Dan Campilan, 25

Dan Campilan sa Newsroom | Photo courtesy of Ahd MarcoDan Campilan, 25, Kapuso, passed away last Saturday, October 7, 2006 after his car collided with a passenger bus in Quezon City. His brief but meaningful life will always serve as an inspiration.

Si Danifel M. Campilan, katrabaho, Kapuso, kasama.

Kahit di kami laging nagkakausap sa opisina, dati’y kinukulit-kulit ko si Dan–pati ang iba pang mga reporter–na magpasa na ng kanyang profile para sa website ng aming kumpanya. Hinikayat ko rin siyang sumagot sa mga mensahe ng kanyang mga tagahanga sa Kapuso forums, na masigla naman niyang ginawa.

Isang linggo pa lamang ang nakalilipas ay kausap ko siya at ang isa pa naming katrabaho. Iyon ang mga oras na relaxed na ang karamihan sa amin matapos ang isang araw ng pangangalap at paghahatid ng balita–yung panahong patapos na ang aming evening newscast. Ang paksa ng maikling umpukan namin ni Dan: ang katigasan ng ulo ng aming mga buhok na mahirap mapasunod. “Mas malala” raw ‘yung sa akin, ‘ika niya.

Sinong mag-aakalang ilang araw matapos ang usapang iyong tungkol sa munting kababawan ng buhay ay biglang mamamaalam si Dan, na isang mapagkalingang anak at kapatid at masayang kaibigan para sa kanyang mga mahal sa buhay?

Minsang pinag-uusapan namin ni Mhay ang mga kasamahan naming reporter, sabi ko’y isa si Dan sa mga gugustuhin kong makitang magtagumpay. Tulad ko, laking bukid din si Dan. Lagi kong sinasabi na kung di ako nakapasa sa entrance exam sa Unibersidad, siguro’y naggagamas ako ng damo o kaya’y nagpapakain ng kalabaw sa maliit na lupa ng lolo at lola ko. Samantala, ang sagot ni Dan sa tanong na kung wala sa media, ano kaya ang magiging career niya:

“Siguro nasa field ako ng information technology kasi yun ang kurso ko. Siguro din magsasaka ako kasi yun ang pangarap ko noon para tulungan ang aking mga lolo’t lola sa pagtatanim ng mais sa probinsya. hahaha. Ang babaw lang ng mga pangarap ko. Kahit ngayon I still want to become a farmer pero siguro pag nag-retire na kasi kailangan ko kumita. hehehe,” ang isinulat ni Dan.

Si Dan ang sumusuporta sa kanyang mga magulang at nagpapaaral sa kanyang limang mga kapatid. Nakapagpundar na nga siya ng isang munting tindahan para sa kanyang nanay at tatay. Tungkol sa pagiging breadwinner niya, sabi ni Dan: “Masaya naman at isang fulfillment sa buhay kasi nakikita mo mga kapatid mo na nakapagtapos sa pag-aaral.”

Kinailangan nga ni Dan na kumita para sa kanyang pamilya. Ngunit batid nating lahat na sa kabila ng kadalasa’y glamorosong estadong ikinakabit sa pagiging mamamahayag, hindi ito ang pinakamabisang paraan para kumita nang malaki, lalo na sa para sa mga bata at nagsisimula pa lamang na tulad ni Dan.

Naniniwala akong hindi binitiwan ni Dan ang simulaing makapaglingkod na nasimulan niya bilang aktibista at mamamahayag pangkampus sa Cebu Institute of Technology, kung saan siya naging DOST scholar. Sa kanyang mga ulat, binigyang-tinig ni Dan ang mga pangkaraniwang tao gaya ni Juliet Chavez. Wika nga ng isang kasapi ng Kapuso Forum sa kanyang mensahe kay Dan, ” Thank you for the sacrifices that you made just to tell the rest of the Filipino people what is actually happening around us and putting your life on the line to do public service. I believe that you wouldn’t be a reporter if you didn’t have love to our country and its people.”

“We will surely miss Dan Campilan. His untimely death is a great loss for the broadcast industry as well as the people’s movement he belonged to and covered with great interest,” wika naman ng Bagong Alyansang Makabayan.

Sang-ayon ako sa sinabi ni Ma’am Jessica Soho: sa kanyang paglisan, isang mabuting halimbawa ang iniwan ni Dan: pagsisikap sa kabila ng kahirapan, pagtataguyod sa pamilya, at paglilingkod sa bayan.

=====

Reporter with a heart (and the discoverer of an unlikely teargas antidote) by Howie Severino


Para kay Danifel
by Myla Torres

Tribute to Dan Campilan, Journalist and Activist by Renato Reyes, Bayan

Youth, students express deepest grief on death of GMA reporter Dan Campilan

0 thoughts on “Dan Campilan, 25”

  1. ederic,

    nakakalungkot naman re: dan. he was my student in comm 2 sa UP. he was actually a student of u.p. open university 6 or 7 years ago but he dropped out because of his tight schedule as a reporter (then with rpn 9). later, marami pala kaming common friends sa media. so we used to have coffee with other kapuso and kapamilya media friends along morato. he called me up here in australia several times para lang mangamusta. i’m worried about his family kasi siya lang ang breadwinner nila. ingat dyan. ill be back in diliman by june 2007. patapos na ako sa studies ko dito.

    p.s. btw, lower batch sa akin sa college sina cesar apolinario and sandra aguinaldo. school mate ko sa elem and hs si grace de la pena. student ko dati si mich cruz. barkada naman ng mga students ko before si mariz umali. ikamusta mo ako sa kanila.

  2. Na-shock ako sa news ngayon! Bigla ko ngang tinanong sa anak ko kung ka-friendster nya si Dan Campilan and she said yes. Andon pa rin ang profile nya. Nakakalungkot naman. I tried to open GMA website pero hindi ko ma-open. May thread pa sya doon. Oh my God, nakakalungkot talaga.

  3. Friend ko si Dan sa friendster account ko. Nakakapanghinayang nga lang kasi maaga na siya binawian ng buhay, bata pa, breadwinner ng pamilya at malaking kawalan sa industriya ng pamamahayag… Paalam DAN. MAY GOLD HOLD YOU IN THE PALM IN HIS HAND.

  4. My wife and I were shocked learning the bad news. nakakahinayang talaga si Dan, very young and very promising reporter.
    Dan was our neighbor for a couple of years when we were still renting an apt in Kapitolyo Pasig. He was living with other GMA reporter Mark Salazar and others.
    Naalala ko laging kumakanta yan si Dan ng favorite song nya yung kay Ariel. Dinig yun sa apt ko hahaha. mahilig kumanta yun barkada nila ng karaoke. Memorable din yun may simple xmas party na naprepare ng landlady namin na si Tita Fe. Nag exchange gifts nga kami lahat ng neighbors, nakakatuwa.
    Naalala ko lagi nga si Dan umuuwi na ng gabi or umaga galing work. At guapong guapo yan pag papunta na sa work.
    Sayang talaga, nakakahinayang si Dan… To Dan, we salute you for your contributions to the media.

  5. Abraham Lincoln once said:

    “And in the end, it’s not the years in your life that count, it’s the life in your years…”

  6. Sunday night, at around 9pm, bumaba ako ng ofice para bumili ng pagkain sa ministop. habang iniintay ko ung food ko, pumunta muna ako sa newspaper stand. sa frontpage ng dyaryo, nakita ko ung picture ng isang kotse na wasak. I decided to check ung story nung car at nagulat ako na ang lulan ng kotse ay si Dan Campilan daw. Sabi ko baka kapangalan lang katulad ko.. kapagalan ko si Mark Salazar, Report ng GMA. The next day, pagbukas ko ng TV, ang balita sa GMA ay totoong si Dan Campilan nga. 🙁 Nkakahinayang… isa sya sa magaling na reporter ng GMA na kung hindi maagang kinuha ay magiging isang Mike Enriquez or Noli De Castro… baka nga sya pa ang susunod sanang Presidente ng Pilipinas…Alam mo nang matalino sya dahil sa mga salita nya at galing sa pagbabalita…Saludo ako sau Dan Campilan! Isa kang Ulirang Anak at Kapatid…

  7. dimaaninag ang sikat ng arw
    kabataan ay siyang susi at ilaw ng ating bayan
    sakit ng bayan ang lumalala na
    at parang mistulang talong n may oud,
    asan na ang pag-asa?magkapit bisig ay kayaya
    kong magkakaisa, pangarap ay makukuha
    palaya-in ang sarili hanapin ang ang landas
    kabataang iabat ibang at magpakitang gilas

  8. nearly 4 years had passed since dan campilan shocked the whole nation because of his untimely passing. from time to time i still find time to view his friendster account and could’t just help but to feel the same sadness for a man who has full of dreams and aspirations…

    i will always remember his sweet smile and how he touched the lives of the people that surrounds him. in that way he will always remain alive in my mind forever. to dan, may you find peace and happiness wherever you are..

Leave a Reply