Tita Eggie: Ang Pagbabalik

Kagabi, naisip ko na naman ang Pinoy Times. Namayagpag ang munting diyaryong ito ni Eugenia Apostol ( na tinatawag naming Tita Eggie kahit di naman kami close sa kanya), pati na rin ang Pinoy Times Special Edition noong panahon ng impeachment trial ni Pangulong Estrada.

Naisip kong ngayong mainit ang Juetengate 2 at kumukulo ang Gloriagate, hindi kaya muling mabuhay ang Pinoy Times?

Nakasulat din ako ng ilang artikulo sa Pinoy Times noon. Pinakapaborito ko ang “Tinig ng Generation Txt”. (Dahil sa article na ‘yan naging cyberfriends kami ni Manolo, na noo’y kolumnista ng diyaryo.) Ang isa sa mga pinakaunang personal website ko nga, mayroon pang impormasyon tungkol sa Pinoy Times at may koleksiyon ng mga artikulo ni Pete Lacaba. Noong medyo tumatagilid na ang diyaryo, sumali ako sa nananawagan na suportahan ito.

Mula sa PCIJ blog ay napadaan ako kanina sa PinoyPress at nabalitaan kong muling ilulunsad ni Tita Eggie ang kanyang magasing Mr. & Ms. Nabanggit ang balitang ito sa kolum ni Victor Agustin sa Inquirer. Ang Mr. & Ms., mula sa isang ordinaryong magasin ay naging isa sa mga pinakamatitinding kritiko ng rehimeng Marcos matapos mapaslang si Ninoy Aquino.

Kung totoo ang balitang ito, mukhang nasagot na ang aking katanungan.

0 thoughts on “Tita Eggie: Ang Pagbabalik”

  1. Ngek bakit naman? Di lang siguro naging sobrang agresibo ang marketing. Saka nawalan ng interes ang mga tao. Naging kampante.

  2. Ok nga sana ‘yun. Kaso lang ewan ko kung nakanino na ang domain name na ‘yan ngayon. Saka kailangan pang ipaalam ‘yun sa may-ari ng paper.

Leave a Reply