Ang Huling Lagda ni Apolinario Mabini

Ang Huling Lagda ni Apolinario Mabini

May halos isang linggo pa tayo para panoorin ang “Ang Huling Lagda ni Apolinario Mabini,” na inihahandog ng Dulaang UP ngayong ika-150 taon ng kapanganakan ng tinaguriang Konsensiya ng Rebolusyon.

Paano nga ba napapirma sa panunumpa ng katapatan sa Amerika noong Pebrero 26, 1903 si Gat Apolinario Mabini na isa sa mga pinuno ng Rebolusyon? Dahil ba ito sa pangakong wawakasan ang kanyang pagkakatapon sa Dapitan? O marahil ay sa kanyang marubdob na pagnanais na makabalik sa Pilipinas at ang lupang tinubuan ang kanyang maging huling himlayan?

Continue reading

Shooting ng ‘Katipunan’ ng News TV, sinimulan na

katipunan

TAAL, BATANGAS – Sa gitna ng malakas na ulan, sa isa sa mga makasaysayang lumang bahay sa lugar na ito nagbukas ang produksyon ng Katipunan, ang kauna-unahang historical miniseries ng GMA News and Public Affairs.

Unang kinunan ang mga eksena ng ligawan sa pagitan nina Andres Bonifacio (Sid Lucero) at Gregoria de Jesus (Glaiza de Castro), ang Lakambini ng Katipunan.

Ang walong-bahaging kuwento ay magdedetalye ng buhay at pag-ibig ni Bonifacio, ang kanyang mga pagsubok na sinuong sa personal na buhay at sa paglaban sa mga Kastila, at pagkamatay sa kamay ng mga taong hanggang sa huli ay tinawag niyang “Kapatid.”

Continue reading

Jesse Robredo, 54

Sec. Jesse RobredoMataas ang pag-asa ng mga mamamayan noong pumasok si Secretary Jesse M. Robredo sa pulitika dalawang taon pagkatapos ng 1986 People Power Revolution, ayon sa citation para sa kanya sa 2000 Ramon Magsaysay Award for Government Service. Nang iwan niya tayo nitong Agosto 18, masasabing mataas din ang pag-asa dahil sa mga repormang sinisikap ipatupad ng pamahalaang kinabibilangan niya.

Nilisan ni Robredo ang trabaho niya sa San Miguel Corporation noong 1986 para pamunuan ang Bicol River Basin Development Program sa Naga. Makalipas ang tatlong taon, sa edad na 29 ay nahalal siyang mayor. Sa 19 taon ng pamumuno, nagdala siya ng pagbabago sa kanyang lungsod at lubhang napamahal sa kanyang mga kababayan.

Continue reading

Donate to 'Baha Fund' via Smart Money

From a Smart Communications press release:

To make it easy for anyone in the country to donate to the Baha Fund — which will be forwarded to the TV5 Foundation — Smart is opening an emergency Smart Money account and making it available to the public. Smart Money users can instantly send their donation by transferring funds from their bank accounts and/ or own Smart Money accounts to the official Baha Fund account number 5577 5130 6822 1104.

Donors may also deposit cash to this Smart Money account number in any Banco De Oro branch nationwide or through Hapinoy and Cebuana Lhuillier outlets.

Continue reading

Rizal @ 150

Rizal @ 150Noong mas bata pa ako, may ilusyon akong reincarnation ako ni Jose Rizal. Gaya niya, ninais ko ring maging doktor, manunulat, pintor, makata — at babaero. ‘Yun nga lang, ang nakuha ko sa kanya ay ‘yung parteng laging basted — o nauunsyami ang love life.

Pero sa bandang huli, nakilala ko si Myla, isang binibining sa murang edad ay nangako sa sariling ang mamahalin niya’y isang lalaking kagaya ng ating pambansang bayani. Yun nga lang, hindi ko maipaliliwanag kung paano ko siya nakumbinsing ako ang hinahanap niya. Siguro, dahil gaya ni Rizal, di ako kalakihang tao. O baka naman nakalimutan na lang niya ang lumang pangako niya.

Continue reading

Paalam, Perry

Perry Calara

Perry Calara has succumbed to cancer. A great light has just gone out in the universe.

Nagulat ako nang mabasa ko ‘yan sa Twitter ni Rep. Teddy Casiño ngayong gabi. Wala na pala si Perry — isang makabayang manunulat at aktibista mula sa Kabikulan.

Bagama’t hindi kami nagkakilala ni Perry nang personal, isa siya sa mga nakasalamuha’t nakasama ko sa matagal-tagal ko na ring paglalakbay sa cyberspace. Ang kanyang Kaiba News and Features ay naging katropa ng aking Tinig.com. Inilathala namin sa Tinig ang mga isinulat nila sa Kaiba. Isang artikulo tungkol sa Bikolanong bayaning si Simeon Ola ang pinagtulungang sulatin nina Perry at ng kaibigan at ka-Tinig kong si Alex Remollino, na pumanaw rin noong isang taon. Mababasa pa rin sa Tinig.com ang iba pang akda ni Perry.

Continue reading

Lapis para sa Kariton Klasrum

Para sa mga nais tumulong sa Kariton Klasrum ng Dynamic Teen Company (DTC) ni Kuya Ef, bukod sa Tindahan ng Pagbabago ay narito pa ang isang paraan: sa pamamagitan ng Pencil Project ng HotelwithHeart.com (HWH). Hanggang sa katapusan ng buwang ito na lang ang kampanya, kaya’t sana’y bilisan natin ang pagkilos:

Isang digital signature campaign project ang HWH Pencil Project. Layunin nitong makakalap ng 10,000 lapis para sa Kariton Klasrum ng DTC. Sa pamamagitan nito, ang mga batang tinutulungan ng DTC ay magkakaroon ng sapat na supply ng mga lapis na magagamit nila sa kanilang pag-aaral.

Para tumulong, i-like ang Hotel With Heart page sa Facebook pagkatapos ay punan ang form sa Pencil Project app.

Continue reading

Kariton ng mga pangarap

Noong isang Sabado, naging saksi ako sa katuparan ng isang pangarap. Malaking bagay ito sapagkat ang kaganapan ng pangarap na ito’y kakanlong at magpapayabong sa marami pang mga pangarap.

May tinatapos ako sa Yahoo! nang hapong iyon nang mag-tweet si Andrew, ang makisig at maalalahanin kong pinsan. Papunta raw siya kay Efren Peñaflorida, Jr. sa Cavite. Araw iyon ng pagbubukas ng Kariton Building ng organisasyon ng Pilipinong CNN Hero. Dahil kaladkarin ako nang araw na iyon — at talaga namang bilib sa Dynamic Team Company (DTC) ni Kuya Ef — agad akong sumagot na sasama ako.

DapithaponMahaba-haba ang biyahe namin ni Andrew dahil sa trapik. Itinuloy na lang namin habang kumakain ng libre niyang McDo meal ang mga kuwentuhan at talakayang kadalasa’y sa YM at Twitter lang namin ginagawa. Natawagan pa namin si Tita Mila at nagkumustahan sila.

Natuwa rin kami’t sa daan ay nakalanghap kami ng sariwang hanging probinsya at in-enjoy namin ang tanawin habang kami’y nasa gitna ng papalubog na araw at tabing dagat. Wari’y inalis nito ang pagod sa matagal na biyahe.

Continue reading

Pag-alaala kay Ka-Tinig na Alex

(Burador ng pahayag na binasa sa gabi ng parangal kay Alexander Martin Remollino ng mga makabayang makata at manunulat noong Setyembre 6, 2010 sa simbahan ng UCCP sa Cubao, Lungsod ng Quezon)

Alexander Martin Remollino

Alexander Martin Remollino, kapatnugot ng Tinig.com

Marahil, marami po sa ating naririto ngayon ay naubusan na ng mga salita sa nangyari kay Alex. Ang ginagawa na lang natin — lalo na iyong mga di nakasama si Alex sa huling yugto ng kanyang paglalakbay — ay maghapuhap ng mga alaala noong kapiling pa natin siya.

Kaya hayaan ninyong ikuwento ko kung paano namin nakasama si Alex sa website at online community na Tinig.com, na iniluwal sa inspirasyon ng People Power 2. Maaari siguro naming ipagmalaki na kami sa Tinig.com ang mga unang nakasama ni Alex sa kanyang pagtahak sa cyberspace.

Continue reading

Paghahatid kay Pangulong Cory

Bumuhos ang ulan nang paalis na ako papunta sa Manila Cathedral noong Miyerkoles para sumama sa paghahatid kay Pangulong Cory Aquino sa Manila Memorial Park. Sa kabila ng malakas na ulan, hindi ako tinanggihan ng driver ng taxing pinara ko. Titiisin daw niya ang baha at trapik dahil papunta ako kay Cory. Hindi kasi siya makakasama dahil sa kanyang pasada. Kumbaga, yun na lang ang sariling sakripisyo at kontribusyon niya.

Pumarada muna kami sa isang Jollibee store para makabili ako ng almusal namin. Doon pa lang, may mga nakita na akong nakadilaw rin. Nang nasa Luneta na kami, nakita ko kasama ng maraming tao, mga bandila, at mga dilaw at lobo ang mga pamilyar na banner ng mga aktibistang grupong sumama sa People Power 2 noong 2001. Doon na lang kako ako maghihintay dahil siguradong may mga kaibigan akong naroon.

Photo_080509_012 Photo_080509_019

Continue reading

Mga dilaw na laso para kay Tita Cory

Yellow ribbon

Sa kanyang paglisan, ihinatid natin si Pangulong Corazon Aquino sa pamamagitan ng mga dilaw na laso.

Noong Agosto 1983, yellow ribbons din ang ipinansalubong ng mga Pilipino sa kanyang asawang si Ninoy.

Pinangunahan ni Salvador Laurel — na pagkatapos pagsapit ng 1986 ay magiging vice-president ni Cory — ang pagsalubong kay Ninoy. “Tie a Yellow Ribbon ‘Round the Ole Oak Tree” ang naging theme song ihinandang welcome, ayon kay Angela Stuart-Santiago, may-akda ng EDSA: The Original People Power Revolution.

Nagtali ang mga tagasuporta ni Ninoy ng yellow ribbons sa airport, sa mga poste at puno sa gilid ng kalsada para makita ni Ninoy kung gaano kasaya ang mga Pilipino sa kanyang pagbabalik. “It was sad that Ninoy never saw those ribbons,” ani Stuart-Santiago said. Pinatay si Ninoy pagbaba niya sa eroplano.

Ginamit ni Cory ang dilaw bilang kulay ng pagsalungat. Ito na rin ang naging kulay ng kaniyang presidential campaign at ng unang EDSA Revolution na nagpabagsak sa diktaturang Marcos.

Continue reading

Mga pamana ni Pangulong Cory Aquino

Kagabi, in-overtake ang sinasakyan kong taxi ng mga motorsiklong may wang-wang. Kasunod nila’y ilang magagarang kotseng may wang-wang din. Napilitan pang huminto ang isang bus para bigyan sila ng daan. Malamang ay may sakay na VIP—posibleng opisyal ng gobyerno.

Naalala ko si Pangulong Cory Aquino. Marahil ay hindi niya magugustuhan ang ganoon. Nang papunta siya sa Club Filipino noong 1986 para manumpa bilang bagong pangulo, ang kanyang sasakya’y “maingat na tumitigil sa bawat pulang ilaw kahit halos walang trapiko,” ayon sa aklat na “Walang Himala” ni Angela Stuart-Santiago.  Pagkatapos ng seremonya ng paglilipat ng pagkapangulo kay Gen. Fidel Ramos noong 1992, tinanggihan ni Tita Cory ang presidential car na dapat sana’y maghahatid sa kanya sa bahay. Ganyan sana ang mga lider natin ngayon.

Dahil sa paglala ng kanyang kalagayan, gaya ng maraming Pilipino’y lagi ko ring naiisip ang dating pangulo nitong mga nakalipas na araw. At kaninang umaga, balita ng pagpanaw niya ang gumising sa akin. Umuwi na si Pangulong Cory, at siguro’y dilaw rin ang nangingibabaw na kulay sa lugar na kanyang pinatunguhan at masaya siyang sinalubong ng kanyang asawang si Ninoy. Nakakaharap na niya ang Lumikhang naging bukal ng kanyang lakas at pananampalataya.

Continue reading