Wowowee, Sinong Mawiwili?

Kawalanghiyaan ang mawili sa naganap kanina sa Philippine Sports Arena o ULTRA, na pagdarausan sana ng unang anibersaryo ng Wowowee ABS-CBN. Mahigit 70 katao–karamihan ay nakatatandang mga kababaihan–ang namatay nang maganap ang isang stampede.

At mabuti naman, kung may nawiwili man, kaunti lamang: yaong sadyang masayahi’t nakagagawa ng akala nila’y nakatatawang text messages habang ang marami’y nagluluksa.

Nagtipun-tipon doon nang ilang araw ang marami nating kababayan–20 libo katao, ayon sa pagtataya ng ABS-CBN–sa pagbabakasakali maambunan sila ng suwerteng ipinamimigay ng mga sponsor ng programa ni Willie Revillame. Ngunit sino ang mag-aakalang sa halip na grasya ay kamatayan o sakit ng katawan ang aabutin nang marami sa kanila?

Nakapanlulumo. Hindi nakakawili.

At kahit sang-ayon ako sa mga sinabi kahapon ng paborito kong si Sharon Cuneta na ito raw ang panahon upang magtulungan, hindi magsisihan at magpataasan ng ihi, hindi ko pa rin mapigilan ang sarili ko na magngitngit sa isiping habang libu-libo nating kababayan ang desperado’t umaasa sa himala, may iilang mapapalad na kongresistang kumita sa komisyon sa abono’t naambunan ng narekober at muling ninakaw na nakaw na yaman ng pamilyang Marcos; o may mga hacienderang ibubuyangyang ang karangyaan sa madla; o may mga lider na dapat sana’y nagtatrabaho upang maiahon sa kahirapan ang mga kababayan, ngunit iba ang tinatrabaho.

At sa likod ng isipan ko, patuloy pa ring tumutugtog ang ring tone na “Hello Garci.”

0 thoughts on “Wowowee, Sinong Mawiwili?”

  1. hay naku!! sa 22o lang d natin masisisi ang mga taong pumila sa wowowee!! bakit dahil nga sa kahirapan kaya sila nakipagsapalaran.. kaya nga lang iba pala ang darating sa kanila yun yong trahedyang ngyari!! nakakalungkot talaga!! sa 22o lang inis ako sa ating pangulo ang taas ng evat! wala na syang itinira para sa mahihirap!! ulitimo tinik kinuha pa nya! anong klaseng lider ka Gng. Arroyo!!? naghihirap na nga ang pinoy lalo mo pa kaming binaon sa hukay!! kung ikaw man sakali ang nasa kalagayan naming mahihirap nasisiguro kung ganito din ang sasabihin mo sa Presendente!! Mabuti ka pa kasi nakahiga ka sa malalambot na kama! Kumakain ng lahat ng masasarap na pagkain at pa2loy ang paglabas ng bansa. At ang pamumulitika mo!! sa totoo lang hindi ako nakapag-aral ng high school dahil nga sa sobrang hirap ng buhay!! ang liit pa ng sahod namin!! pero ang mga bilihin ay sobrang taas!! ano pa ang matitira sa amin? sana Gng. Arroyo! Naisip mo din habang nagsasaya ka kung ano ang kalagayan naming mahihirap!! naitanong mo na ba sa iyong sarili…: anong klaseng lider ako? bakit kilangan kung magcnungaling? bakit klangan kung……… lahat lahat na.. hnd kaba nakukunsensya? wala kang puso.. pamilya mo lang ang binubuhay mo!! pano na kaming mahihirap!!

    e2 po ang aking email add: jenii_bey@yahoo.com

    sana lahat kaung nasa senado nasa palasyo.. bigyan nyo naman kami kahit tinik lang.. maawa na kau!!

  2. handa awit
    …………………..
    …………………..
    …………………..
    wowowee nasawi ang
    marami!

    dahil sa show na to lahat
    ay nagsisisi!!!!!

    wowowee sira na si
    willie!!!

    kawawa naman wowoWILLIE

Leave a Reply