Grace Lee at Noynoy Aquino (Larawan mula sa Malacanang/Reuters/Yahoo! Philippines)

May mga nagtaas ng kilay, napaubo, at baka may mga nahulog pa nga sa upuan nang marinig ang sinabi ng radio and TV host na si Grace Lee ang ganito tungkol kay Pangulong Aquino: “He’s brilliant.. if not the most intelligent man I’ve met in my life.”

Kasi nga, di ba’t inulan si Pangulong Aquino ng mga propaganda noong kampanya na nagsasabing siya raw ay bobo o kaya’y retarded. Tapos may mga sunud-sunod pang kapalpakan ang kanyang administrasyon lalo na sa unang taon niya sa puwesto. Di kataka-takang marami ang nagkaroon ng negatibong perception tungkol sa kanya.

Pero sa mga natawa at kumukwestyon sa pagpuri ni Grace kay Noynoy, magandang itanong kung sila ba ang nililigawan kaya’t nakikilala na nila nang lubusan si Noynoy? Nakakausap ba nila nang malaliman at matagalan ang Presidente para magpasyang katawa-tawa ang description ng dalaga tungkol sa kanya? O kabilang lang kaya sila sa mga Pilipinong ayaw kay Noynoy at bomoto sa “matatalinong” kandidato noong 2010 pagkatapos ay di na naka-move on?

Narito ang video ng report sa State of Nation na may panayam kay Grace:

Perry Calara

Nagulat ako nang mabasa ko ‘yan sa Twitter ni Rep. Teddy Casiño ngayong gabi. Wala pa pala si Perry — isang makabayang manunulat at aktibista mula sa Kabikulan.

Bagama’t hindi kami nagkakilala ni Perry nang personal, isa siya sa mga nakasalamuha’t nakasama ko sa matagal-tagal ko na ring paglalakbay sa cyberspace. Ang kanyang Kaiba News and Features ay naging katropa ng aking Tinig.com. Inilathala namin sa Tinig ang mga isinulat nila sa Kaiba. Isang artikulo tungkol sa Bikolanong bayaning si Simeon Ola ang pinagtulungang sulatin nina Perry at ng kaibigan at ka-Tinig kong si Alex Remollino, na pumanaw rin noong isang taon. Mababasa pa rin sa Tinig.com ang iba pang akda ni Perry.

Bukod sa Tinig.com, naging kapwa kolumnista ko rin si Perry sa Pinoy Gazette, isang diyaryo para sa mga Pilipino sa Japan. Nasa Perry Calara blog ang mga artikulo niya sa Pinoy Gazette at iba pa niyang isinulat. Makikita naman ang mga larawang kuha niya sa kanyang Flickr account.

Makikita sa mga isinulat ni Perry ang pagpapahalaga sa agham at kasaysayan at sa pagkakakilanlang Pilipino at Bikulano. Isa siya sa mga nagsusulong ng pagbabago sa ating bansa. Isang makabayang Pilipino, hangad ni Perry ang tunay na malaya at maunlad na Pilipinas.

Tama si Teddy: A great light has just gone out in the universe.

Nakikiramay po kami sa mga naulila ni Perry.

Si Perry Calara kasama sina Ka Satur Ocampo at Liza Maza. Mula ito sa kanyang Flickr account, at tinawag niyang "dream photo" na kuha ni Lito Ocampo.

Congratulations, Team Pilipinas, Team Pacquiao, at siyempre, sa Team Jinkee. Ganundin kay Nanay Dionisia.

Basahin ang “Melason” dito, at panoorin ang mensahe nila sa kanilang mga tagahanga.

Hindi pa napapagal si Gloria Macapagal-Arroyo. Tatakbo pa siyang congresswoman sa ikalawang distrito ng Pampanga.

Inasahan na nating lahat iyan. Hindi siya bibitiw sa poder. Kailangan niya ng immunity dahil sa patung-patong na kasong maaaring isampa sa kanya dahil sa pangga-Garci at iba pa niyang ginawa sa atin habang siya’y nakapuwesto.

Malamang, gusto niyang maging prime minister! Di nga ba’t may inihahanda nang constitutional convention ang mga malalakas sa kanya at mga kakampi niya sa Kongreso?

Napansin ko lang, Rizal Day 2002 nang sinabi noon ni Gloria na di na siya tatakbong pangulo sa 2004. Siyempre, kunyari lang yun. Tumakbo siya’t nang-Garci pa nga, di ba? Ngayon, Bonifacio Day naman nang i-announce niyang tatakbo siya sa Kongreso sa 2010. Sabi pa niya, hindi pa raw siya handang iwan ang paglilingkod sa bayan. Mukhang mahilig siyang dumura sa alaala ng ating mga bayani.

Walang kapaguran at tila di matugunan ang pagkauhaw ng ilan sa kapangyarihan. Sabagay, kung ikaw ay sadyang makapal, bakit ka nga naman mapapagal?

Paano ba namang di ka mapapahiyaw sa pakikinig — hindi pa yan panonood, ha — kung sa unang round pa lang ay dalawang beses bang natumba ang kalaban? At sa ikalawang round pa lang, na-knock out na agad ni Manny Pacquiao si Ricky Hatton.

Panalo na naman si Pacman. Napasama pa nga siya sa Trends o popular keywords ng Twitter kanina. Pati mga artista sa Hollywood, namangha. Nasa mapa na naman tayo. Dininig ng langit ang mga dasal ni Aling Dionesia. Masaya na naman ang bayan ng Pambansang Kamao. Congrats, Manny; congrats, Pinas!

Francis Magalona (Photo from Wikipedia)

Ngunit iba ang nangyari.

Pero sa gitna ng pagluluksa ng bansa, lalo namang nangibabaw ang impluwensiya ni Francis M sa henerasyong ito.

Binaha ng comments ang kanyang blog at napakarami ng nag-search ng pangalan niya sa Web.

Kahit saan ka pumunta, maririnig ang kanyang mga awitin, lalo na ang Kaleidoscope World — sandaang libo ang nakikanta nito sa pinakahuling concert ng Eraserheads.

Sa mga mensahe ng kanyang mga kaibigan at tagahanga, mababasa ang pasasalamat sa inspirasyong ibinigay niya. Napanood ko rin sa Eat Bulaga kung paanong may mga kabataang dati’y walang magawa, ngunit nagkaroon ng direksyon ang buhay mula nang matagpuan ang kanyang uri ng musika — ang rap.

Kung tutuusin halos naging credo ng isang henerasyon ang kanyang “Mga Kababayan Ko”, na tuwirang sumalunga sa nangingibabaw sa kaisipang kolonyal at nagpahayag ng paniniwala sa kakayahan ng mga Pilipino.

Pagmamahal sa bayan at pagka-Pilipino rin ang tema ng iba pa niyang rap pieces: “Three Stars And A Sun”, “Man from Manila”, at “Tayo’y Mga Pinoy”.

Francis M at ang cover ng '1896: Ang Pagsilang'

Nilikha ang album bilang bahagi ng pagdiriwang ng sentenaryo ng Himagsikang Pilipino. (Kung tama ang pagkakaalala ko, nakuha ko ang CD ko nito sa Greenwich sa Ever Commonwealth — libre o discounted ata kasama ang isang pizza meal).

Sa “1-800 Ninety Six”, sinuma ni Francis M ang karanasan natin sa tatlong dayuhang mananakop at idinaing ang patuloy na pagiging mailap ng tunay na kalayaan.

Sa “Kabataan Para sa Kinabukasan”, ang panawagan niya’y kapayapaan, kalikasan, kabataan, at “maging tunay na bayani”.

Pinakahinahangaan ko si Francis M sa pagsusuot ng kanyang pagkamakabayan. Unti-unti nang pinatataob ng kanyang FrancisM Clothing Company at ng sagisag nitong 3 Stars & a Sun ang imported mentality na dati’y gumagabay sa mga Pinoy sa pagpili ng mga damit na susuutin.

Naging matibay siya sa kanyang pakikipaglaban sa leukemia. Sa pagitan ng gamutan ay nagtrabaho pa siya’t patuloy na nagbigay-inspirasyon sa kanyang mga tagahanga. Ang tatag ng loob na ipinakita niya ay ipinakita rin kanyang pamilya sa kabila ng kanyang pagpanaw. Lumisan si Francis M., ngunit di siya natalo sa laban.

May pagpupugay kay Francis M ang Tinig.com: Tribute to Francis Magalona.

May malawak na koleksyon naman si Tonyo Cruz ng Francis Magalona links.

Share ko lang ang lyrics ng “1-800 Ninety Six” na kinopya ko sa album CD jacket ng “1896: Ang Pagsilang”:

1-800 Ninety Six
(Francis M)

Sumaludo sa harap ng bandila
Kastila ka bang umaalipin sa alila
Sinakop ng puti ang mga kayumanggi
Pinagnanakaw ang lahi at sila’y naghari
Hanggang ngayon pa rin sila pa rin ang nakaupo
Ilang daang taon mula noon, nakagapos
Ang ating mga kamay, nakapiring ang mga mata
Dila’y pinuputol pag ika’y nagsasalita
Tulad ni Rizal na panulat ang pinairal
Si Andres ay pinatay ng kanyang mga kakulay
Yo hablo espanyol,
Si senyor, Conio
Ako po ay isang mestisong indio po
You are a friend of Uncle Sam,

Yo my man I am
I don’t speak Tagalog but I try to understand
Pilipino ka ba, Bansai, Shinjimai
Dorobo kedo moto oto kumai
Dugong inialay para sa bayan
Sayang naman ang kanilang pinaglabanan
Dugo’y bumaha at naging pataba
Bulok na bunga, tumulo ang luha

Perlas ng Silanganan ung tawagin ang ‘Pinas
Sinilang sa Silangan ang angkan ni Malakas
Anak ni Bathala at ako’y nababahala
‘Di ako naniniwala na ako ay malaya
Akala ko ba Philippines 2000
Pero bakit ganoon parang walang patutunguhan
Kung buhay lamang ang ating mga bayani
Alam kong sila ang unang-unang magsasabi na
Kahit kailan man bayan muna bago sarili
Sa pagnanakaw ang nakaupo’y nawiwili

Kapuna-puna ang mga anomalya
Ang kakapal nila mga walanghiya
Barong Tagalog pa ang suot ng mga gago
‘Pag nag-Tagalog, baku-bako anlabo
Ilan sa liderato dapat sa krus ipako
Alam ba ninyo kung sino ang mga tinutukoy ko?

Megan Fox (Photo by Luke Ford)

Lalaki nga ba si Megan Fox?

Lately, maraming nagtatanong sa mga forums sa Internet kung totoo ba ang chismis na lalaki raw talaga ang Hollywood actress na si Megan Fox.

Ang Weekly World News, na sa aking pagbabasa-basa ay nalaman kong isang website na naglalaman ng mga balitang inimbento pero talagang nakakaaliw, ang pinagmulan ng usaping ito.

Noong January 14, naglabas sila ng report na ang pamagat ay “Megan Fox is a Man!” Ito ang naging mitsa ng pagkalat ng kalituhan.

Sa WWN rinmababasa ang mga balitang nagsasabing buhay pa si Elvis Presley at may half-brother si US President Obama na isang “>lalaking kalahating paniki. Dati. May tabloid na WWN sa US — basahin ang Time article tungkol dito — pero nagsara ito at ngayo’y website na lang ang natira.

Pinalala pa ang balitang ito tungkol kay Megan Fox ng mga nauna at aktwal na statement niya sa isang interview:

“I am pretty sure I am a doppelganger for Alan Alda. I’m a transvestite. I’m a man. I’m so painfully insecure. I’m on the verge of vomiting now. I am so horrified that I am here, and embarrassed. I’m scared.”

Pero matanong ko rin kayo, lalaki nga kaya si Megan Fox?

Chief Justice Reynato Puno

Parang si Chief Justice Reynato Puno, hitik sa accomplishment at paghanga ng mga Pilipino. Kaya ayon, binabato ng ilang ambisyoso. Umugong nitong mga nakalipas na araw ang bali-balitang sasampahan siya ng impeachment case sa House of Representatives. Pinigilan daw kasi niya ang pagbababa ng hatol sa isang disqualification case laban sa isang kongresista. Pero kapag sinuri ang totoong nangyari, lalabas na ang Supreme Court en banc pala, at di lang si Puno, ang nagdesisyong ipagpatuloy ang deliberasyon sa kaso, at ang aksyong ito’y para pa rin sa interes ng publiko.

Read more

Marky Cielo bilang Zaido Green

Pumanaw kanina ang artistang si Marky Cielo, ayon sa ulat ng Philippine Entertainment Portal.

Si Marky Cielo, 20, artista ng Kapuso Network, ay sole survivor ng Starstruck season 3 noong 2006. Bukod sa paglabas sa TV shows, magaling din siyang dancer.

Gumanap si Marky na Alexis del Mundo o Zaido Green sa palabas na Zaido: Pulis Pangkalawakan. Based ang Zaido sa istorya ng paborito kong Shaider, na sikat na sikat sa Pilipinas noong 1980s.

Nagluksa ang maraming Pinoy fans ng Shaider nang pumutok sa Pilipinas ang balitang namatay na si Hiroshi Tsuburaya, ang aktor na gumanap bilang Alexis o Shaider, noon pang 2001. Biyernes Santo noong 2002 naman nang gulatin ang bansa ng pagkamatay ng aktor na si Rico Yan habang natutulog.

Narito ang statement ng GMA Network, galing pa rin sa PEP:

Bandang alas 10 kaninang umaga sa Antipolo Doctors Hospital ay idineklarang dead on arrival ang young actor at Starstruck Nationwide Invasion Sole Survivor na si Marky Cielo.

Ayon sa paunang salaysay ng kanyang ina na si Mildred Cielo, natagpuan niyang nakahandusay ang kanyang anak sa kanilang tahanan sa Antipolo, Rizal, at agad niya itong isinugod sa ospital. Sa ngayon ay hinintay pa nila ang resulta ng imbestigasyon sa sanhi ng pagpanaw ni Marky Cielo bago magbigay ng opisyal na pahayag ang kanyang pamilya.

Tubong Mountain Province at may lahing Igorot si Marky Cielo, at itinanghal na Sole Survivor sa Season 3 ng Starstruck. Hinangaan siya sa kanyang husay sa kanyang pag-arte at pagsayaw.

Huli siyang napanood sa Startok, SOP, at La Lola. Siya rin ang tumatayong Youth Spokesperson ng Department of Health.

Si Marky Cielo ay 20 years old. Bukod sa mga panalangin, humihiling ang pamilya Cielo ng privacy sa matinding dagok na to sa kanilang buhay.

Una kong narinig ang balitang balitang ito kay Mark, na tinanong ako agad dahil siguro dati akong taga-GMA. Basahin din ang isinulat ni Mica at ni beldandi-fairycha, isang fan ni Marky.

Ito naman ang ang isang video tungkol kay Marky na naka-post sa YouTube: