Isang Dekada ng E-Mail

Maliban sa kaarawan ng mga kapamilya’t kaibigan at sa Buwan ng Wika, ipinagdiriwang ko rin ngayong Agosto ang isang dekada ng pag-i-email. Agosto 6, 1997 nang una akong magkaroon ng e-mail address mula sa Mailcity, na ngayon ay bahagi na ng Lycos Network.

Nasa post na Cybersenti ang buong kuwento tungkol sa unang e-mail address ko.

Sa loob ng sampung taon, marami pa akong naging e-mail addresses mula sa iba’t ibang libreng provider gaya ng AMAnet, usa.net, Pinoymail, Hotmail, Edsamail, Crosswinds, Mail.com, HotPop, Surfshop at siyempre, Yahoo.

Ngunit nag-iba ang lahat nang dumating ang GMail, na siya kong pangunahing email account ngayon, dahil sa mga bago at kakaibang features nito.

May ginagamit din akong address mula sa Tinig.com, TXTPower, at UPAlumni.net–lahat ng mga iyan, gaya ng Surfshop e-mail ko, Gmail-powered na rin. Ngayon, nababasa ko na rin ang mga e-mail maging sa aking smart phone.

Sa loob ng sampung taon, di mabilang na mga alaala, emosyon, trabaho, kwento, spam at kung anu-ano pa ang tinanggap at ipinadala ng mga e-mail accounts na iyan. Sa susunod na dekada, sana’y marami pang mga sorpresa at tuwa ang matanggap at maipadala ko sa pamamagitan ng e-mail.

2 thoughts on “Isang Dekada ng E-Mail

  1. ah….. pwede po ba ako mka hinge ng bagong copy ng talumpati khit cnong author lng po……kc kailangan nmin this coming buwan ng wika……pwede po ba?hihintayin ko po ang inyong ksagutan….salamat po ng marami…..

Post a reply