Smart Bro

Nakabitan na ako ng Smart Bro kaninang tanghali lang. Medyo naghintay ako para makabitan at sa pagkakabit, pero so far mas mabilis na nga ang connection ko kaysa sa dating dial up.

Nagbayad ako sa Smart ng P1,999 noong Lunes, at tinawagan nila ako noong Martes. Sabi’y kakabitan daw ako sa Linggo (bukas), kaya hinirita ko ng Sabado. kako’y ‘di ba’t tatlo hanggang apat na araw lang dapat ay makakabitan na ako? At dumating nga ang mga magkakabit bago magtanghali kanina. Nang abutan ko sila sa bahay galing sa labas, nasa bubong na sila at ikinakabit ang antenna. May kalahating oras pa siguro bago napagana ang connection ko.

At ngayon, tini-test drive ko na ang Smart “wifi” connection ko. Okay siya sa loading ng webpages. Di na ako naghihintay. May buffer time sa pagpe-play ng video sa YouTube, pero ok lang ‘yun. Mabilis na ang Gmail, Friendster, at mga forums. Maasikaso ko na ang Tinig.com lagi. Pero sa actual na pagda-download ng files, mukhang mas maayos lang nang konti kaysa sa dialup. Mapagtitiyagaan pa naman kahit may pakiramdam akong unti-unti siyang bumabagal. (Ni hindi ko nga nakitang nagsimula sa 1000++ KB/second) Sana praning lang ako. Ayokong matulad sa dose-dosenang bad trip na mga subscriber na tumatambay sa Smart WiFi Chronicles. Dahil kapag nangyari ‘yun, sabi ko kay Tonyo na kasama ko sa TXTPower, aawayin ko ang mga kaibigan ko sa Smart, pati na si Tito Mon!

0 thoughts on “Smart Bro

  1. naka PLDT DSL ako dito sa bahay. medyo madalas mag-down yung signal nila at mahirap pa maka-connect sa customer service. sana mas maging maayos yung service / connection ng Smart Bro mo. =P

  2. Nawa’y maging maayos nga ang connection mo. Pero parang na-cucurious ako sa kung anong mangyayari kapag inaway mo na ang Smart. hehehe

  3. magkano monthly ng smart bro? naka bayaninternet unlimited kami sa bahay. 799 lang. kasama na ang phone line. pero 52 kbps lang. at least unlimited. hehe.

  4. naka-Smart Bro din kami (since May 30). okay naman siya, diba? kung may problema man, hindi ko na napapansin dahil di hamak na mas mabilis siya sa dial-up na dating gamit ko, haha!

    in fairness, in just 3 weeks, nadownload ko ang 22 episode ng Smallville Season 5 na tig-350MB. not bad eh? haha!

Leave a Reply

Your email address will not be published. Required fields are marked *