Si Angelo de la Cruz bilang simbolo ng kasarinlan

(Isinubmit ko sa Pinoy Gazette ang article na ito noong Hulyo 14. Noo’y di pa pumapayag ang gobyerno na i-pull out ang tropang Pilipino sa Iraq.)

Paggising ko noong Hulyo 8, isang text message mula sa kaibigan kong si Maita Santiago ng Migrante International ang aking nabasa: “1 ofw nabihag n s iraq.t0todasn in 72hr unles fil trups out.kasalanan ito ni gl0ria.pinagpapalit nya buhay ng ofws 4 bush.pull out tr0ops n0w!”

Sa trabaho nang buong araw na iyon, ang pagkakabihag ng mga rebeldeng Iraqi kay Angelo de la Cruz, isang drayber ng truck sa Saudi, ang pinakamalaking balitang aming pinaglaanan ng panahon. Pupugutan daw siya ng ulo kapag hindi pinauwi ng Pilipinas ang peacekeeping troops nito na nasa Iraq.

Kinabukasan, nasa telebisyon na nag mga kamag-anak ng bihag. Nanawagan sila sa gobyerno ng Pilipinas na iligtas ang kanilang mahal sa buhay na minalas na pumunta sa Iraq dahil sa kanyang trabaho. Mismong si de la Cruz, sa isang panawagang naka-record sa videotape na ipinadala sa isang television network sa Middle East, ang humiling na pauwiin na ang mga sundalong Pilipino upang mailigtas ang kanyang buhay at mailayo sa kapahamakan ang iba pang mga manggagawang Pilipino sa Gitnang Silangan.

Ngunit naging bulag, pipi, at bingi ang pamahalaan ng Pilipinas sa panawagan ni de la Cruz. Bakit nga naman pauuwiin ang mga tropang Pinoy? Magdudulot ito ng kahihiyan sa international community at maaaring ikasama ng loob ng Estados Unidos. Ngayon pa namang muling mahigpit ang ating ugnayan sa bansang pinagsasanlaan ng ating kalayaan. Hindi maaari. Sayang naman ang tulong militar na ibinibigay sa atin ng US.

Kaya naman tumanggi ang Pilipinas. Tutupdin nito ang pangakong isang taong pananatili sa Iraq ng mga sundalo nitong tumutulong sa muling pagsasaayos sa bayang dinurog ng digmaang pinangunahan ng US at masugid nitong sinuportahan. Sa halip, pakikipagnegosasyon sa tulong ng ibang mga bansa ang ang daang tatahakin ng pamahalaan tungo sa pagsisikap na mapalaya si de la Cruz. (Kakaiba, ngunit para sa lider ng ating bansa, balewala ang mga pangako sa kanyang mga kababayan pero sagrado ang pangako sa mga dayuhan.)

Habang sinusulat ito, hindi pa tiyak ang magiging kapalaran ni de la Cruz. Ayon sa mga balita ay napahaba ang taning na ibinigay sa Pilipinas. Pero nagmamatigas pa rin ang pamahalaan sa desisyong panatilihin ang tropa nito sa Iraq hanggang Agosto 20, at hindi Hulyo 20, gaya ng bagong hiling ng mga bumihag kay de la Cruz.

Samantala sa loob at labas ng bansa, lumalakas naman ang panawagang pabalikin na ang mga tropang Pinoy. Araw-araw ay nagtitipun-tipon upang magprotesta ang mga aktibista sa Maynila?kahit araw-araw rin silang binubuwag ng mga pulis. Maging ang Simbahang Katoliko ay kaisa na rin sa panawagang ito.

Bago pa man mabihag si de la Cruz, ang mga makabayan at tagapagtaguyod ng kapayapaan ay nanawagan na ng pagpapauwi sa mga sundalo natin sa Iraq. Naniniwala kasi silang ang patuloy na pananatili ng mga ito roon ay bahagi ng patuloy na suporta ng ating pamahalaan sa isang pananakop mali at imoral.

Sinalakay ng US ang Iraq gamit ang mga kasinungalingan ng pagkakaroon daw ng Iraq ng weapons of mass destruction at pakikipagkuntsaba sa mga terorista. Hanggang ngayo?y di pa napapatunayan ang mga bintang na iyan. Sa halip, ang nagiging malinaw ay ang interes ng US sa likas na yaman ng Iraq at ang kagustuhan nitong patuloy na mangibabaw sa daigdig.

Kung pauuwiin ng pamahalaan ng Pilipinas ang mga tropa nito sa Iraq, maililigtas ang buhay ni Angelo de la Cruz. Magiging hudyat din ito ng muling pagtatangka ng Pilipinas?gaya nang patalsikin nito ang US military bases?na tumayo sa sariling paa at talikuran ang pagiging sunud-sunuran nito sa Estados Unidos. Kung magkakaganoon, ang kaligtasan ni de la Cruz ay magiging muling pagyakap ng Pilipinas sa kasarinlan.

(Mababasa sa Filipino Youth for Peace ang mga balita at iba pang updates sa kaso ni Angelo de la Cruz.)

0 thoughts on “Si Angelo de la Cruz bilang simbolo ng kasarinlan

  1. Hello Ederic,

    Huwag lang sa isang tao tayo tumingin,bilang
    si Angelo,sabihin na lang natin na ang bawat
    Angelo o Angela na nagnanais na makaahon sa
    kahirapan ay napipilitan na lamang na mag-
    hanapbuhay sa abroad,pagkat no choice.

    For one,Corruptions and never ending corrup-
    tions na lang ang magiging marka ng Pinas
    kapag hindi na nabago ang imahin na ito
    sa ating bansa.

    Would you believe,that when i was in Germany
    Merong Monument si Dr. J.P. Rizal sa
    Heidelberg doon mismo sa University ng
    Mga doktor at hinahangaan ang kanyang galing
    bilang isang manggagamot sa Mata,kaya ako’y
    labis din na humanga sa legacy ni Rizal,
    at hanggang Germany narerespeto pa rin tayo.

    To all OFW’S Mabuhay kayong lahat!

  2. Buhay Sa Iraq
    Filed under: General — Admin at 9:01 am on Friday, December 15, 2006 Edit This
    Buhay sa Iraq
    posted by kurdaphio (May 27, 2006 @ 5:37AM) views: 100
    Marami ng mga pilipino ang nakipagsapalaran dito sa Iraq, isa ako ron! syempre sino bang hindi papayag na magwork dito. FREE! plane ticket to Dubai to Iraq, nice cabins, free meal, free toothbrush, bathsoap, towel, toothpaste.

    pero bakit nga ba… marami dito sa Iraq may mga asawa na, nagpapakahirap magtrabaho, nagbibilad sa init ng araw mabigyan lang ng magandang kinabukasan ang anak at mga mahal sa buhay.

    pero bakit meron pa rin mga kababayan nating ang nakakalimot na may asawa sila, mapababae o lalaki, siguro sa lalake natural ang medyo gumilid, pero mga babae, 50 years old na! nambabasted pa, kaya nyo un mga girls jan? hehehe, yana ng babae dito sa iraq kase wala naman choice ang mga lalake dito eh, sa dami ng mga babae dito wala
    kang mapipili kundi, matatanda… lola ika nga! pero ang hindi ko lubos maisip eh ung mga lalaking gumagastos ng malaki sa mga babae dito. tsk tsk tsk! halos wla ng maipon sa sarili kase pambili ng regalo, para maka-ahummmmm! ng ilang minuto. tsk tsk tsk, bakit ganon, ung ibang babae dito, parang ewan, kase patol ng patol, may nakilala nga ako, 5 BF nya, sabay sabay, ok lang daw kase ang habol lang naman daw ng mga BF nya eh SEX, tapos sya naman enjoy na may pera pa, sa halagang $10 – $50, asa heaven ka na ng panandalian.

    ganyan ang buhay dito sa iraq, gamitan… talo ka kapag nainlove ka… at mas lalo kang talo kung may asawa ka kung maiinlove ka… sorry sa mga ex-iraq na makakabasa nito. that’s was the true story here!

  3. PINOY SAAN KA PATUNGO
    Filed under: General — Admin at 10:51 am on Thursday, December 14, 2006 Edit This
    Pinoy saan ka patungo, saan ka pupunta para makahanap ka ng magandang trabaho upang masuportahan ang iyong pamilya. Sino ba ang may pagpapahalaga sa iyo sila ba na walang naitutulong sa iyo pero nag sasabi na kabutihan mo ang kanilang inisip. Nag hihirap ang iyong pamilya walang tumutulong sa iyo, paano ka na ! may magandang trabaho sa Iraq pero di ka maka alais dahil pinipigilan ka ng pamahalan sa iyong pag alis patungo sa Iraq. Sino ang magpapakain sa asawa at anak mo di ka na man nakakatangap ng tulong galing sa pamahalan at wala na man silang inisiisp kung ng ang politika. Lumalabas lang sila pag oras ng eleksyon at mag sasabing mga kababayan narito ako ang iyong KAIBIGAN na handang tumulong sa mga ngangailangan. Nasaan na sila? nag aaway sa kanilng puwesto sa Gobyerno, araw at gabi nag aaway para di sila maalis sa kapangyarihan at ngayon gustong nilang bagohin ang SALIGANG BATAS ng Pilipinas at ang kanilang hadhikain ay mapalawak ang kanilang termino at sa gayun ay marami pa silang makurakot sa kaban ng bayan at habang naghihirap ang mga Pilipino sila ay nagpapasarap sa buhay. Pinoy saan ka tutungo ?

  4. Mga kababayan mag tanong kayo sa mga taong nagtratrabaho sa Iraq lalu na sa Mosul kung saan nadakip si Angelo Dela Cruz. Maraming mga Filipino na bumalik na dito sa Pilipinas upang makita ang kanilang mga mahal sa buhay dahil ang mga ito ay nawala ng mahigit na dalawang taon upang mabayarang mga utang ng kanilang pamilya at ang iraq nga ang naging kasagutan sa kanilang suliranin, Nais nilang bumalik subalit pinipigilan sila ng gobyernoi na bumalik sa Iraq at pinahuhuli pa ito dahil sa nais na makatulong sa pamilaya na walang tumutulong na man niisang tao na galing sa gobyerno. Kung makakaalis lamang muli ang mga Filipino pabalik sa Iraq maraming aasensong mga maggagawang pinoy dahil siguradong malaking pera ang kanilang maibibigay sa kanilang pamilya 25T ang kita ng isang labourer sa Iraw dito aabot ng 5T di pa sigurado. Kung ito ay mabibigay ng gobyerno sa amin di na ako babalik ng Iraq subalit masakit tangapin na hindi nila kayang ibigay ang ganitong suweldo sa amin.

  5. Magandang araw po isa po akong ofw sa IRAQ.Matanong ko lang po kung bakit ganito ang TRADE MARK ng bansa natin sabi nga ng coalition forces walang BAYAG ang pamahalaan natin.TRADE MARK NG CURRUPTION, nag proprotesta,yong nag proprotesta sa ating bansa isa yan sa mga lider ng NPA.Bakit wala ng GLORIA ngayon,uu nga naman makapal na ang mukha at matigas pa.Siguro LAW ang course nyo noong nag aaral pa kayo kaya mga loko loko kayo.

    PINOY IRAQ

Leave a Reply

Your email address will not be published. Required fields are marked *