Blogging from home

May mga dalawang oras na mula nang makarating ako rito sa bahay namin sa Marinduque, pagkatapos ng may kalahating araw na biyahe. Umalis ako sa Kamuning around 8am: Jeep -> bus -> tambay sa port kasi naiwan ng barko -> barko -> jeep -> tricycle, at nakarating sa bahay around 8pm.

Nakahiga na si Nanay Diding nang dumating ako. Patulog na yata sila, pero nabulabog sa pagdating ng panganay niyang apo. Nung birthday pa niya earlier this year ako huling nakauwi. After kong ibigay ang mga pasalubong kina Nanay, kumain muna saka kami tumawag sa mga tiya ko sa Germany.

Sa ngayon, nakadapa ako sa banig na nakalatag sa sahig na kawayan ng munti naming bahay. Ayoko sanang magkulambo pero mukhang mapipilitan ako dahil nagpapakitang gilas na ang mga lamok. Tila gusto pa ngang makipag-agawan ng kanilang ugong sa huni ng mga kuliglig sa paligid.

Share ko lang: Dati’y pangarap ko lang siguro na balang araw ay magkakaroon ako ng Internet connection at makakapag-blog habang narito’t padapa-dapa nang ganito. Nagkatotoo rin. Salamat sa Yahoo! at sa Smart Bro! šŸ˜€

Maiba tayo. Hiniram ko ang title ng post na ito sa book ni Ms Janette Toral, ang “Blogging from Home”. Ang librong ito ay para sa mga ordinaryong Internet user na gustong matutong mag-blog. For more info on the book, visit www.bloggingfromhome.com. Get a copy of the book from any of these resellers.

7 Replies to “Blogging from home”

  1. Masakit na likod ko sa pagpaikot-ikot sa internet. Sana dumating din ako sa punto na padapa-dapa sa higaan habang nag iinternet. Pero kahit di ko na pagtangkaang hilahin itong desktop sa higaan at least di rin naman banyagang karanasan iyong pagpiyestahan ng lamok. Ang quaint naman – uso pa rin pala ang kulambo? šŸ™‚

    jans last blog post..Gaza Air Strikes On My Mind

  2. ba, mukhang masarap yang padapadapa na lang habang nagba-blog! hehe. speaking of lamok, naalala ko na dati nagkasama tayo sa isang lakad doon sa lugar na marami ang lamok. anyway, ngayon ay lumipat na ako sa wala masyadong lamok. kung nasa malapit ka lang, sana makadaan ka sa aking booklaunching ngayong Pebrero. Itong bago kong nobela ay tamang-tama para sa Valentine’s day. bisitahin ang aking blog para sa ibang detalye. balak talaga kitang imbitahan dito šŸ™‚

    anijuns last blog post..Pabalat ng Batbat Hi Udan

Leave a Reply