Jacque Bermejo

Ilang araw ko nang gustong magsulat tungkol sa kuwento ni Jacqueline Bermejo, isang OFW sa Dubai na dahil sa hacked social network accounts ay kinasuklaman ng maraming kababayan sa Internet. Nang magkalinawan, inosente pala — at isa pa ngang biktima — si Jacque.

Isang araw matapos palubugin ni Ondoy sa baha ang ilang bahagi ng Kamaynilaan, kumalat sa mga social networks ang screenshot ng isang Facebook status update. Ganito ang sinabi raw ng isang Jacque Bermejo: “buti n lng am hir in dubai! maybe so many sinners back der! so yeah deserving what happened!”

Siyempre, nakakagalit yun, di ba? Pero naisip ko rin na dahil sa insentive na comment na yun, kawawa ‘tong taong ‘to dahil malamang, mas matindi pa sa sinapit ni Malu Fernandez ang aabutin niya. At nagkatotoo nga. Habang binabasa namin ni M nang gabing iyon ang Multiply site na nakapangalan kay Jacque, panay ang refresh ng browser. Halos iilang segundo lang ang pagitan ng pagkaka-post mga pagmumura, panlalait, at iba pang atake kay Jacque.

Ngunit napansin ko na may kakaiba sa kanyang Multiply site. Weird ang username: starfishbuang; at may nakalagay pang something like “Starfishes have no brain, that’s why I’m like this.” Yung photo album niya, may nakalagay na “My ugly officemates.” Naisip ko, sino namang matinong tao na concerned sa kanyang reputasyon ang maglalagay ng ganyan sa blog niya? Madali tuloy akong nakumbinsi ng mga nagsabi sa Twitter na hacked account ang pinanggalingan ng insensitive pero wrong grammar na Facebook status update na yun.

Pagkalipas ng ilang araw, sa wakas ay lumabas din ang totoo. Hindi pala si Jacque ang nag-post ng masamang comments na iyon. Biktima siya ng identity theft. Tingnan ang Facebook group na makakatulong na linawin ang isyung ito. Mayroon doong video ng interview niya sa TV, news article tungkol sa kanya, statement ng kanyang mga kaibigan, at pati advisory ng isang Philippine consulate sa US.

Ang aral sa insidenteng ito: bago mag-forward o mag-repost, tingnan muna kung mapagkakatiwalaan ng source ng ipapasang impormasyon. At ganoon din, mahalagang alagaan ang ating online identity. Pag-usapan natin yan sa susunod.

2 thoughts on “Jacque Bermejo”

  1. wag tayo paloko sa babaing un.Natakot na lang sya kasi marami na syang threats at tawag na natunton mismo kung sang lupalop sya nag wowork,natakot sya kasi na realize nya na ang pagiging taklesa nya ay nagpagalit sa mga filipinos na pede syang ingudngod anytime anywhere.Sumabad pa kapatid nya na nagyabang pa na galing sila sa political family imbes na maging humble ano nanakot pa at nagyabang,it clearly showed na ganun ang bloodline nila,at sabi daw na hack ang account?kung totoo ang sinasabi ng brother nya na walang time sa internet ang ate nya why on earth ma hahack ang accounts nya?ibig sabihin they lied ,she had all the time in this world to even create her facebook and multiply and who knows who accounts on the internet.walang kapatawaran ang ginawa nyang panlalait sa mga filipino na sinalanta ng bagyo kaya ganun na lang ang galit ng mga kababayan natin buong angkan nila ang nakasalalay kaya ayun kuntodo sa pagdedeny ang bruhilda.Come on we filipinos are not that easy to decieve.

Leave a Reply