko si Pangulong Cory Aquino. Marahil ay hindi niya magugustuhan ang ganoon. Nang papunta siya sa Club Filipino noong 1986 para manumpa bilang bagong pangulo, ang kanyang sasakya’y “maingat na tumitigil sa bawat pulang ilaw kahit halos walang trapiko,” ayon sa aklat na “Walang Himala” ni Angela Stuart-Santiago.  Pagkatapos ng seremonya ng paglilipat ng pagkapangulo kay Gen. Fidel Ramos noong 1992, tinanggihan ni Tita Cory ang presidential car na dapat sana’y maghahatid sa kanya sa bahay. Ganyan sana ang mga lider natin ngayon.

Dahil sa paglala ng kanyang kalagayan, gaya ng maraming Pilipino’y lagi ko ring naiisip ang dating pangulo nitong mga nakalipas na araw. At kaninang umaga, balita ng pagpanaw niya ang gumising sa akin. Umuwi na si Pangulong Cory, at siguro’y dilaw rin ang nangingibabaw na kulay sa lugar na kanyang pinatunguhan at masaya siyang sinalubong ng kanyang asawang si Ninoy. Nakakaharap na niya ang Lumikhang naging bukal ng kanyang lakas at pananampalataya.

Continue reading

Panalo na naman si Pacman

Kanina, habang nakikinig sa radyo — wala kaming pay-per-view at di ako makagamit ng Internet — ng coverage ng laban ni Manny Pacquiao, naalala ko ang namayapa kong lolo na si Tatay Andoy. Nakakaaliw siya kapag nanonood ng boksing noong bata pa ako. Medyo maingay siya, at napapasuntok pa sa hangin. Kanina, para siguro akong si Tatay Andoy.

Paano ba namang di ka mapapahiyaw sa pakikinig — hindi pa yan panonood, ha — kung sa unang round pa lang ay dalawang beses bang natumba ang kalaban? At sa ikalawang round pa lang, na-knock out na agad ni Manny Pacquiao si Ricky Hatton.

Panalo na naman si Pacman. Napasama pa nga siya sa Trends o popular keywords ng Twitter kanina. Pati mga artista sa Hollywood, namangha. Nasa mapa na naman tayo. Dininig ng langit ang mga dasal ni Aling Dionesia. Masaya na naman ang bayan ng Pambansang Kamao. Congrats, Manny; congrats, Pinas!

Francis Magalona, 44

Francis Magalona (Photo from Wikipedia)

Francis Magalona (Photo from Wikipedia)

Nang pumanaw si Francis Magalona noong March 6, gaya ng marami ay nagulat at nalungkot ako. Ang inaasahan ko’y mababalitaan na lang nating magaling na siya at naghahanda nang lumabas sa ospital.

Ngunit iba ang nangyari.

Pero sa gitna ng pagluluksa ng bansa, lalo namang nangibabaw ang impluwensiya ni Francis M sa henerasyong ito.

Binaha ng comments ang kanyang blog at napakarami ng nag-search ng pangalan niya sa Web.

Kahit saan ka pumunta, maririnig ang kanyang mga awitin, lalo na ang Kaleidoscope World — sandaang libo ang nakikanta nito sa pinakahuling concert ng Eraserheads.

Sa mga mensahe ng kanyang mga kaibigan at tagahanga, mababasa ang pasasalamat sa inspirasyong ibinigay niya. Napanood ko rin sa Eat Bulaga kung paanong may mga kabataang dati’y walang magawa, ngunit nagkaroon ng direksyon ang buhay mula nang matagpuan ang kanyang uri ng musika — ang rap.

Continue reading

Lalaki ba si Megan Fox?

Megan Fox (Photo by Luke Ford/Wikimedia Commons/CC BY-SA 2.5)

Lalaki nga ba si Megan Fox?

Lately, maraming nagtatanong sa mga forums sa Internet kung totoo ba ang chismis na lalaki raw talaga ang Hollywood actress na si Megan Fox.

Ang Weekly World News, na sa aking pagbabasa-basa ay nalaman kong isang website na naglalaman ng mga balitang inimbento pero talagang nakakaaliw, ang pinagmulan ng usaping ito.

Noong January 14, naglabas sila ng report na ang pamagat ay “Megan Fox is a Man!” Ito ang naging mitsa ng pagkalat ng kalituhan.

Continue reading

Ang Punong hitik sa bunga

Chief Justice Reynato Puno

Chief Justice Reynato Puno

May kasabihang po tayong “ang punong hitik sa bunga, laging binabato.”

Parang si Chief Justice Reynato Puno, hitik sa accomplishment at paghanga ng mga Pilipino. Kaya ayon, binabato ng ilang ambisyoso. Umugong nitong mga nakalipas na araw ang bali-balitang sasampahan siya ng impeachment case sa House of Representatives. Pinigilan daw kasi niya ang pagbababa ng hatol sa isang disqualification case laban sa isang kongresista. Pero kapag sinuri ang totoong nangyari, lalabas na ang Supreme Court en banc pala, at di lang si Puno, ang nagdesisyong ipagpatuloy ang deliberasyon sa kaso, at ang aksyong ito’y para pa rin sa interes ng publiko.

Read more

Marky Cielo, 20

Marky Cielo bilang Zaido Green

Marky Cielo bilang Zaido Green

Pumanaw kanina ang artistang si Marky Cielo, ayon sa ulat ng Philippine Entertainment Portal.

Si Marky Cielo, 20, artista ng Kapuso Network, ay sole survivor ng Starstruck season 3 noong 2006. Bukod sa paglabas sa TV shows, magaling din siyang dancer.

Gumanap si Marky na Alexis del Mundo o Zaido Green sa palabas na Zaido: Pulis Pangkalawakan. Based ang Zaido sa istorya ng paborito kong Shaider, na sikat na sikat sa Pilipinas noong 1980s.

Nagluksa ang maraming Pinoy fans ng Shaider nang pumutok sa Pilipinas ang balitang namatay na si Hiroshi Tsuburaya, ang aktor na gumanap bilang Alexis o Shaider, noon pang 2001. Biyernes Santo noong 2002 naman nang gulatin ang bansa ng pagkamatay ng aktor na si Rico Yan habang natutulog.

Narito ang statement ng GMA Network, galing pa rin sa PEP:

Continue reading

Among Ed sa Reporter's Notebook

100_2678 Kinunan ang larawan namin ni Among Ed Panlilio noong bumisita ang Bloggers’ Kapihan sa Pampanga upang ilunsad ang blog ng butihing paring ngayo’y gobernador ng Pampanga.

Isa rin siya sa mga pinili ko sa Top 10 influential bloggers ng Digital Filipino.

Nalaman ko ngayong umaga lang na ang kuwento niya pala ay itatampok mamayang gabi sa Reporter’s Notebook ng GMA-7. Malalaman natin kung bakit gusto siyang i-recall ng mga pulitikong Kapampangan.

Narito ang mga buod ng palabas mamaya sa RN, GMANews.tv

Continue reading

McBilly for Mr. Cebu 2008

McBilly Wilford Sy

McBilly Wilford Sy

Kung si Bb. Pilipinas Janina San Miguel ay nagsoli na ng korona at umatras sa laban para sa Miss World, tuloy na tuloy naman ang pagsali ni cyberceleb-blogger McBilly Wilford Sy sa Mr. Cebu 2008.

Puwede pa nga natin siyang iboto sa website ng male beauty pageant na sinalihan niya. Para tulungan at dagdagan ang boto ni McBilly, pumunta lamang sa www.mrcebu.com/MrCebuVote.php.

Pagkatapos ng pagmomodelo niya sa Bench Blackout at pagiging isa sa Cosmopolitan 69, abangan natin ang susunod na adventures ni friendly McBilly.