Ako lang ba ang nakaka-miss sa McRice Burger?

Napag-uusapan ang mga burger dahil sa pagpe-phase out ng Jollibee sa kanilang Champ burger. Dahil diyan, naalala ko na naman ang masarap na McRice Burger ng McDonald’s.

Ito ‘yong burger na may beef o chicken patty tapos ang bun ay kanin na malagkit na may linga sa ibabaw. Manamisnamis na parang teriyaki ‘yong sauce, at may palaman din itong lettuce at violet na cabbage. Ang isang bentahe nito, puwede kang kumain ng rice burger kahit nasa sasakyan o naglalakad ka.

Para sa mga ‘di nakatikim noon ng McRice Burger, basahin ang article ng Philippine Star noong ipakilala ito. Ito naman ang McRice commercial ni Will Devaughn:

Dati ko pang inaasam na bumalik ang McRice Burger kahit tumaba kami dati sa kakakain nito. Paborito ko kasi ‘yong Beef Supreme variant. Hindi ako naka-move on sa pagkaka-phase out ng McRice (pati na rin ng Amazing Aloha, na ibinalik naman ng Jollibee):

Pero ‘di lang naman ako ang nakaka-miss sa McRice Burger. Pati ang cyberfriends kong sina Chuckie & Yen Dreyfus at Reggie Ramos, hinahanap-hanap din ang McRice ng McDo. Tingnan ang Twitter thread namin:

Ang blogger na si Kevin Pableo, naging paborito rin daw ang McRice Burger, at gustong makitang bumalik ito kahit sandali lang.

Narito pa ang ilang tweets sa nakalipas na taon na humihiling na ibalik ang McRice:

Noong ilabas ng McDo ang Flavors of Japan nila last year, dahil sa Teriyaki Samurai Burger ay naalala rin ng mga tao ang McRice Burger.

Meron din sa Facebook:

Nakita ko naman ito sa Pinterest:

Sa isang events website, may nag-post pa ng “Ibalik ang ‘McRice Burger’ Protest Rally” sa Zamboanga. Ewan ko lang kung tinotoo nila ‘to.

Noong magbakasyon kami ni Myla sa South Korea, nakatikim kami ng rice burger ng Lotte, ‘yong fastfood restaurant na parang Jollibee nila roon.

View this post on Instagram

Bulgogi Rice Burger from Lotteria, South Korea’s Jollibee.

A post shared by Ederic Eder (@ederic) on Nov 4, 2012 at 6:31pm PST

Ayon naman sa Yummy.ph, nakatakda daw magbukas ngayong buwan sa Robinsons Galleria ang MOS Burger ng Japan, na kilala rin sa kanilang rice burgers.

Pero siyempre, iba pa rin ang rice burger ng McDo.