Terorista, Nakatakas sa Crame!

Nakatakas kaninang madaling araw mula sa kanyang kulungan sa Camp Crame, punong himpilan ng Philippine National Police, si Fathur Roman Al-Ghozi na pangunahing suspek sa pambobomba sa LRT noong Disyembre 30, 2000.

Ayon kay PNP Director General Hermogenes Ebdane, Jr., nakatakas si Al-Ghozi, kasama sina Abdulmukim Edris, hinihinala ring terorista, at Mehran Abante, umano’y kasapi ng Abu Sayyaf, sa pagitan ng 3:30 at ika-5:00 kaninang umaga.

Umabot sa 22 katao ang namatay sa pambombomba sa LRT. Si Al-Ghozi ay nahatulan na ng 10 hanggang 12 taong pagkakakulong kaugnay sa kasong ito.

Nang mabalitaan ang pangyayari, galit na galit naman umano si Pangulong Gloria Arroyo, na binisita ngayong araw ni Australian Prime Minister John Howard. Tulad niya, si Howard ay masugid ding tagasuporta ni US President Bush sa giyera nito laban sa terorismo.

Hinahanting na ng mga pulis ang mga pugante.

0 thoughts on “Terorista, Nakatakas sa Crame!

  1. Sabi ni Ka Jess Santiago ay mga officer na saksakan ng kakapal ang mukha ang meron sa Crame. Kung sabagay ay totoo, dahil kundi ba naman makapal ang mukha ni Ebdane e nakuha pang humarap sa mga tao samantalang y’ong pangyayaring walang tanda ng puwersahang pagtakas ay napakalinaw na ang sinasabi.

  2. Tama. Isa itong malaking katangahan.

    At walang makapapantay sa nipis ng utak ng mga may kinalaman dito kundi ang kakapalan ng kanilang mga mukha–kung ano’ng nipis ng utak ay siyang kapal ng mukha!

Leave a Reply

Your email address will not be published. Required fields are marked *