Top 10 Emerging Influential Blogs

Unang isinulat noong Hulyo 22 at binago ngayong ika-30 ng Hulyo, 2007

Hahabol ako sa The Top 10 Emerging Influential Blogs in 2007 ng Digital Filipino ni Janette Toral. Narito na ang kumpletong listahan ko:

An Apple a Day
Personal blog ni Aileen Apolo ng Google Pilipinas. Ayaw man niyang amining isa na siyang cyberceleb, sigurado akong maraming sasang-ayon sa akin na intresado ang Pinoy netizens sa mga saloobin ng kinatawan sa bansa ng pinakahinahangaang kumpanya sa mundo sa larangan ng teknolohiya.

Gibbs Cadiz
Naniniwala akong ang kay Gibbs Cadiz ang isa sa mga nangungunang lifestyle blogs ngayon. Mababasa rito ang pinakabago sa pelikula at tanghalan, gayundin sa aklat at musika. Tinutulungan tayo ng kanyang mga review at salaysay tungkol sa mga palabas, at inaaliw tayo ng kanyang samu’t saring mga kuwento.

Pedestrian Observer
Nagsisimula nang umunlad ang blogging sa Pilipinas nang pumutok ang “Hello Garci Scandal”. Ang pangunguna ng PCIJ Blog sa pagtalakay sa pulitika at mga panlipunang usapin at pagparinig sa atin ng usapan nina Gloria at Garci ay lalong humikayat sa pagiging aktibo ng marami pang Pinoy bloggers. Ang ganitong tradisyon ng pagkokomentaryo sa mga di-personal na isyu ang sinusundan ng Pedestrian Observer, na masugid na nagmatyag at nagsulat tungkol sa halalang 2007.

Ako si Hyro
Blog ni Jessehyro Tito P. Aguinaldo, film freshman sa Unibersidad ng Pilipinas, ang pangunahing pamantasan sa bansa. Kung ang mga tala ng buhay ni Bikoy sa kolehiyo ay sinubaybayan natin, siguradong gusto rin nating sundan ang pagsisimula ng college adventures ng isa na namang iskolar ng bayan.

Project Manila
Ang proyektong ito sa Web ni Rick Manzano ay ang sarili niyang pagtatangkang baguhin ang pagtingin ng mga tao sa Kamaynilaan sa pamamagitan ng mga kuha niyang larawan. Sa bawat naabot ng kanyang blog, naipakikita niya ang kabilang mukha ng kalunsuran: ang makulay, aktibo at may pag-asang imahe ng iba’t ibang mga kaganapan dito.

Malou Mangahas – GMANews.tv
Disclaimer: Boss ko si Ma’am Malou. Journ student pa lang ako, paboritong newspaper editor ko na siya. Pero naniniwala akong dapat mapasama sa listahan ko ang blog ng patnugot ng official news website ng pinakanirerespetong TV station sa bansa. Sayang nga lang at hindi na siya nag-a-update.

Hiraya: Endless Journey
Marami siyang nais ipahayag tungkol sa buhay at lipunan, at malinaw niya itong naipapabatid sa kanyang mga mambabasa gamit ang sariling nating wika. Alam niya kung paano mas maiparirinig ang kanyang tinig. At kahit by invitation na lang ang blog niya at Ederic Deric ang tawag niya sa akin, kasama siya sa aking top 10.

The D Spot
Si Dine Racoma–kilala rin bilang Sexy Mom–ay nanay ni Angelo–ang isa sa mga unang problogger na nakausap ko online at offline. Dati’y ang blog lang ni Angelo ang nadaraanan ko, pero ngayo’y dinarayo ko na rin at ang patuloy sa pamamayagpag sa blogosphere na blog ni Dine.

Cokskiblue
Isa itong vlog–video blog. Hayaan ninyong ang mga komento ng mga bisita sa shoutbox ng blog na ito ang magpaliwanag kung bakit kasama siya sa Top 10 ko. Etong sample: “uii. la lang. napadaan lang aku. first time ko dito sa blog mo.. naaliw aku sa mga videos mo! ang galing.. nice.. nice.. ”

The Philosophical Bastard

Bago pa lang akong sumisilip-silip sa blog ni Paolo Mendoza, pero nababasa ko na siya kung saan-saan sa blogosphere. Tiyak kakong may ibig sabihin ito.

Sa Agosto 1 ay may kita-kits para sa proyektong ito. Kinopya ko sa blog ni Janette ang listahan ng mga kumpirmadong dadalo sa EB:

  1. Alohapenny
  2. thegrapebunch
  3. Sexy Mom
  4. Noemi
  5. Archeia
  6. Rick Manzano
  7. Shari
  8. Jehzeel Laurente
  9. Richard Lionheart
  10. Heneroso
  11. Fire Eye’d Boy
  12. GM Tristan
  13. Elmo
  14. Carl Ocab
  15. Dennis Rito
  16. Jengkie
  17. Allen Gurrea
  18. Richard
  19. Jedianalyst
  20. I am SAM
  21. Lalon
  22. P0ytee
  23. Jhed
  24. NineMoons Family
  25. utakGAGO
  26. Ederic
  27. C5
  28. CokskiBlue
  29. Lateralus
  30. Novice Blogger
  31. Prudence
  32. Cliff
  33. Ang Lolo Niyo
  34. Agent Grey
  35. Baklang AJ
  36. Juned
  37. Aileen Apolo
  38. Karlo.PinoyBlogero
  39. TheANiTOKiD
  40. ApplesH
  41. ChrisH
  42. Arbet

22 thoughts on “Top 10 Emerging Influential Blogs”

  1. Cyberceleb? Hehehe. Di noh! Madaldal lang talaga ako, pati na sa pagsusulat. Maraming salamat sa pagtangkilik sa aking blog! At maraming salamat na rin sa pagiging kaibigan πŸ™‚

  2. @ Ederic, it’s an honor to be in your list πŸ™‚ i hope Project Manila eventually changes how people see Manila.

    @ gibbs: let’s all have coffee together, tayo nila karla πŸ™‚

  3. @nice: salamat sa pagdaan.

    @Coy: ika’y nasa listahan ko na rin. πŸ™‚

    @Jaywalker: salamat din po.

    @Janette: Kumpleto na po.

    @Karlo.PinoyBlogero: Kita-kits.

  4. Halos tatlong taon na akong blogger, hindi ko alam kung paano maipapakilala sa mas marami ang blog ko. Bukod kasi sa mga kaibigan at kamag-anak wala na ibang nakaka-alam na may blog pala ako. May maibibigay ka bang tip? Maraming salamat!

    Luann

  5. Hi Luann, salamat sa pagdaan.

    Mabisang paraan para magkaroon ng mga bisita sa blog mo ang pakikipagtalastasan sa iba pang bloggers. Mag-iwan ng comment sa mga blogs nila, pero yung may sense naman at nasa topic syempre. Sumali ka rin sa mga blog networks gaya ng Pinoy Top Blogs at Pinoy Blog, at i-submit ang iyong URL sa mga search engine gaya ng Google at Yahoo saka sa Technorati. Pwede mo ring i-post ang summary ng entries mo sa Friendster at Orkut mo.

    Tamang-tama itong mga isinulat ni Karlo. Basahin mo’t may mapupulot ka. πŸ™‚

  6. Waaah! Kung hindi ko isinearch sa Google ang pangalan ko, siguro hindi ko ito makikita. Maraming salamat po kuya Ederic sa papuri. Hindi ko inaasahan na mapapasama ako sa ganyang listahan sa mabilis na panahon!

    Salamat muli at more power to you!

Leave a Reply