Goodah!!!

Nostalgia Manila mode muna ako.

Noong Biyernes na gabi, pagkagaling sa opisina ay naglakad lang ako pauwi. Hindi kasi ako agad makaisip ng lugar na makakainan. Lumampas na ako sa tapat ng tirahan ko, kaya’t kako’y sa isang manukan malapit na lang sa amin ako kakain. Nang patawid na ako, saka ko naalala na may Goodah!!! malapit sa doon. Nilakad ko ang direksyon papuntang Goodah!!! Kamuning.

Noong mid-90s at nasa kolehiyo pa ako, kumakain kami paminsan-minsan ng isang kabarkada ko sa Goodah!!! sa Katipunan. Kung hindi ako nagkakamali ng pagkaalala, naisama pa namin minsan ang isang magandang kaklase namin sa Social Work (na nabanggit ko sa post na ito) na noo’y problemado sa puso, at inaliw namin siya sa Goodah!!! O baka naman nag-iimbento na lang ang alaala ko. Kalaunan ay nagsara ang branch na ‘yun.

Anyway, doon ako kumain ng late na hapunan. Kako’y pagkalipas ng maraming taon, makakatikim na ako ulit ng lutong Goodah!!! Kaso lang, wala ang specialty nilang tapa. Adobo rice na lang ang nilantakan ko. Busog akong umuwi.

Konti lang ang kumakain sa Goodah!!! Kamuning. Sayang, sa pagkakaalala ko’y okay pa naman ang tapa nila. At isa ito sa maraming mga ugnay natin sa 1990s.

7 thoughts on “Goodah!!!

  1. Hindi pa yata ako nakakakain sa Goodah sa buong buhay ko. Mukhang masarap sa pagkaka-describe mo pero nung tiningnan ko yung picture, para yatang ang liit ng serving. Hindi yata pwede sa aking malakas kumain, hehe.

  2. pao & aajao: Mukhang kokonti lang tayong nakakaalala sa Goodah!!! Di na kilala ng mga bata sa opisina, eh. Hehe.

    Raspberry: Konti lang order ko. Tipid tips kasi naghihirap. Libre mo kami nina aajao at Kuya Cesar pag-uwi mo rito. :p

    bikoy: Hindi mo na siguro naabutan yung nasa Katips. Batang-bata ka pa noon. Pag nadaan ka rito sa Kamuning, subukan natin. :p

  3. napadaan rin ako sa GOODAH KAMUNING kagabi, na order ko yung classic tapa sa wakas meron na at malaki ang serving…SULIT after gimik!!!

Leave a Reply

Your email address will not be published. Required fields are marked *