Isa pang PBB post, StarStruck, etc.

No, I am not turning this blog into a Pinoy Big Brother blog. Ipinauubaya ko na lang ito sa ibang bloggers. Trip ko lang isulat ang naiisip ko sa mga napapanood ko.

Yung una, mabuti’t nakaligtas si Keanna sa nomination kagabi. Mas may pagkakataon siyang makalapit sa malaking premyo at magamit ito sa lalong pag-aayos sa kanyang buhay at pagtataguyod sa kanyang mga anak.

Ikalawa, sa tingin ko, parang foul yata yung ginagawa ni Zanjoe Marudo–yung lantaran niyang pagdiskarte kay Bianca Gonzalez. Oo’t may karapatan tayong ipahayag ang ating nararamdaman, naniniwala akong bilang tanda ng pagrespeto, hindi dapat pakialaman ang isang babaeng “in a relationship,” kumbaga sa Friendster. Kung ako siguro yung nasa kalagayan ng special someone ni Bianca na nasa labas ng bahay ni BB, (kahit paborito ko ang Bench na iminomodel ni Zanjoe) ay bumubula na ang bibig ko sa selos. Bagay pa namang loveteam sina Zanjoe at Bianca–parehong asteeg at tipong puwedeng ilaban nang sabayan kina Judy Ann Santos at Piolo Pascual. Hehehe.

Siya nga pala, sina Gretchen, Rico, John at Zanjoe ang nominado. Sana lang, pauwiin na ang makulit na walang sawang kumukulit sa iyakin.

Masyadong showbiz na ‘to. Pero eto pa:

Final judgment night na sa StarStruck. Ang bet ko dati, sina Vivo–pa’no, papet ako?–at Iwa Moto–kaanu-ano kaya siya ni Smokey Manaloto? Kaya lang, natanggal yung isa at may problema raw yata sa attitude nung isa. Habang isinusulat ito, wala pang resulta kung sino ang nanalo. Abangan ninyo na lang sa Kapuso Network bukas.

Update: Matapos mapiling male ultimate survivor, si Marky Cielo ang nanalong sole ultimate survivor, at si Jackie Rice ang naging ultimate female survivor.

Basta ang balita ko, may bagong show sina Rainier Castillo at Ethel Booba, at madalas nang lumabas sa TV ang kamag-anak kong si Andrew Wolff.

0 Replies to “Isa pang PBB post, StarStruck, etc.”

  1. haii… actually excited na ako sa teen edition. parang mas maraming mangyayaring mas controversial…

    ano ka naman, e di hamak namang mas matino yung masthead mo kesa sa akin! 😀

Leave a Reply