It's more fun in the Philippines

It's more fun in the Philippines

Pansamantalang nawala ang atensyon ng mga Pilipinong netizen kina Gloria Arroyo, Renato Corona, at Jovito Palparan kahapon matapos ilunsad ng Kagawaran ng Turismo ang bago nating tourism slogan: “It’s more fun in the Philippines.”

Sa unang dinig, di ito kasing simple at catchy ng “WOW Philippines.” Pero kung pakaiisipin, swak na swak ang slogang ito. Di nga ba’t kilala tayo sa pagiging masayahing mga tao? Kahit na nasa gitna ng rebolusyon o trahedya, nagagawa pa rin nating magpatawa at bumungisngis. Sa kabila ng ilang hindi kaaya-ayang bagay sa ating bansa, dahil sa magagandang tanawin at mainit na pagtanggap nating mga Pilipino, nag-i-enjoy ang mga turista sa Pilipinas. At bukod sa 7,107 pulo sa ating bansa, napakarami pang mga dahilang maaari nating ibigay kung bakit “it’s more fun in the Philippines.”

Pero ilang oras pa lamang ang nakalilipas, lumabas ang larawang ayon sa iba ay nagpapakitang nanggaya na naman ng logo at slogan ang DOT. Kumalat sa Internet ang scan ng “It’s more fun in Switzerland,” isang pahinang palatastas ng National Tourist Office ng Switzerland na lumabas noong — por dyos por santo — 1951!

May ilan ding sadyang pasaway at negatrons. Nag-tweet sila nang nag-tweet gamit ang official Twitter hashtag na #itsmorefuninthephilippines at inisa-isa ang lahat ng masasamang bagay sa ating bansa. At dahil naging number one worldwide trending topic ang hashtag, salamat sa kanila, nabasa rin ng buong sangka-Twitteran ang mga bagay na maaaring magtaboy sa mga turistang nais nating bumisita at makatulong na magbigay ng dagdag na trabaho rito.

Hindi masamang magtanong o sumalungat, lalo na’t pera ng bayan ang ginagastos ng DOT. Pero sa usaping ito, di kaya mas kailangan ng ahensya ang ating pakikiisa at suporta?

3 thoughts on “It's more fun in the Philippines

  1. May mga ganyan talagang tao. Pero ngayon ko lang nalaman na mayroon na palang bagong slogan ng turismo ang ating bansa.

    Hindi rin masama, mas ayos ito kumpara doon sa nauna.

  2. THE BOTTOMLINE IS…KUNG ANG LAHAT NG NATIONAL PARK AY MALINIS AT TALAGANG NAKAPANGHIHIKAYAT NG MGA TURISTA..THEY SHOULD REALLY FOCUS ON IF THE ROADS GOING TO A CERTAIN PLACE IS OKAY OR NOT….THE GOVERNMENT SHOULD IMPLEMENT TOOTHED LAWS COMPRISING THE PEACE, ORDER, AND CLEANLINESS OF THE COUNTRY…THESE ARE SOME THE THE FACTORS…THAT TOURIST CHEKED…KAHIT ANONG SLOGAN BASTA..TALAGANG EPEKTIBO……THE WORD IS NOT MONOTONOUS
    ..

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>