Go, Azkals, Go!

PNoy at Azkals
Si Pangulong Aquino at ang mga Azkals na dumalaw sa Malakanyang matapos makapasok sa semifinals ng Suzuki Cup. (Alfredo Francisco/ PCOO-NIB Photo)
Tinalo ng Philippine Azkals — unofficial name ng ating pambansang koponan ng futbol — ang Sri Lanka Brave Reds kahapon sa kanilang ikalawang laban para sa unang round ng 2014 World Cup Asia playoffs. Tinambakan nila ang katunggali sa score na 4-0. Dahil sa unang laban na ginanap sa Sri Lanka ay 1-1 draw ang score, panalo ang Azkals sa aggregate score na 5-1. Sa unang pagkakataon, susulong ang Pilipinas sa Round 2 ng World Cup qualifiers.

Ang paborito kong si Chieffy Caligdong ang unang naka-goal. Naka-score din ang Fil-Spanish player na si Angel Guirado at nakadalawa naman ang Fil-British heartthrob na si Phil Younghusband, na ayon sa mga balita ay kasintahan na ni Angel Locsin.

Pati si Pangulong Noynoy Aquino, bumati rin sa Azkals. Para sa iba pang detalye, basahin ang report ni Sid Ventura sa Yahoo! Philippines.

Samantala, narinig ko ang kantang “Go Azkals Go” kahapon habang pinapanood namin ni Myla ang laban. Na-LSS ako nang konti kaya hinanap ko sa YouTube, at nakita kong may dalawang version ito.

Ito ang unang version:

Eto naman ang ikalawa:

Congrats ulit sa Azkals, sa kanilang cheering squad — ang Kaholeros — at sa sambayanang Pilipinas. Sana mas makasulong pa tayo patungo sa ating World Cup Dream. We believe!

Leave a Reply