Ngayong anibersaryo ng EDSA…

Ngayong anibersaryo ng EDSA People Power I, dapat ay si dating Pangulong Corazon Aquino ang nasa limelight. Mahigit 21 taon na mula nang maglakas-loob siyang hamunin ang diktador, at sa tulong ng sambayanan ay mabawi ang ating kalayaan at maibalik ang demokrasya.

Siyempre, ibang usapan na kung ano ang nangyari pagkatapos ng EDSA, at kung paanong sa kabila ng isa pang pag-aalsa ay unti-unting nananamlay na naman ang ating demokrasya at nasasakal ang ating kalayaan.

Dahil ngayong linggo rin ang unang anibersaryo rin ng Proclamation 1017, dapat ay mas nagiging napapanahon ang pagtalakay sa mga usapin ng karapatang pantao–lalo na sa mga patuloy na pagpatay sa mga aktibista at sa sa wakas ay paglabas ng ulat ng Melo Commission.

Pero sa halip pero sa halip na ang mga ito ang nasa kamalayan ng bayan, ang naiisip natin ay si Big Bird o ang basketbolistang si James Yap, ang lumulunokna si Hope, na dati raw empleyado ng Belo Medical Group, at kahit paano, ang isang Aquino–si Kris–na isinugod sa ospital.

Sadyang ganyan ang kalakaran. Mas nakakatawag ng atensyon ang showbiz at eskandalo, kaysa sa mga usapin ng kalayaan at karapatang pantao. Kung hindi ganoon, wala ang blog entry na ito.

Maging ako, nang kuwentuhan ng pinsan ko tungkol sa style nina Big Bird at alias Hope, napasugod sa Philippine Entertainment Portal para makiusyuso.

0 thoughts on “Ngayong anibersaryo ng EDSA…”

  1. Ederic,

    Ganyan din ang nangyari sa proclamation rally ni Noynoy sa Club Filipino. Imbes na ang ‘news’ ay si Noynoy, naging balita ang pagtatakda ni Kris ng kapanganakan ng kanyang ikalawang anak.

    Magaling talaga si Kristeta.

    Village Tickler

  2. Village Tickler: Sabi ng isang kaibigan ko kagabi, patok si Kris Aquino sa mga tao dahil sa kabila ng pagiging ‘di pangkaraniwan ng kanyang mga magulang, ang mga bagay na pinagkakaabalahan ni Kris ay kagaya lamang ng mga concerns ng common tao.

    Shari: Sobrang magkakabit na nga ang pulitika at showbiz natin. :p

  3. sana bigyang pansin ang PEOPLE’S POWER anniversary coz lahat ng nasyon ay humanga sa event na yon. not sure kung dineklarang public holiday eto dahil exiled na ako dito sa ibang bansa..proud to be a part of PEOPLE’S POWER…
    ” lest we forget PEOPLE’S POWER ! “

Leave a Reply