Bakit dapat mag-sorry?

Sana nga, totoong nagbibiro lang si Pangulong Cory Aquino nang mag-sorry siya kay Erap dahil sa naging papel niya sa pagpapatalsik sa dating pangulo noong EDSA 2.

Noong 2005, nang sabihin ni Tita Cory na pinagsisisihan na niya na nakatulong siya sa pagkakaluklok ni Gloria Arroyo sa puwesto, ganito ang bahagi ng isinulat ko:

Pero kahit naiintindihan ko ang feelings ng iginagalang na dating Pangulo, bilang bahagi ng People Power 2 ay wala akong pinagsisisihan. Katulad ng ipinaglalaban ng mga mamamayan sa mga pagkilos upang paalisin si Gloria ngayon, katotohanan at katarungan din ang sigaw natin sa EDSA at Mendiola noong 2001. Tumalikod sa interes ng masang kanyang ipinangakong pagsisilbihan — at kumita pa mula sa kanilang barya-baryang taya sa jueteng — ang noo’y nakaupong pangulo. Hindi mali at hindi dapat pagsisihan ang pagpapaalis sa kanya.

Ganyan pa rin ang paniniwala ko, kaya nga sumali ako sa grupong ito sa Facebook.

EDSA 2: isang "pagkakamali" ng Simbahan?

EDSA 2 by Erman BallecerAng paksa ng susunod kong kolum sa Pinoy Gazette ay ang EDSA 2 at ang pagkakabanggit nito sa paper na “The Contemporary Brand of Political Activism of the Catholic Bishops’ Conference of the Philippines (CBCP): Strengthening Political Structures to Solve and Prevent Political Crises” ni Fr. Sid T. Marinay, na inilabas kamakailan ng Archdiocese of Manila.

“The CBCP statements from the year 2004 to 2008 showed the end of the era of the CBCP’s political activism, in the sense of organizing rallies, that has blurred the line separating the Church and the State. The era of political activism faded away with the passing away of Cardinal Sin,” dagdag pa niya.

Hindi ko maintindihan kung paanong ang pakikiisa ng Simbahan sa mga kilos-protesta laban sa katiwalian — sa mga kademonyohan ng ating mga lider — ay magiging isyu ng pagkakahiwalay ng Simbahan at Estado. Sa tingin ko, kung sinasamahan o pinamumunuan lamang ng Simbahan ang mga kasapi nito sa pagsasabuhay ng karapatan nilang humingi ng isang mabuti at makatarungang pamamahala, sakop ito ng Bill of Rights ng ating Saligang Batas. Ang masama ay kung tuwirang didiktahan ng Simbahan ang pangulo na ipatupad sa gobyerno ang mga utos ng Simbahan.

Continue reading

Si Malu Fernandez at ang mga napakong pangako ni Gloria Macapagal-Arroyo

Para bang kulang pa ang lahat ng galit at panlalait na natanggap niya nang insultuhin niya noong isang taon ang mga OFW, muling humirit ang socialite at lifestyle columnist na si Malu Fernandez sa kanyang kolum sa Manila Standard Today. Ang binabanatan naman niya ngayon sa artikulong “The problem with blogging….” ay ang mga blogger at ang lumalawak na kilusan para paalisin sa pagkapangulo si Gloria Macapagal-Arroyo.

Sinimulan ni Malu ang kanyang bagong obra sa pagbanggit sa kontrobersyal na blog ng isang Australyanong umibig sa isang Pilipinong socialite na sa huli ay nang-onse raw sa dayuhang lover. Dahil sa blog na ito, naalala ni Malu na minsa’y naging “hot topic” siya ng Philippine blogosphere. (Napasama sa “The Most Popular Filipino Blog Posts of 2007” ng Basapa.com ang aking Malu Fernandez post noong isang taon.)

Para lang ipaliwanag na ang isinulat niya ay hindi tungkol sa dating isyu tungkol sa kanya, kinailangan na namang mang-insulto ni Malu Fernandez ng kanyang mga mambabasa: “To those of you who are mass/volume or dense (that’s the physics formula for density to those who are clueless) again, I repeat this is not a reaction toward my past actions.” Pagkatapos, ang blogging at bloggers na ang tinira niya:

But blogging, aside from Perez Hilton and the other big time bloggers (you know who you are) is for me a slacker job or a medium and pastime for lonely people to connect. Unless you’re in bloody Siberia or in a Gulag prison, try stepping outside your comfort zone and turn off the laptop or pc, you just might find some real live people to talk to instead of typing away in cyber space.

Continue reading

Mga Pagbabalik-tanaw

Hindi ko pa naiisulat ang ederic@cyberspace noong 2007, pero sa Titik ni Ederic ay nai-post ko na ang “Mga usapin ngayong 2007” na siyang yearender ko sa aking kolum sa Pinoy Gazette.

***

Bago sumiklab ang People Power 2, dalawang artikulo tungkol sa alternative press ang isinulat ko para sa Philippine Journalism Review ng Center for Media Freedom and Responsibility:

Eto naman ang mga isinulat ko pagkatapos ng EDSA 2:

Continue reading

Ang Aking Kuwentong People Power 2

Kasama ako sa EDSA2! Para sa Blog Action Week ng Bloggers’ Kapihan, narito ang aking ambag. Pinaiksi at inayos na bersyon ito ng “Liham ng Tagumpay” na unang nalathala sa Mga Kuwentong People Power 2 section ng Tinig.com.

Sana makadalo kayo mamaya sa Bloggers’ Kapihan 3.0: Bloggers remember People Power 2 kasama si Bayan Muna Rep. Satur Ocampo at iba pang personalidad ng People Power 2. Gaganapin ito 2 to 5 pm sa Kape Tasyo (Freedom Bar) na nasa at 2/F Anonas Commercial Complex, #3 Anonas St., Project 3, Quezon City. I-text lamang ako sa 09173864686 kung may mga tanong kayo.

Enero 16, 2001, Martes

Galing ako sa isang meeting sa Makati noong gabing nagsimula ang EDSA People Power 2. Nasa meeting pa lang ako ay nagsimula nang magdatingan ang text messages tungkol sa labing-isang pangit. May magmumura — akala ko nga galit sa akin yung officemate ko na naunang nag-text–may nanggagalaiti, at kung anu-ano pa. Yung isang natanggap ko: “Remember the names of these senators; they betrayed the Filipino people: [name of the ugly senators].” That time medyo alumpihit na ako but since nasa meeting nga, wala akong magawa.

Later, nagtawag ako at nakibalita. Pero basically, naintindihan ko na na yun nga, hindi pinabuksan ang second envelope. Samantala, tuluy-tuloy ang mga text sa aking cellphone. Noise barrage raw ng 11pm at rally kinabukasan sa Senate. 11pm na, nasa bus pa ako; medyo nag-umpisa nang magkaingay ang mga sasakyan sa labas. Ako, gusto kong magwala sa loob pero siyempre nakakahiya kung para akong baliw na magsisigaw nang bigla. Nagtaka lang ako dahil kahit lagpas ng 11, tuluy-tuloy pa rin ang mga busina. Kahit magtu-twelve na ay may bumubusina pa.

Continue reading

Kita-kits sa Bloggers' Kapihan 3.0 ngayong Sabado

Beterano ako ng EDSA2! Kita-kits tayo sa isang hapon ng kuwentuhan at kapihan kasama ang mga beterano ng People Power 2:

Bloggers’ Kapihan 3.0
Jan. 19, 2008, Saturday 2:00-5:00 pm
Kape Tasyo (Freedom Bar)
2/F Anonas Commercial Complex
#3 Anonas St., Project 3, Quezon City

To confirm your attendance, kindly post a comment at the Bloggers’ Kapihan website or text me at 09173864686. Sana makapunta kayo at magsama ng mga kaibigan.

Patuloy pa rin ang Blog Action Week: Bloggers Remember People Power 2. Sali na! 🙂

Bloggers Action Week: Bloggers remember People Power 2

Kasama ako sa EDSA2!On the weekend of Jan. 19-20, we remember People Power 2.

Do you remember watching the rallies and the impeachment trial that was like a telenovela? Did you receive and forward jokes and the “Go 2 Edsa” message to all the people in your phonebook? Did you come to Edsa Shrine (or the public plazas nationwide) with your family, friends, schoolmates and officemates? Did you take photos? Did you make your own placards? Did you join the exciting march to Mendiola that signaled the victory for the uprising? Do you remember what you felt, and the big dreams and aspirations we all had for our country?

Continue reading

Walang pagsisisi

Pinagsisisihan na raw ni dating Pangulong Corazon Aquino na nakatulong siya na maluklok sa kapangyarihan si Gloria Macapagal-Arroyo noong 2001 People Power Revolt.

Maaalalang sina Tita Cory at Cardinal Sin ay nanawagan ng People Power matapos magkalutuan noon sa impeachment trial ng napatalsik na Pangulong Joseph Estrada.

Hindi nakapagtatakang ma-bad trip ang biyuda ni Ninoy. Matutuwa ka ba naman kung ang taong tinulungan at inaasahan mong mangunguna sa pagbabago sa bayan nating sawi, biglang nag-“Hello Garci” upang ang natikmang kapangyarihan ay kayamanan ay di na mapawi? Kahit siguro taong palangiti, mapapangiwi at mapapasigaw ng “Gloria uwi!”

Continue reading