Ano ang mangyayari kapag nagkatagpo at nagkapalit ng katayuan sa buhay sina Iska (Marian), isang masayahing Igorota mula sa kabundukan ng Benguet at Raphael (Dingdong), na anak ng isang mayamang politiko?

Mula sa Regal Entertainment, Inc. at GMA Films, ang romantic comedy na ito ay pelikula ni Direk Mark A. Reyes.

Humanda nang tumawa at ma-inlab sa patikim na ito:

Isinasalaysay ng “The Red Shoes” ang kuwento ni Lucas (Marvin Agustin), na noong 10 taong gulang pa lamang ay nagnakaw ng isang pares ng pulang sapatos mula sa koleksyon ni Imelda Marcos. Sa pagtatapos ng EDSA People Power Revolution, napasama ang bata sa grupo ng mga mamamayang pumasok sa Malakanyang pagkatapos tumakas ng pamilya ng diktador. Ibinigay ni Lucas ang tig-isang sapatos sa dalawang babaeng pinakamahalaga sa kanya: ang kanyang inang si Chat (Liza Lorena) at ang kanyang kasintahang si Bettina (Nikki Gil). Mga sapatos din ang magiging saksi sa relasyon nila ng kanyang ina nang mawala sa kanilang buhay ang kanyang ama dahil sa trahedya ng Film Center ni Imelda, at sa pagharap nila ni Bettina sa mga problema sa kanilang mala-langit at lupang ugnayan.

Kahit ang isang bahagi ng istorya ay naganap sa isang mahalagang yugto ng kasaysayan ng ating bansa at kahit malaki ang papel ng mga sapatos ng dating Unang Ginang sa kwento, ang “The Red Shoes” ay tungkol talaga sa buhay at pag-ibig ni Lucas. Sa kabila nito, hitik ang pelikula sa mga references sa kasaysayan at lipunang Pilipino. Hindi nitong inisnab ang mga isyung gaya ng katarungan, katiwalian sa gobyerno, at pananatili sa bansa. Naroon ang kuwento ng mga tsinelas ni Gat Jose Rizal na ipinaanod sa ilog, ang pag-aalay ni Ninoy at ng mga kabataan ng buhay sa paglaban sa diktaturyang Marcos, ang kakarampot na sahod ng mga empleyado, at ang diskusyon tungkol sa pagiging sobrang mapagpatawad ng mga Pilipino. Sa pagde-date nina Lucas at Bettina sa putol na tulay, ang imahe ng tulay ay ginamit di lamang sa pagtalakay sa tibay o pagiging marupok ng relasyon, kundi pati na rin sa pondong nakurakot ng mga opisyal.

Kakaiba ang “The Red Shoes” sa ibang mga pelikulang Pinoy. Mahusay na hinabi ang kwento nito at may mga pangyayaring ikagugulat ng mga manonood. Suwabeng naipasok sa love story ang social commentary. Hindi rin tipikal ang cinematography. Convincing naman, sa tingin ko, ang acting ng mga tauhan.

Mayroon din itong iba’t ibang sangkap na hinahanap ng mga manonood. Bukod sa pag-ibig, mayroon din itong mga katawa-tawang eksenang dala ni Tessie Tomas, na gumanap bilang isang espiritistang artista sa teatro na tagahanga ni Imelda. May sandaling horror sa eksena ni Tirso Cruz III, na gumanap na tatay ni Lucas. At may konting-konti lang na sex.

Bukod sa mga nabanggit nang artista, kasama rin sa cast sina Tetchie Agbayani bilang nanay ni Bettina at Iwa Moto bilang karengkeng na katrabaho ni Bettina.

Sa pangkalahatan, di nakapanghihinayang na panoorin ang “The Red Shoes.” Isa lamang ang puna ko sa pelikula: hanggang sa huli ay di ito bumigay sa tukso ng mainstream at commercial na pressure. Sana, pinagbigyan din nila ang mga feeling romantikong tulad ko.

Marian Rivera as Darna (GMA Photo)

Pareho kong paborito ang dalawang lead star sa bagong Darna ng GMA-7: si Marian Rivera bilang Narda/Darna, at si Mark Anthony Fernandez bilang Eduardo, ang katipan ni Narda. Unang pagtatambal nila ito.

Si Marian, na unang nakilala at minahal ng mga manonood bilang Mari Mar, ang siya ring gumanap bilang Dyesebel, isa pang obra ng dakilang nobelista sa komiks na si Mars Ravelo (na mas karapatdapat maunang maging national artist). Sidekick ni Marian sa Dyesebel ang batang si Robert “Buboy” Villar, na siya namang gaganap ngayon bilang Ding.

Mark Anthony Fernandez as Eduardo (GMA Photo)

Sa bagong Darna, matutunghayan ang kuwento ni Narda, isang maganda ngunit pilay na dalagang lumaki sa bahay-ampunan. Doon ay magkakaibigan sila ng kababatang si Eduardo, na magugustuhan din ni Valentina, ang kaibigan ni Narda.

Magbabago ang simpleng buhay ni Narda kapag nalaman niyang tagapagmana siya ng isang mahiwagang batong magbibigay sa kanya ng kakaibang kapangyarihan.

Ngunit tinanggihan ng dalagang nasawi sa pag-ibig kay Eduardo ang nakaatang na tungkuling maging bagong Darna. Sa paniniwala kasi niya, hindi ito makakayanan ng isang simple at may kapansanang babaeng tulad niya. Kasabay ng kanyang pagtanggi ang pagdating ng mga kampon na kasamaan sa kanyang bayan. Dahil dito, magpapaubaya si Narda at yayakapin na ang kanyang kapalaran bilang bagong Darna.

Si Darna at ang kanyang mga kalaban (GMA Photo)

Para sa iba pang official photos mula sa GMA-7 (Salamat, Jhops!), bisitahin ang Hallyudorama.

Medyo nag-iinarte ang tagiliran at likod ko lately. Yun bang malapit sa may parteng tadyang. Ewan ko kung bakit. Baka dapat, magpa-check up na ako as soon as possible.

Speaking of tadyang, noong January 29 ay um-attend ako sa press launch ng Ang Babaeng Hinugot sa Aking Tadyang, ang telenovela ng GMA-7 na kasalukuyang ipinapalabas tuwing weeknights at pinagbibidahan nina Marian Rivera at Dingdong Dantes.

Si Marian, ang babaeng hinugot...

Sa unang labas ng teleserye, ipinakita ang misteryosang si Proserfina na palihim na pumasok sa kuwarto ni Homer at doon natulog. Nagulat ang lalaki nang sa kanyang paggising, isang napakagandang babae ang kanyang katabi. Ngunit sa huli, biglang umalis si Prosefina.

Naintriga ako agad sa istorya ng bagong palabas na ito, kaya’t ngayo’y pinipilit kong makapanood sa tuwing maaabutan ko ito sa pag-uwi ko sa gabi sa bahay.

Si Dingdong Dantes habang ini-interview ng movie press

Nobela ni Carlo J. Caparas sa komiks noong 1970s ang Ang Babaeng Hinugot sa Aking Tadyang. Nang gawin itong pelikula noong 1981, sina Eddie Rodriguez at Vivian Velez ang naging bida.

Ang isa sa mga paborito kong manunulat sa komiks, si RJ Nuevas, ang headwriter ng bersyon ng GMA-7 para sa telebisyon, at si Joyce Bernal ang direktor.

Marky Cielo bilang Zaido Green

Pumanaw kanina ang artistang si Marky Cielo, ayon sa ulat ng Philippine Entertainment Portal.

Si Marky Cielo, 20, artista ng Kapuso Network, ay sole survivor ng Starstruck season 3 noong 2006. Bukod sa paglabas sa TV shows, magaling din siyang dancer.

Gumanap si Marky na Alexis del Mundo o Zaido Green sa palabas na Zaido: Pulis Pangkalawakan. Based ang Zaido sa istorya ng paborito kong Shaider, na sikat na sikat sa Pilipinas noong 1980s.

Nagluksa ang maraming Pinoy fans ng Shaider nang pumutok sa Pilipinas ang balitang namatay na si Hiroshi Tsuburaya, ang aktor na gumanap bilang Alexis o Shaider, noon pang 2001. Biyernes Santo noong 2002 naman nang gulatin ang bansa ng pagkamatay ng aktor na si Rico Yan habang natutulog.

Narito ang statement ng GMA Network, galing pa rin sa PEP:

Bandang alas 10 kaninang umaga sa Antipolo Doctors Hospital ay idineklarang dead on arrival ang young actor at Starstruck Nationwide Invasion Sole Survivor na si Marky Cielo.

Ayon sa paunang salaysay ng kanyang ina na si Mildred Cielo, natagpuan niyang nakahandusay ang kanyang anak sa kanilang tahanan sa Antipolo, Rizal, at agad niya itong isinugod sa ospital. Sa ngayon ay hinintay pa nila ang resulta ng imbestigasyon sa sanhi ng pagpanaw ni Marky Cielo bago magbigay ng opisyal na pahayag ang kanyang pamilya.

Tubong Mountain Province at may lahing Igorot si Marky Cielo, at itinanghal na Sole Survivor sa Season 3 ng Starstruck. Hinangaan siya sa kanyang husay sa kanyang pag-arte at pagsayaw.

Huli siyang napanood sa Startok, SOP, at La Lola. Siya rin ang tumatayong Youth Spokesperson ng Department of Health.

Si Marky Cielo ay 20 years old. Bukod sa mga panalangin, humihiling ang pamilya Cielo ng privacy sa matinding dagok na to sa kanilang buhay.

Una kong narinig ang balitang balitang ito kay Mark, na tinanong ako agad dahil siguro dati akong taga-GMA. Basahin din ang isinulat ni Mica at ni beldandi-fairycha, isang fan ni Marky.

Ito naman ang ang isang video tungkol kay Marky na naka-post sa YouTube:

Isa rin siya sa mga pinili ko sa Top 10 influential bloggers ng Digital Filipino.

Nalaman ko ngayong umaga lang na ang kuwento niya pala ay itatampok mamayang gabi sa Reporter’s Notebook ng GMA-7. Malalaman natin kung bakit gusto siyang i-recall ng mga pulitikong Kapampangan.

Narito ang mga buod ng palabas mamaya sa RN, GMANews.tv

“Among Ed”
Ulat ni Jiggy Manicad

Tinuldukan niya ang isang political dynasty sa Pampanga nang siya’y maging kaunaunahang paring nahalal bilang gobernador sa kasaysayan ng ating bansa. Bilang pinakamataas na pinuno ng kaniyang probinsya, mabilis na gumawa ng mga reporma si Gob. Eddie “Among Ed” Panlilio. Habang nagustuhan ng ilan ang pagtupad niya sa kaniyang tungkulin, may iba naming hindi ito nagustuhan. Hindi madali ang kaniyang buhay sa kapitolyo. Ang kaniyang relasyon sa ibang opisyal ng probinsya ay hindi maganda at ang iba sa kaniyang mga dating taga-suporta ay unti-unti nang nawawala. Nagpalala pa sa sitwasyon ang isang recount petition na inihain para iprotesta ang kaniyang pagkapanalo at isang recall petition na inihahanda na rin laban sa kaniya. Ano ba ang nasa likod ng kontrobersya sa Pampanga?

Pagkalinga sa matatanda
Ulat ni Maki Pulido

Kapag pinag-usapan ang street dwellers, mga bata ang agad pumapasok sa isip. Ngunit nitong mga nagdaang taon, dumarami na rin ang matatandang naninirahan lansangan. Sa pagdating at paglipas ng “Elderly Filipino Week”, hindi maiwasang pagtakhan kung ano na nga ba ang nagawa tungkol sa unti-unting paglala ng sitwasyon ng mga nakatatanda ng ating bansa na naninirahan na sa mga lansangan.

Kara David, host ng Case Unclosed

Sinasabing ang mga Pilipino ay makakalimuting mga tao. Sa dami ng dumarating na krisis, iskandalo at problema, hindi na natin naalala ang mga isyung dapat nating hinaharap bilang isang bansa. Sa bawat palit ng headline sa diyaryo at telebisyon, natatabunan din ang mga mahahalagang istoryang dapat nating pinagtutuunan ng atensyon, at naiiwan na lang ang mga tanong, at naghihintay ng kasagutan.

Ano na nga ba nangyari sa mga isyung gumulantang noon sa ating bayan?

May naparusahan ba sa Ozone Tragedy? Rub-out ba o shoot-out ang kaso ng Kuratong Baleleng? Ano ba talaga ang nangyari kay Jonas Burgos? Sino ang talagang bumaril kay Ninoy?

Ngayong Oktubre, isang painbagong programa ang ihahandog ng GMA Public Affairs na muling magbabalik sa atin ng mga mahahalagang isyu at iskandalong kinaharap ng ating bayan at susubok na sagutin ang mga tanong na naiwan sa ating nakaraan: ang Case Unclosed.

Isasabuhay ng Case Unclosed ang mga mahahalagang pangyayari ng bawat isyung tatalakayin sa pagsasama ng istilo ng docudrama at aktuwal na video at panayam sa mga taong kakabit ng istorya. Sa direksyon ng mga premyadong independent film directors, uungkatin ng Case Unclosed ang mga kuwentong umukit sa ating kasaysayan, mula sa mga trahedya at mga karumal-dumal na krimen hanggang sa mga pulitikal na isyung gumulantang sa madla.

Sa linya ng mga batikang reporters ng GMA News and Public Affairs Department, isang boses ang magkukuwento ng mga tatalakaying istorya ng Case Unclosed: ang multi-awarded journalist na si Kara David, na kamakailan lang ay ginawaran ng prestihiyosong Ten Outstanding Young Men of the Philippines at Broadcast Journalist of the Year ng Rotary Club of Manila.

Sa unang pagtatanghal ng Case Unclosed ngayong Oktubre 2, babalikan ni Kara David ang trahedya sa Ozone, kung saan 161 katao, na karamihan ay mga graduating students, ang binawian ng buhay dahil sa sunog sa Ozone Disco noong Marso 18, 1996.

Matapos ang labindalawang taon mula nang mangyari ang sunog, may mga bangkay pa rin daw na hanggang ngayo’y hindi pa nakikilala, at ang mga sangkot sa kaso, hindi raw nakulong. Ano nga ba ang nangyari sa kaso? Kumusta na ang mga biktima at pamilya ng mga namatay sa Ozone?

Sa direksyon ng award-winning independent film director na si Adolf Alix Jr., muling ipapakita ni Kara David sa Case Unclosed ang kuwento ng Ozone tragedy, at susubuking bigyang linaw ang mga nabiting katanungan sa trahedya.

Muling balikan ang mga tanong ng nakaraan sa Case Unclosed, simula ngayong Huwebes ng hatinggabi, Oktubre 2, 2008 pagkatapos ng Saksi sa GMA-7.

GMA-7 Press Release

28 September 2008 on GMA 7

The historic television event that may never happen again.

In Southeast Asia, only one country has four living presidents — the Philippines. On Sunday, all four presidents appear alongside each other in a television first that may not happen again. Newsmakers: The GMA News and Public Affairs Special is the show to watch on Sept 28.

How did the country’s most influential names get to the highest seat of power? What did their victories mean for us? How well did each leader live up to their common promise of a better future for all? Find out the answers for yourself as each president faces off with a pillar of GMA News.

The five pillars of GMA News and Public Affairs: Mike Enriquez, Vicky Morales, Jessica Soho, Arnold Clavio, and Mel Tiangco

Arnold Clavio is in for a surprise as Fidel V. Ramos shows facets of his image rarely seen in public. The former General reveals the real reasons he rallied in EDSA twice to oust two sitting presidents.

Meanwhile, Joseph Estrada tells Vicky Morales his biggest regret as president. Several times during his interview, the former actor related his experiences to stories in the Bible. Erap discloses whom among his friends he considers his own Judas.

Mel Tiangco is welcomed in Malacañang by the incumbent Gloria Macapagal Arroyo. The elusive president opens up about the lessons she learned from her father, who was hailed in the 60’s as The Incorruptible President.

Also in Newsmakers is Mike Enriquez’ encounter with former First Lady Imelda Marcos. The person most privy to the longest-serving Philippine President Ferdinand Marcos, Imelda reflects on the legacy of her husband. Asked about the perceived excessiveness during their time, Imelda insists that in beauty nothing is too excessive.

A year after the idea was pitched and months after trailing the presidents, Newsmakers: the GMA News and Public Affairs Special finally airs on September 28, Sunday at 10.30 p.m. on GMA 7.

Ka-Blogs: Lucky Mark Mercado, Mico Aytona, Andrea Torres and Monica Verallo

Ang coolest teen tambayan, hindi titigil hanggang hindi napapasaya ang inyong Saturday morning! Go, go, go Ka-Blog!

Kikilalanin ni Ka-Blog Lucky Mark Mercado ang mga hardcore school fanatics tuwing sports season: ang mga varsity cheerleaders! I-ispatan ni Lucky ang mga winning moves ng UP Pep Squad, makikipagkulitan siya sa mga magagaling na FEU cheerleaders at makiki-animo La Salle sa Pep Squad ng mga Lasalista.

Paninindigan ni Ultimate Kikay Ka-Blog Andrea Torres ang kanyang pagiging fashionista. From fashion trash, gagawa siya ng mga fashion fab outfits! Fashion DIY or Do-It-Yourself naman ngayon ang gimik ng Ultimate Kikay Ka-Blog.

Ex-partner, ex-lover, ex-honey.tuturuan nina Ka-Blog Mico Aytona at Monica Verallo ang mga brokenhearted Ka-blogs ng ex-education. Ano nga ba ang do’s and dont’s in dealing with your ex?

Boys will be boys, pero kahit tough guys, namomroblema rin pala sa usaping puso! Kaya naman si Ka-Blog Mico Aytona, aalamin kung paano nga ba hinaharap ng mga boys ang mga heart problems!

Maki-cheer, maki-fashion, maki-chika sa usapang puso! Maki-join sa happening sa coolest teen tambayan! Kasama ang barkada ng bayan, nood na ng Ka-Blog ngayon Sabado, 10AM, sa GMA 7!

Magsisimula na ngayong Sabado, Agosto 9, 10:00-10:30 a.m., sa GMA-7, ang pinakabagong lingguhang teen tambayan sa telebisyon, ang Ka-Blog!

“Oist! D2 na ko! EB tayo! Naka-YM ko c BFF, she’s twittering now! LOL! Naka-post na pics natin sa Flickr. IMHO, mas trip ko ang Facebook! BUZZ! NR ka. GTG!”

Gets mo ba?

Ito na ang lengguwahe ng mga teenagers ngayon. Sanay sa shortcut, gusto lahat instant, laging adventure ang hanap. Sa patuloy na pag-usbong ng teknolohiya, nagbabago rin ang mga gusto at hilig nila. Facebook, Friendster, Twitter, Flickr, RPG… ilan lang ito sa mga kinalolokohang libangan ng mga teens ngayon sa internet. Kumpleto rin sila sa mga high tech na gamit gaya ng PSP, I-pod, I-phones, XDAs at kung ano-ano pa!

Isang bagong henerasyon ang nabuo nang dahil sa high technology, at may kakayahan na sila ngayong bumuo ng isang panibagong mundo sa pamamagitan lang ng isang mouse click! Sa bilis ng mga pagbabagong ito, hindi na raw makahabol ang mga matatanda kaya hirap na hirap silang intindihin ang mga kabataan ngayon.

Ngayong Agosto, makikiuso sa gusto at makikibagay sa trip ng mga teenagers ang GMA News and Public Affairs Department sa pamamagitan ng Ka-Blog!, ang programang magiging weekly tambayan ng mga teenagers at magpapakita ng mga hilig nila ngayon sa buhay! Kada linggo, iba’t ibang kuwento at istorya tungkol sa teen life ang mapapanood sa Ka-Blog! — mula sa mga isyung mahalaga ngayon sa mga teenagers gaya ng problema sa relationships at mga isyu sa pamilya, hanggang sa latest fashion trend, coolest gimik hangouts, mga campus heartthrobs at pinakabagong gadgets!

Apat na teenagers ang makakasama ninyo sa pagtuklas ng mga masasayang bagay tungkol sa Pinoy teen life. Ang Ultimate Kikay Girl na si Andrea Torres ang magbibigay ng mga usong-usong fashion trends ngayon, habang ang Techie Gimikero na si Mico Aytona ang magpapakita ng pinaka-high tech na gadgets at magtuturo ng mga pinakabagong computer games!

Sasamahan naman ng Radical Chick na si Monica Verallo ang mga kabataan sa paghahanap ng mga solusyon sa mga problema at isyung hinaharap ngayon ng mga teens, samantalang ang Kuwelang Guwapito na si Lucky Mark Mercado ang makakasabay nyo sa mga bago at exciting sports activities ngayon!

Sa unang sabak ng Ka-Blog! ngayong Agosto 9, sulyapan ang behind-the-scenes ng pelikula ng pinaka-popular na teen heartthrobs ngayon sa showbiz: sina KC Concepcion at Richard Gutierrez! Kasama sila Andrea at Mico, aalamin natin kung paano nabuo ang umuusbong na love team ng dalawang teen idols! Ang Ka-Blog! naman nating si Lucky Mark, masusubukan ang liksi at gilas sa Parkour, isang extreme activity na magtuturo kung paano mas mabilis na makakarating sa mga pupuntahang gimik! Samantala, makikilala ng Ka-blog! nating si Monica ang mga teenage victims ng Cyberbullying, isang delikadong paraan ngayon ng pangbu-bully gamit ang internet.

Makitambay na kasama ang inyong mga bagong kakulitan tuwing Sabado sa pinakabagong teen tambayan, ang Ka-Blog! simula ngayong Agosto 9, 10:00-10:30AM sa GMA-7.