Halina, Ka Kiko

Hindi pa lumilipas ang isang buwan mula nang pumanaw si Frankie “Ka Kiko” Evangelista, beteranong brodcast journalist, sa edad na 69. Bagamat hindi agarang naitala sa mga pahinang ito ang kanyang paglisan, totoong nagdulot ito ng kalungkutan at panghihinayang.

Kamakalawang umaga, binulaga naman ang Pilipinas ng pagkasawi ni Halina Perez, 22, isang artistang gumanap sa mga sexy movies. Nabangga ang kotseng kanyang sinasakayan at nalaglag sa bangin.

Si Ka Kiko, matagumpay nang lumisan. Si Halina, nagsisimula pa lang. Pero parehong nakapanghihinayang.

Ngunit ang kaso ni Halina, mas nakapagpapabagabag.

Sabi sa akin kahapong madaling araw ni Bee, naapektuhan siya sa pagkamatay ni Halina. Ang nangyari, sabi niya, ay parang nagsasabing “At 22, maaari na rin akong mamatay.”

Para bang pupuwede nga palang kunin tayo anumang oras.

0 thoughts on “Halina, Ka Kiko

  1. Minsan talaga sa sobrang dami ng iniisip natin sa pangaraw-araw… trabaho, mga pamilya, mga deadline, mga bills na babayaran, mga schedule na gimik, mga pangarap, mga plano… puwede nating isipin na untouchable tayo, that we’re invincible. Puwedeng mangyari sa iba pero saten hindi. The bad news is, yes… we are all mortals at any given stage in our lives, always have been, always will be.

    Hindi ko kilala si Halina Perez pero nalulungkot ako sa pagkamatay ni Frankie Evangelista. Kasama sa pagtanda ko ang pagkapamilyar ng pangalan niya. Dito ko lang nalaman na wala na pala siya.

  2. a few weeks bago kinuha sa amin ang mommy ko, sabi niya sa akin, “alam mo, mahilig ding magbiro ang Diyos. minsan pa nga, nakapipikon. pero ang dapat mong gawin, wag kang magreklamo. wag kang magtanong. may mas magandang nakalaan para sa ating lahat.” eksaktong tatlong linggo pagkasabi niya nito, tuluyan na siyang namaalam. ito kaya yung sinasabi niyang biro ng Diyos sa buhay natin? masakit na biro nga. pero doon naman tayo talaga tutungo. kaya lang, minsan, nakaka-puzzle din ng isip. nakakukurta ng utak.

  3. y do u have to fear death? If u have established a close relationship with The Lord u have nothing to worry. U suddenly feel secure and confident that you’ll enter the kingdom. Ive tried to hve a relationship with the CReator and then blessings started pouring in! Pray… TrusT God and ull never fear death! 🙂

Leave a Reply

Your email address will not be published. Required fields are marked *