This Boy's Life

Photo from rottentomatoes.com | Image hosting by Photobucket - Video and Image Hosting Pinanood ko noong isang gabi ang binili kong DVD ng isang lumang pelikula ni Leonardo DiCaprio, ang This Boy’s Life. Hango sa tunay na buhay, tungkol ito kay Tobias, isang binatilyong pinagmamalupitan ng kanyang amain. Sa kuwentong ito, makikita kung paanong ang pagtakas nina Tobias sa abusadong boyfriend ng kanyang ina ay humantong sa pagpapakasal ng huli sa isang lasenggong lalaking may mga anak na rin.

Habang pinapanood ko ang This Boy’s Life, bagamat kakaiba’y di ko maiwasang maalala ang kuwento namin ni Mama. Pitong buwan pa lamang ako nang pumanaw ang aking ama. Iniuwi ako ni Mama sa Marinduque, at doon ako pinalaki sa tulong nina Tatay at Nanay (lolo at lola ko). Dahil maagang nabiyuda, may mga sumubok manligaw kay Mama. Pero malas lang nila, pagka’t ako ang numero unong kontrabida. Ayokong muling mag-asawa si Mama.

Ang pinakanatandaan kong nanligaw sa kanya ay isang matandang payat. Kahit damatans na, magaling ang style ng lolo. Ako ang una niyang pinuntirya. Minsan, nilapitan ako ng matanda at ipinakita ang isang game and watch. At dahil ayoko sa kanya, kako’y huwag na lang. Sawa na kako ako sa mga Game & Watch dahil binibigyan ako ng mga tiya ko ng ganoon. Pero kung alam lang niyang gustung-gusto ko talagang magkaroon ng laruang iyon, at kahit matagal na akong humiling sa mga tiyo at tiya ko, hindi pa rin nila ako binibigyan.

Minsan naman, nagkasakit ang Mama ko. Nagpadala siya ng mga prutas at gatas. Nagmarakulyo ako at ipinilit na ipasoli ang mga padala ng matandang manliligaw.

Siguro’y selfish lang ako noon dala ng pagiging bata. Kung sa panahong may muwang na ako nangyari ang ganoon, baka mas maiintindihan ko. Pero nagpapasalamat na rin ako sa Mama ko dahil mas pinili niyang di na muling mag-asawa. Hanggang sa kanyang mga huling sandali, ang kapakanan ko ang kanyang iniisip. Pumanaw siyang hawak ang mga papeles na makatutulong na matustusan ang pag-aaral ko sa Unibersidad.

Kaya’t kahit tulad ni Toby ng This Boy’s Life ay natupad ang pangarap kong makapasok sa isang magandang pamantasan, mas mapalad pa rin ako kaysa sa kanya.

0 Replies to “This Boy's Life”

  1. una ko sanang sasabihin ay kawawa naman pala ang mama mo, dahil paano kung gusto nya palang bumuo ng isang pamilya, yung may nanay may tatay at may anak?
    pero baka gusto rin ng nanay mong kayong dalawa na lang kaya never mind πŸ™‚

    pero yung ugali mo noong bata ka against sa mga nanliligaw sa mom mo
    parang sa sine ko lang napapanood yan
    me totoo palang ganyan.

  2. Mas ginusto nga ata ng Mama ko na ako na lang ang alagaan at maglingkod sa simbahan sa halip na magpamilyang muli.

    Sa sine lang? Para pala akong sine. πŸ™‚

  3. hi ederic..i must watch this movie..how are you..am allyn’s cousin. she had been telling you about me, and i think i saw you during your graduation..how are you.
    judelight

  4. ..well.. i could really relate to your story..very much..hindi naman sa pagmamalaki pero ako din kasi, naulila nung limang taon pa lamang.. pero hindi na rin nag-asawa si daddy kasi kami lagi ang inuuna.. sobra nga ang pagpapasalamat ko sa kanya eh.. sigurado, hindi ganito ang buhay ko ngayon kung hindi dahil sa kanya.. I’m really grateful po na sya ang naging ama namin.. bale 4 kaming magkakapatid.. sa ngayon, buhay pa ang daddy namin.. at sana tulungan kami ng Panginoon na ibigay ang pinapangarap naming buhay para sa aming ama.. kahit mahirap lang kami, i’d still want to see my father smiling until his death kasi napakarami nyang sakripisyo para sa amin.. Tama nga naman, poverty is not a hindrance to success.. thanx..

  5. gabo_bernardo: hmm, anong pera? :p

    yrene: Salamat sa ibinahagi mo. Mabuti naman at iniisip ninyo ang pagtanaw ng utang na loob sa inyong mapagmahal na ama. Sigurado akong bibiyayaan kayo lalo ng Diyos dahil diyan. πŸ™‚

Leave a Reply