Naka-leave

Naka-leave ako ngayon hanggang sa Biyernes. Patung-patong ang mga nakapila kong gawain.

Maya-maya, pupunta ako sa bangko. Balak ko ring dumaan sa UP para sa alumni card at dumaan sa library para sa isang article na tatlong buwan ko nang proyekto. At oo, pipilitin kong mahabol ang mga nakabinbing sulatin.

Maglilinis ako ng silid, na tila bodega na naman kahit kakalipat ko lang dito.

Mag-a-update ako ng blogs, gaya nitong ederic@cyberspace, na ilang linggo nang walang bago. (Ang Tinig.com nga lang halos ang gumagalaw dahil ito ang inaatupag ko pagkauwi sa bahay nitong mga nakalipas na araw. (Salamat sa mga datihan at bagong contributors na aktibong nagsusulat ngayon.)

Kailangan ko na talagang matutong magsulat nang mabilis: mag-type nang walang typo; mag-edit ng isinulat ko nang di napapariwara ang pagkakabuo ng mga pangungusap dahil sa nawala o di napalitang salita.

Samantala, sibat muna ako. Sisimulan ko na ang mga dapat kong gawin.

Ederic Eder

Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.

He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.

He was with Yahoo! Philippines for more than three years before returning to GMA Network, where he was also previously part of the News Research section.

Author posts

Buhay at Karanasan