Siyempre, ang maraming oras ng bawat weekdays ko ay ginugol sa trabaho. Ganado at masaya pa rin ako sa Yahoo! sa kabila ng maraming pagbabago gaya ng pagkakaroon namin ng bagong CEO at pag-alis ng aming co-founder na si Jerry Yang.

Ang oras na natitira mula sa pagtatrabaho ay ginugol namin ni Myla sa pagkukuwentuhan, pagbibiyahe, pagbabasa, at pagkain. May ilang biyahe kaming binabalak ngayong taon. Kung may panahon nga lang, puwede na kaming makagawa ng travel and food blog. Pareho rin kaming nangongolekta ng digital copies ng mga gusto naming magazines.

Ngayong buwang ito, mas madalas ko na ring kausap sa Yahoo! Messenger sina Tita Mila at Tita Ester, at sa telepono si Tita Nida. Balak ko ring makauwi nang mas madalas kay Nanay sa Marinduque. Napakabilis lang pala ng biyahe pauwi sa amin kapag sa ZestAir ako sasakay.

Nakikipag-reconnect din ako sa mga kaibigan ko. Nitong mga nakalipas na buwan ay dito sa apartment ko pansamantalang nag-stay ang high school bestfriend ko dahil may bago siyang trabaho sa Maynila. Nitong Enero ay pumanaw ang nanay ng isang malapit kong kaibigan, kaya dinalaw namin siya sa Pangasinan. Kasama pa namin ang buong pamilya ni Myla, at tumuloy na rin kami sa shrine ng Our Lady of Manaoag. Kagabi lamang, kasama ko naman ang isa pang malapit na kaibigan sa kolehiyo at ang kanyang sampung taong gulang na anak.

Adik din ako sa aking bago at medyo bagong gadgets: ang teleponong Palm Pre 2 at ang HP TouchPad. Lagi ko ring sinusubaybayan ang kapanapanabik na mga kabanata sa kasaysayan ng webOS, ang mobile operating system na nagpapatakbo sa mga gadgets kong ito. (Ikukuwento ko ang lahat ng tungkol sa mga ito sa isa ko pang blog — ang MakaPalm — na malapit ko nang i-reactivate.) Kahapon, nakatanggap din ako ng Sony MP3 player mula sa isang kaibigan sa US.

Speaking of blog at websites, malapit na ring muling magbalik ang Bloggers Kapihan. Buhay na ulit ang website sa bk.tinig.com, at ngayong taon ay magkakaroon kami ng mga gawain. Ibabalik din namin ni Aris ang Tinig.com, at may isa pa akong Web project na sisimulan. (Sana lang kasya ang mga gabi at weekends ko sa lahat ng ito.)

Sa kabuuan, masaya at pinagpala ang aking unang buwan ng taon. Sana ay ganoon din ang sa inyo.

Likha ni Andreas Vicklund ang theme at binago ko lang nang konti. Ayos ba?

Kiefer Ravena of Ateneo Blue Eagles (Marlo Cueto/NPPA Images)

Ateneo Blue Eagles rookie Kiefer Ravena topped last week’s trending searches on Yahoo! Philippines. Also on the list is NBA superstar Kobe Bryant, who visited the country twice this month.

Read more on Yahoo! Philippines.

Neil Etheridge of the Philippine Azkals (NPPA Photos)

Neil Etheridge and Phil Younghusband of the Philippine Azkals and the national rugby team Philippine Volcanoes and their controversial Bench billboards are among this week’s trending topics on Yahoo! Philippines Search.

Read my article on Yahoo! Philippines’ Fit to Post Blog.

Kuha yan gamit ang isang iMac sa iStudio sa Bonifacio High Street.

Eto pa:

Peps, Myla and Ederic at iStudio - Bonifacio High Street

Dumayo pa roon para mag-blog, eh no. Balak kong bumili ng Wrapsol doon para sa iPhone ko.

Dapat kasi manonood kami ng Transformers pagkatapos kumain sa Mercato Centrale, kaso ang haba ng pila, kaya naglakad-lakad na lang kami. Eto’ng pic nila sa Mercato:

Karl, Gian, Jo, Peps, and Myla at Mercato Centrale in Bonifacio Global City

Nitong mga nakalipas na araw ay unti-unti kong ini-upload sa Titik ni Ederic ang mga artikulo ko noong isang taon. Mula sa iPhone hanggang kay Bagyong Juan, ibinahagi ko sa mga bisita ng aking sinupan ang mga opinyon kong unang nalaman ng mga mambabasa ng Pinoy Gazette sa Japan.

Sa mga susunod na linggo, pipilitin kong regular na ma-update itong ederic@cyberspace. Sana’y makapag-imbita rin ako ng mga bagong contributor sa Tinig.com. Balak ko ring makapag-post lagi sa MakaPalm, Marinduqueño, at Our Daily Txt. Matuloy na rin sana ang balak kong makapag-guest blog sa Hallyudorama at makapag-blog din sa isang malaking Internet portal.

Alam kong dahil sa trabaho, personal na buhay, at idagdag pa ang pagiging aktibo ko sa Koprol at Twitter, medyo mahirap ang balik-blog at pagsusulat na pinapangarap ko. Pero sana, matutunan ko ang tamang disiplinang kailangan ng bawat manunulat.

Ngayong 2011, ituloy natin ang kuwentuhan!

Dalawang oras na ang nakalilipas mula nang i-post ko iyan sa social network sites ko, pero di pa rin ako nakakapagsimula. Gusto ko kasing magbasa muna bago magsulat. Kaya’t binasa (o in-scan) ko ang diyaryong binili ko kanina, binalikan ang mga nakabinbing email, at nagbasa ng blog ng isang kaibigan.

Kailangan nang magsimula. Nakapila ang mga lathalain, kolum, at blog na dapat tapusin. Kaso, medyo nagugutom na yata ako.

Isa na naman bang excuse para di harapin ang kailangang gawin sa takot na mapatunayang sa paghahabi ng mga salita, hanggang 140 characters na lang ang aking makakayanan?

Magandang sumali sa gawaing ito upang makatulong tayo sa pagbubuo ng kolektibong kasaysayan ng EDSA 1 mula sa pananaw ng mga di-sikat na taong sumama sa pagbawi ng ating kalayaan mula sa diktaturyang Marcos.

Ang lagi kasi nating nababasang mga tala ng EDSA 1 ay galing sa mga kilalang historyador, pulitiko, peryodista, at iba pang mga personalidad. Ngayon — salamat sa Internet at blogging — maaari na nating isalaysay ang mga pangyayari noon mula sa alaala at perspektiba ng mga taong malalapit sa atin.

Kaya lapitan at kapanayamin na sina Nanay at Tatay, Lolo at Lola, Ate at Kuya, o iba pang kapamilya at nakatatandang kaibigan, at i-blog (pwede ring i-vlog) ang kanilang mga kuwentong People Power 1! Isama na rin kung may mga litrato at memorabilia ng unang EDSA.

Narito ang buong teksto ng Blog Action Day invitation mula sa Kabataan Partylist:

Twenty four years ago, our people toppled a tyrant. On February 25, 2010 let us re-tell their stories.

On Thursday, we are enjoining all young Filipinos to blog about the stories of the real heroes of EDSA: our parents, grandparents, ates and kuyas, titos and titas, ninong and ninangs.

We may have been too young then or were not even born yet, but we can ask them to recount their tales of real-life heroism to us. What prompted them to join the uprising? What were their thoughts and feelings? What did they wear, eat, chant? How did it feel to be able to be surrounded by overwhelming unity and patriotism among millions of other heroes marching in the streets on those three historic days.

Since EDSA was mainly about the people’s resistance to martial law, you can ask them their experience during the martial law era, how they fought, even before the culmination of the people’s mass movement that was the EDSA People Power Uprising. You may also post old photos, artworks and/or anti-martial law memorabilia.

Link your blog entries to this post and grab the button below by copying the link to mark your participation. We will start posting links of entries in our website at exactly 12:00 noon on February 25.

On February 25, let us give proper honor and citation to the millions of Filipinos who made EDSA People Power possible.

<a href=”http://s55.photobucket.com/albums/g158/adarna/?action=view&current=BADfeb25buttoncopy-1.jpg” target=”_blank”><img src=”http://i55.photobucket.com/albums/g158/adarna/BADfeb25buttoncopy-1.jpg” border=”0″ alt=”Photobucket”></a>

Nauna ko nang tinanggal ang paid ads dito sa blog na ito. Ngayon naman, siguro’y babalik ako sa journal-style para mai-record ang mga karanasan ko sa bawat linggo gaya ng ginagawa ko noon. Siyempre, di pa rin naman mawawala ang mga komentaryo ko sa iba’t ibang bagay.

Nariyan pa ba kayo?

Umabot pa sa 11th hour ng Blog Action Day itong post ko.

Climate change ang umuugong na paksa sa blogosphere sa araw na ito. Nagbabago ang klima dahil sa pag-init ng daigdig (global warming), na dulot naman ng pagtaas ng antas ng carbon dioxide at iba pang gasses. Nangyayari to dahil sa patuloy at malawakang paggamit ng fossil fuel bilang pinagkukunan ng enerhiya.

Ayon sa PAGASA, ang naranasan nating malaking baha sa Kamaynilaan na dala ng bagyong Ondoy ay epekto na ng pagbabago ng klima. Naulit ang trahedyang dala ni Ondoy nang rumagasa naman ang bagyong Pepeng sa hilagang Luzon.

Kung ganitong masama ang epekto ng climate change sa atin, ano ang maaaring gawin ng mga karaniwang taong gaya natin para mapigilan ito? Sa unang tingin, iisiping ang pananagutang pigilan ito ay nasa malalaking mga bansa at mga korporasyon at mga mamamayan ng mga bansang ito. Sila kasi ang matinding gumamit ng enerhiya ng mundo.

Ngunit dahil tayong lahat ay magkaugnay, kahit sa mumunti nating paraan ay makakatulong din naman tayo. May mga maliliit na bagay gaya ng paggamit ng tamang bombilya sa mga ilaw sa ating bahay, pagpili ng mas green na gadgets, pagpatay sa ating computer at iba pang gamit sa bahay kung di natin ginagamit, pagdadala ng sariling bag sa pamimili (di ba’t dati’y bayong ang ginagamit natin sa palengke?), pagtitipid sa papel, at iba pa.

Ang layunin ng lahat ng ito ay makatipid sa enerhiya at mabawasan ang pagsusunog ng fossil fuels na nakadaragdag sa pag-init ng daigdig, nagdudulot ng pagbabago sa klima.

Anu-ano ang iba pang kontribusyong naiisip ninyo?