Kinidnap sina Ces Drilon

Kinidnap ang nawawalang ABS-CBN newscaster na si Ces Drilon at ang kanyang mga kasama, ayon sa opisyal na pahayag ng network: “ABS-CBN News journalists Ces Drilon, Jimmy Encarnacion, and Angelo Valderama have been kidnapped for ransom.”

Ginagawa na raw ng ABS-CBN News ang lahat upang matulungan ang mga pamilya ng mga mamamahayag na nakidnap. Pero, susundin daw ng ABS-CBN News ang policy nito na hindi pagbabayad ng ransom upang di na lalong lumakas ang loob ng mga kidnapper na mangidnap ng iba pang mga mamamahayag.

Nakidnap din daw kasama rin daw nina Drilon ang university professor na si Octavio Dinampo.

Abu Sayyaf ang pinaghihinalaan ng pulisya na kumidnap kina Drilon. Ayon sa report ng GMANews.tv, hinarang at kinuha sina Drilon sa Barangay Kulasi, Maimbung, Sulu, noong Hunyo 8 habang papunta sa isang lihim na panayam kay Radulan Sahiron, isang lider ng Abu Sayyaf na nagbabalak na raw sumuko.

Noong Setyembre 28, 2002, nawala rin sa Sulu ang mga Kapusong sina Carlo Lorenzo at Gilbert Ordiales.

Ederic Eder

Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.

He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.

He was with Yahoo! Philippines for more than three years before returning to GMA Network, where he was also previously part of the News Research section.

Author posts

Balita at Usapin