Congratulations, Team Pilipinas, Team Pacquiao, at siyempre, sa Team Jinkee. Ganundin kay Nanay Dionisia.

Laban! Joey Alarilla, Ederic Eder, Thea Alberto, Janie Octia, at Pia Garcia. (Photo by Izah Morales)

Bilang pakikiisa sa pagsisimula ng paggunita sa ika-24 na anibersaryo ng EDSA People Power Revolt, nagsuot kami ng ilang mga kasamahan ko ng damit na kulay dilaw kanina.

Bukod sa pagpapatugtog ng “Handog ng Pilipino sa Mundo,” “Bayan Ko,” at iba pang mga awit na sumusundo sa mga alaala ng pag-aalsa, nagpakuha rin kami ng larawan habang naka-Laban sign.

Sa Twitter, sinimulan na rin naming gamitin ang hashtag na #YellowEDSA upang tipunin ang tweets tungkol sa Yellow Revolution of 1986.

Mahalagang alalahanin ang diwa at pagnilay-nilayan ang papel EDSA 1 sa ating kasaysayan, lalo na sa gitna ng mga balita ngayon, gaya ng paghingi ng emergency powers para kay Gloria Arroyo (diyan nagsisimula yun!), pahayag ng anak ng diktador isang “kabiguan” ang EDSA, ang umano’y tila pag-angkin at paggamit ni Noynoy Aquino at ng Liberal Party sa People Power, at pagiging bukas ng ilang presidential candidates sa paglilibing sa diktador sa libingan ng mga bayani.

Balikan natin ang mga balita, pangyayari, at mga personalidad na sa tingin ko ay naging malaking bahagi ng taong 2009 sa Pilipinas:

Pagbubunyi at Pagpili

• Manny Pacquiao
• Noynoy Aquino
• Barack Obama

Kabayanihan

• Muelmar Magallanes
• Efren Peñaflorida

Pamamaalam

• Cory Aquino
• Francis Magalona
• Michael Jackson
• Trinidad Etong (asawa ni Ted Failon)

Kasalan at Pagkakamabutihan

• Judy Ann Santos – Ryan Agoncillo
• Mar Roxas – Korina Sanchez
• Dingdong Dantes at Marian Rivera

Kultura

• Eraserheads Live!: The Final Set
• May Bukas Pa
• Darna

Eskandalo at Trahedya

• Ampatuan Massacre
• Bagyong Ondoy
• Bagyong Pepeng
• Martial law sa Maguindanao
• Con-Ass
• Le Cirque
• Hayden Kho Sex Video Scandal
• Krista Ranillo vs. Team Jinkee.
• Nasser Pangandaman Jr.

Proclamation 1959 ni Gloria Macapagal-Arroyo ang naglagay sa lalawigan ng Maguindanao — liban sa ilang teritoryo ng Moro Islamic Liberation Front doon — sa ilalim ng martial law.

Ayon sa Saligang Batas, maaaring isailalim ng pangulo ang buong bansa o alinmang bahagi nito sa panahon ng pananakop o rebelyon.

So far, wala pa naman tayong nababalitaang rebelyon o pananakop sa Maguindanao. Ang pinakamalapit sa rebelyon ay ang pagsalungat isang angkang kakosa ni Gloria sa pag-aresto sa kanila matapos sampahan ng kaso dahil sa Ampatuan Massacre.

Ginamit sa proklamasyon ang depinisyon ng rebelyon sa batas. Bale dahil daw pinagkakaitan ng mga armadong grupo sa Maguindanao ang Executive ng kapangyarihang ipatupad ang batas, nagaganap ang krimen ng rebelyon, at syempre, pwede ring mag-martial law.

May pasaway na armed group ang isang angkang malapit sa pangulo, pero di na niya masaway ang mga ito, tapos kinampihan pa ng korte. Ang sagot ni Ate Glo, batas militar. Parang medyo OA lang. Akala ko strong republic, yun pala hindi.

Marami ang nagsasabing tinetesting lang ni Gloria ang sitwasyon. Posible raw may iba pa siyang balak na mas malaki kaysa rito. Baka ang naiisip niya ngayon ay “Ganito kami sa Maguindanao. Ganito sana sa buong bansa.” Espekulasyon, oo. Pero di ba ang pagtakbo niya dati sa Kongreso sa 2010 ay naunang itinuring na biro lang?

Magbantay po tayo.

Kabilang sa mga pinatay ay may 30 mamamahayag. Itinuturing itong pinakamatinding atake sa mga mamamahayag sa makabagong panahon. Inilagay rin nito ang Pilipinas sa itaas ng listahan bilang pinakamapanganib na bansa sa mundo para sa mga nagttrabaho sa media.

Balak hamunin ni Esmael Mangudadatu, vice-mayor ng Buluan, Maguindanao, ang hawak ng angkan ng Ampatuan — na kaalyado ni Gloria Macapagal-Arroyo — sa lalawigan Maguindanao. Tatakbo siyang gobernador, at inaasahang makakalaban niya si Andal Ampatuan, Jr., mayor ng bayan ng Datu Unsay. Nasa ikatlong termino na kasi si Gobernador Andal Ampatuan, Sr. Ayon kay Mangudadatu, nakatanggap siya ng bantang may masamang mangyayari kapag itinuloy niya ang kanyang balak.

Kaya naman sa halip na siya mismo ang mag-file ng certificate of candidacy, ang pinapunta ni Mangudadatu sa Comelec ay ang kanyang asawa, mga kapatid na babae, at mga abogadong babae. Sa ilalim daw kasi ng kanilang relihiyong Islam hindi isinasali sa tunggalian ng mga lalaki ang mga babae. Ngunit hinarang, dinukot, pinagpapatay, at ibinaon ng mga armadong lalaki ang convoy ng mga Mangudadatu at kanilang mga kasama. Nasa custody na ng National Bureau of Investigation ang pangunahing suspek na si Andal Ampatuan Jr at sinampahan na siya ng kasong multiple murder.

Nagugulat at nagagalit ako sa kayang gawin ng tao para sa kapangyarihan.

Muling binuhay ng trahedyang hatid ng Bagyong Ondoy ang diwa ng bayanihan sa ating mga Pilipino — di lamang in real life, kundi pati sa virtual world. Kahit sa cyberspace, patuloy ang bahaginan ng donasyon at impormasyon para sa mga nasalanta ng bagyo.

Ang texters’ group na TXTPower ay tumutulong na rin para makapag-donate ang mga nasa ibang bansa. Para sa iba’t ibang paraan para makatulong, tingnan ang listahan ng kaeskuwela kong si Karen sa kanyang blog. Bisitahin din ang blog ni Manolo para sa iba pang updates.

Kahapon, halos maghapon akong nakisali sa mga nagpo-post at nagre-repost sa Twitter at iba pang social networks ng anumang impormasyong maaaring ibahagi. Gumawa ng Rescue Hub — isang monitor ng mga biktimang nangangailangan ng tulong — ang blogger na si Ka Edong. May mga gumawa rin ng Ondoy situation map for Metro Manila. Magagamit ang mga tools na ito ng mga rescuers at donation centers.

Lumubog sa baha ang maraming lugar sa Region III at Kamaynilaan. Napakaraming tao ang di nakaalis sa kanilang bahay at naghintay na lamang ng rescue teams sa kanilang mga kuwarto o bubong ng bahay — kabilang ang ilang mga sikat na artista gaya nina Cristine Reyes, Jennica Garcia, at Kaye Brosas. Nagkaroon din ng mga landslides. Libu-libo ang mga na-stranded sa mga kalsadang di madaanan dahil sa baha.

Ayon sa PAGASA, ang dami ng ulang aabutin ng isang buwan bago maipon ay bumuhos sa loob ng anim na oras lamang. Nalagpasan nito ang record ng pinakamaraming ulan na naitala ng PAGASA noong 1967. Epekto raw ito ng climate change.

Napabalitang 13 lang daw ang rubber boats na pang-rescue ng NDCC. Hindi kaya kako mas malaki ang budget nila para sa infomercials? Muli ring kumalat sa Twitter ang ulat na nagastos na raw ni Gloria Arroyo sa kanyang foreign trips ang P800-milyong emergency fund.

Sa ganitong sitwasyon, ang pinsala ni Ondoy at pagtulong sa mga biktima ang agad na dapat nating harapin, ngunit di rin dapat malimutan ang matagalang usapin ng pangangalaga sa kalikasan at pagsusulong ng tapat at malinis na pamamahala.

Bakit nga ba ayaw na ayaw natin sa con-ass?

Hmm, kailangan pa bang i-memorize yan?

Kahit obvious sa mga survey na ayaw ng mga Pinoy sa Charter change sa panahong ito, wala pa ring nakapigil sa mga congressman. Pakiramdam natin, kapag naging con-ass na ang Kongreso — o ang House of Representatives, kapag di sila sinamahan ng mga Senator — may gagawing magic ang mga congressman para ma-extend ang term ng kanilang bosing, pati na rin ang sa kanila.

Kahit pa inilagay nila sa ng HR 1109 na hindi papakialaman ng Charter change ang termino ng mga opisyal, at matutuloy ang eleksyon sa isang taon, duda pa rin tayo. Kung si Gloria na mismo, nagsinungaling sa birthday ni Rizal noong 2002 tungkol sa kanyang pagtakbo, e di mas lalo na ang mga alipores niya!

Bukod sa pagtanggal ng term limits, maaari pang pakialaman ng mga congressman ang ibang probisyon ng Konstitusyon. Baka ang “Bill of Rights” ay dagdagan nila ng mga “buts” at “excepts.”

Puwede rin nilang tanggalin ang mga makabayang probisyon para 100 percent nang mapagpiyestahan ng mga dayuhan ang ating resources. Kung mangyayari ang ganito, sabi nga ni Kabataan Party Rep. Mong Palatino, “It’s sell-out, it’s treason, it’s anti-Filipino, it’s anti-poor.”

Matagal nang nananawagan si dating Pangalawang Pangulong Teofisto Guingona tungkol sa mga ganitong pagtatangkang isuko ang ating pambansang patrimonya. Sabi niya noon:

Stand up against the attempts to open up our land, mineral and marine resources for foreigners and rich multinational corporations can come in and exploit our national patrimony.

Because you, our youth, are idealistic and visionary, you have the power and the potential to build the future not only of your family but also of the community and the nation.

Nangangamba tayo ngayon na baka bukas, sa SONA ni Gloria, ay i-convene na ng mga alipores niya ang con-ass. Kaya nga nagdeklara tayo ng Blog Action Day sa araw na ito, para maiparating sa maraming tao ang ating panawagan at maramdaman ng Kongreso ang pagtutol ng mga mamamayan sa con-ass.

Gusto natin ng change, pero hindi ng Charger change.

Kababalik ko nga lang mula sa bloggers at Facebook users EB na bahagi ng Blog Action Day. Naroon sina Karl at Andre ng Facebook group na Pilipinas Kontra Con-Ass at ang mga kasamahan ko sa Bloggers Kapihan na sina Rep. Mong, Tonyo, at Sarah. Nakasama rin namin ang peryodistang si Dana. Nakaalis na ako bago dumating ang iba pang participants.

Dapat ay sa EDSA Shrine gaganapin ang EB, pero naging maulan ang panahon, at guwardiyado ng kapulisan ang shrine. Dinala na lang namin ang EB sa Krispy Kreme sa loob ng Robinson’s Galleria.

Iniulat ni Health Secretary Francisco T. Duque III ang pagpanaw ng isang 49-year old na babaeng may sakit sa puso at na-test na positibo sa H1N1.

Heart failure ang ikinamatay ng biktima, ngunit maaaring ang sakit niya sa puso ay pinalala ng flu virus. Noong Hunyo 17 daw ay nagkaroon siya ng dry cough, lagnat, chills, at nahirapang huminga.

“Given the available information, we cannot conclude that the death is due to A (H1N1). But in other countries which have reported A (H1N1) deaths, majority have pre-existing medical conditions. We condole with the family of the patient as we mourn her untimely death,’’ ani Duque said.

Nakakatakot man ang balitang ito, di tayo dapat mag-panic. Di naman daw lahat ng kakapitan ng H1N1 ay mamamatay. Mas marami pa rin ang gumagaling.

Pero delikado sa H1N1 ang mga taong may dati nang sakit gaya ng diabetes, frank cardiovascular disease, COPD, sakit sa bato at atay, mga may HIV/AIDs o may TB, yung mga organ transplant recipients at mga immunocompromised, mga buntis, mga matatanda, at mga bata.

Para sa mga impormasyon tungkol sa sintomas at pag-iwas dito, basahin ang FAQ’s on Influenza A (H1N1) ng DOH.

“It is prudent for parents to seek professional care for children with rapid breathing, excessive drowsiness or dehydration. In adults, chest pain, prolonged fever or labored breathing should prompt warnings to see a doctor,” ani Duque.

Payo pa niya: “The best defense against A (H1N1) and other diseases is to boost your immune system. Most people can fight off this virus without special medications or hospitalization. You can stay at home and take supportive care like plenty of fluids, vitamins and bed rest.”

Pasensya na kayo kung English nang English si Duque. Ganyan talaga sila. Gets naman natin, di ba?

As of June 19, nakapagtala na ang World Health Organization ng 44,287 kaso ng H1N1 sa 90 mga bansa, at 180 sa mga ito ang namatay.

Bumisita sa Yahoo! Philippines News para sa full coverage ng swine flu.

Sigurado akong nabalitaan na nilang ayaw ng mga mamamayan na baguhin ang Saligang Batas, lalo na sa ngayon.

Malamang, nabasa na nila sa mga balita na hindi pabor ang taumbayan sa constituent assembly bilang pamamaraan ng pagbabago ng konstitusyon, kung sakali mang makumbinsi ang mga tao na kailangan ngang mag-chacha.

Nasa ibang planeta sila kung di pa nila nalalamang naniniwala ang mga Pilipino na ang Charter change ngayon ay may layuning palawigin ang dapat ay matagal nang natapos na termino ni Gloria Arroyo.

Kinatawan sila ng mga mamamayan, kaya naman sa ideal na mundo, dapat ay sinasalamin ng kanilang mga kilos ang pulso ng bayan.

Ngunit kanina, ipinasa ng House of Representatives ang House Resolution 1109 na naglalayong gawing constituent assembly ang Kongreso. Wika nga ni Kabataan Party Rep. Mong Palatino, masahol pa ito sa Hayden Kho scandal.

Nakakahiya kung tutuusin.

Pero ano mga ba ang hiya? Wala ito sa bokabularyo nila.