No, I am not turning this blog into a Pinoy Big Brother blog. Ipinauubaya ko na lang ito sa ibang bloggers. Trip ko lang isulat ang naiisip ko sa mga napapanood ko.

Yung una, mabuti’t nakaligtas si Keanna sa nomination kagabi. Mas may pagkakataon siyang makalapit sa malaking premyo at magamit ito sa lalong pag-aayos sa kanyang buhay at pagtataguyod sa kanyang mga anak.

Ikalawa, sa tingin ko, parang foul yata yung ginagawa ni Zanjoe Marudo–yung lantaran niyang pagdiskarte kay Bianca Gonzalez. Oo’t may karapatan tayong ipahayag ang ating nararamdaman, naniniwala akong bilang tanda ng pagrespeto, hindi dapat pakialaman ang isang babaeng “in a relationship,” kumbaga sa Friendster. Kung ako siguro yung nasa kalagayan ng special someone ni Bianca na nasa labas ng bahay ni BB, (kahit paborito ko ang Bench na iminomodel ni Zanjoe) ay bumubula na ang bibig ko sa selos. Bagay pa namang loveteam sina Zanjoe at Bianca–parehong asteeg at tipong puwedeng ilaban nang sabayan kina Judy Ann Santos at Piolo Pascual. Hehehe.

Siya nga pala, sina Gretchen, Rico, John at Zanjoe ang nominado. Sana lang, pauwiin na ang makulit na walang sawang kumukulit sa iyakin.

Masyadong showbiz na ‘to. Pero eto pa:

Final judgment night na sa StarStruck. Ang bet ko dati, sina Vivo–pa’no, papet ako?–at Iwa Moto–kaanu-ano kaya siya ni Smokey Manaloto? Kaya lang, natanggal yung isa at may problema raw yata sa attitude nung isa. Habang isinusulat ito, wala pang resulta kung sino ang nanalo. Abangan ninyo na lang sa Kapuso Network bukas.

Update: Matapos mapiling male ultimate survivor, si Marky Cielo ang nanalong sole ultimate survivor, at si Jackie Rice ang naging ultimate female survivor.

Basta ang balita ko, may bagong show sina Rainier Castillo at Ethel Booba, at madalas nang lumabas sa TV ang kamag-anak kong si Andrew Wolff.


Ederic Eder

Ederic is a Filipino communications worker in the telecom, media, and technology industry. He writes about K-dramas and Korean celebrities for Hallyudorama.

He used to be a social media manager for news at GMA Network, where he also headed YouScoop, GMA News and Public Affairs’ citizen journalism arm.

He was with Yahoo! Philippines for more than three years before returning to GMA Network, where he was also previously part of the News Research section.

Author posts
Related Posts