Napapansin ko lang na lagi akong nagba-blog tuwing kakapanalo lang ni Manny Pacquiao. At gaya nang dati, binabati ko ang sambayanang Pilipinong kinabahan para kay Pacquiao, para makita lamang si Joshua Clottey na ginawang punching bag ng ating Pambansang Kamao.
Congratulations, Team Pilipinas, Team Pacquiao, at siyempre, sa Team Jinkee. Ganundin kay Nanay Dionisia.
Share ko lang ang article ko tungkol sa love team na kinagigiliwan ng lahat, ang Melason. Minahal ng mga manonood sina Melisa Cantiveros at Jason Francisco sa loob ng Pinoy Big Brother house. Sa kanilang paglabas sa “Bahay ni Kuya,” sinalubong sila ng pagmamahal ng napakaraming fans. Bakit nga ba sila patok, at pati ako’y naadik sa panood?
Basahin ang “Melason” dito, at panoorin ang mensahe nila sa kanilang mga tagahanga.
Nag-birthday ako nitong nakalipas na linggo. Sa weekend bago ang kaarawan ko, umuwi kami kina M at naghanda roon ng kaunting spaghetti at manok. Nakapanood din kami ng “Miss You Like Crazy.” Nag-leave rin ako sa trabaho nang dalawang araw para makapagpahinga, at medyo binawasan ko rin ang pagpo-post sa social networks ko. Nung Biyernes, nagamit ko ang palm card ng Pizza Hut at nagsalu-salo kami ng mga katrabaho ko sa pizza at chicken wings.
Maaari bang umusug-usog nang konti? Mula sa pinakalikod na upuan ng bus, nakunan ko ang mga taong ayaw umusog sa loob.
Depende sa oras at suwerte, mga 15 hanggang 30 minuto ang pagitan ng mga biyahe. Kaya naman nang dumating at tumigil ang bus, pinakiusapan ng konduktor ang mga pumapasok na dumiretso lamang sa dulo para mas marami ang makasakay. But no, ang gusto talaga ng mga kababayan natin ay laging makababa agad. Nagkatrapik-trapik sa malapit sa pinto, pero anluwag-luwag sa dulo ng bus.
None
The Search: How Google and Its Rivals Rewrote the Rules of Business and Transformed Our Culture by John Battelle
